«Девлет ве коммуналь мулькнинъ иджареси акъкъында» Украина Къанунынынъ 19-маддесининъ 2-нджи къысмына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси 19-ноябрьде къабул олунгъан «Къырым Мухтар Джумхуриетине менсюп мулькнинъ иджареси ичюн уджретнинъ эсаплав, такъсимлев ве файдаланув тертиби Услюбиети акъкъында» 274-2/98 санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 11, 897 мад.; 1999 с., № 3, 196 мад.; 2000 с., № 4, 341 мад.; 2002 с., № 2, 89 мад., № 6, 484 мад.; 2003 с., № 6, 538 мад., № 9, 713 мад.; 2004 с., № 3, 160 мад., № 9, 798 мад., № 11, 994 мад.; 2006 с., № 2, 22 мад., № 6, 394 мад., № 9, 737 мад.) тасдикълангъан Къырым Мухтар Джумхуриетине менсюп мулькнинъ иджареси ичюн уджретнинъ эсаплав, такъсимлев ве файдаланув тертиби Услюбиети янъы тарирде арз этильсин (иляве этиле).
2. Мунасип мулькнен идаре этмеге векялетли органлар эвель япылгъан иджаре анълашмалары боюнджа иджареге бергенлер ве иджареге алгъанларнен ишбирликте мезкюр Къарарны арекетке кирсетильмесинден башлап, алты ай ичинде иджаре анълашмаларыны ве оларгъа япылгъан иджаре уджрети эсапларыны онъа мувафыкъ этсинлер.
3. Къырым Мухтар Джумхуриети Мульк Фонду Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиетини ишлетмек меселелери боюнджа анълатувлар бермеге векялетли япылсын.
4. Къырым Мухтар Джумхуриети Мульк Фонду 2008 сенесининъ февраль айында Къырым Мухтар Джумхуриетининъ Юкъары Радасына Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиети семерелилигининъ талилини такъдим этсин. Мезкюр талильни «Крымские известия» газетинде дердж этсин, эм де Интернет агъындаки Къырым Мухтар Джумхуриети Юкъары Радасынынъ ресмий сайтында ерлештирсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |