КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ ЮКЪАРЫ РАДАСЫ ВЕ КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ «КРЫМСКИЕ ИЗВЕСТИЯ» ГАЗЕТИНИНЪ МУАРРИРИЕТИ ЭМЕК КОЛЛЕКТИВИ АРАСЫНДА ТЕСИСЧИ АНЪЛАШМА ВЕ МУАРРИРИЕТНИНЪ ФААЛИЕТИ ПРОГРАММАСЫ (ПРОГРАММА МАКЪСАТЛАРЫ) АКЪКЪЫНДА

«Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 31-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 30-нджы пунктына, «Украинада басылып чыкъарылгъан кутьлевий хабер васталары (пресса) акъкъында» Украина Къанунынынъ 8 ве 9-нджы мадделерине бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ Юкъары Радасы ве Къырым Мухтар Джумхуриети Юкъары Радасынынъ «Крымские известия» газетининъ муарририети эмек коллективи арасында Тесисчи анълашма тасдикълансын (иляве этиле).

2. Къырым Мухтар Джумхуриети Юкъары Радасынынъ «Крымские известия» газети муарририетининъ фаалиети Программасы (программа макъсатлары) тасдикълансын (иляве этиле).

3. Къырым Мухтар Джумхуриети Юкъары Радасынынъ 2001 сенеси 18-июльде къабул олунгъан «Къырым Мухтар Джумхуриети Юкъары Радасынынъ «Крымские известия» газети муарририетининъ тесисчи весикъалары акъкъында» 1930-2/01 санлы Къарарына (Къырым Мухтар Джумхуриетининъ норматив-укъукъий актлар топламы, 2001 с., № 7, 708 мад.) ашагъыдаки денъишмелер кирсетильсин:

1-нджи пункт къуветини джойгъан киби танылсын;

2-нджи пунктта «Къырым Мухтар Джумхуриети Юкъары Радасынынъ «Крымские известия» газети муарририетининъ фаалиети Программасы ве» сёзлер чыкъарылсын;

Мезкюр Къарарнен тасдикълангъан Къырым Мухтар Джумхуриети Юкъары Радасынынъ «Крымские известия» газети муарририетининъ фаалиети Программасы къуветини джойгъан киби танылсын.

4. Мезкюр Къарар къабул этильген кунюнден арекетке кире.