Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1-нджи пунктына, 26-нджы маддесиндеки 2-нджи къысмынынъ 1, 13-нджи пунктларына, Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына бинаен, Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелери джинаетчиликнинъ огюни алув боюнджа тедбирлер субъектлерининъ маддий-техникий темелини къавийлештирмек макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелери джинаетчиликнинъ огюни алув боюнджа тедбирлернинъ эда этильмесине Украина Девлет бюджетине Къырым Мухтар Джумхуриетининъ 2007 сенесине бюджетинден айырылгъан субвенциянынъ пара васталары эда этиджилер арасында такъсимленсин:
Украина ички ишлер Назирлигининъ ички ордусы Къырым территориаль команданлыгъынынъ Идаресине -- 200,0 бинъ грн., шу джумледен атеш къускъан силя, арбий ихтиятлар ве патлагъан мальземелерни къанунсыз алыш-вериши ве хырсызланмасынынъ гизли ёлларыны ачмакъ ичюн догърулгъан тешкилий-амелий тедбирлер комплексини кечирмесине — 73,2 бинъ грн. (олардан якъарлыкъ-ягълайыджы мадделер сатын алынмасына — 23,2 бинъ грн., хабер-малюматларны къорчаламакъ ичюн алякъа васталары сатын алмасына эм де Украина Ички ишлер Назирлигининъ ички ордусы Къырым территориаль команданлыгъынынъ Идареси къысымлары ве онынъле ишбирликте олгъан органларнен алякъа тешкилятландырмасына — 50,0 бинъ грн.); Къырым Мухтар Джумхуриетинде Украина ички ишлер Назирлигининъ Баш идаресинен бирликте акъылбалигъ чагъына етмегенлер арасында менфий изарларнынъ огюни алмакъ макъсадынен амелият-огюни алув тедбирлерни эда этильмесине 83,0 бинъ грн. (олардан якъарлыкъ-ягълайыджы мадделер сатын алынмасына — 33,0 бинъ грн., автомобиллерге ихтият къысымларны сатын алынмасына — 50,0 бинъ грн.); джемаат низамыны теминлев боюнджа ишбирликни яхшылаштырмасына ве спирт ичимликлеринен суистимал эткен шахысларны тапмасына догърулгъан эм дигер тедбирлерни эда этмек ичюн якъарлыкъ-ягълайыджы мадделер сатын алынмасына — 20,2 бинъ грн.; эгленме муэссиселер ве дигер ватандашларнынъ кутьлевий раатланув ерлерде бангаитли васталар, рухтабалы мальземелернинъ къанунсыз алыш-веришине къаршылыкъ косьтерюв меселелери боюнджа къанунджылыкънынъ талапларыны кутюльгенини тешкермеси кечирилювини теминлемек макъсадынен якъарлыкъ-ягълайыджы мадделер сатын алынмасына — 23,6 бинъ грн.;
Къырым Мухтар Джумхуриетинде Украина Ички ишлер Назирлигининъ Баш идаресине — 650,0 бинъ грн., олардан компьютерлерни сатын алынмасына — 200,0 бинъ грн., «Силя», «Патлама», «Тосма», «Сынъыр», «Мигрант», «Студент», «Базар», «Сахте несне», «Афьён», «Допинг» киби махсус амеллер кечирмек ичюн якъарлыкъ-ягълайыджы мадделер сатын алынмасына — 450,0 бинъ грн.
2. Юкъарыда анъылгъан субвенция васталарынынъ масраф этилювини мезкюр Къараргъа къатиен мувафыкъ алда эда этильсин.
3. Мезкюр Къарарнынъ 1-нджи пунктында косьтерильген Къырым Мухтар Джумхуриетинде 2006—2010 сенелери джинаетчиликнинъ огюни алув боюнджа тедбирлернинъ эда этиджилери 2007 сенеси 1-нджи ноябрьгедже Къырым Мухтар Джумхуриетининъ Юкъары Радасына Украина Девлет бюджетине Къырым Мухтар Джумхуриетининъ 2007 сенесине бюджетинден айырылгъан субвенциянынъ васталарыны масраф этильмеси акъкъында эсабат такъдим этсинлер.
4. Мезкюр Къарарнынъ эда этильмеси ве юкъарыда анъылгъан субвенциянынъ масраф этилюви незарети Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, июнь 20 № 487-5/07 |