Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына, Украина Юкъары Радасынынъ 2007 сенеси 22-февральде къабул олунгъан «Къырым курортларынынъ 200 йыллыгъыны къайд этильмеси акъкъында» 693-V санлы Къарарынынъ 4-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде мааллий озь-озюни идаре этюв органларына Украина Юкъары Радасынынъ 2007 сенеси 22-февральде къабул олунгъан «Къырым курортларынынъ 200 йыллыгъыны къайд этильмеси акъкъында» 693-V санлы Къарарыны, Къырым Мухтар Джумхуриети Назирлер Шурасынынъ 2007 сенеси 20-мартта къабул олунгъан «Къырым курортларынынъ 200 йыллыгъыны къайд этильмеси боюнджа тедбирлер акъкъында» 177 санлы Къарарыны эда этильмеси боюнджа ишни фааллештирмеге тевие этильсин.
2. Къырым курортларыны инкишафы боюнджа тевсиелерни огренмек макъсадынен Къырым Мухтар Джумхуриети Юкъары Радасынынъ рекреацион, санаторий-курорт комплекслери ве туризм боюнджа Даимий комиссиясы эм Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясы Къырым Мухтар Джумхуриетининъ Юкъары Радасы ве Къырым Мухтар Джумхуриети Назирлер Шурасы реберлиги иштирагинен алим-курортолог, курорт ишинде ветеран олгъанлар, санаторий-курорт ишханелерининъ мутехассыслары иле корюшюв кечирсинлер.
3. Къырым Мухтар Джумхуриети Назирлер Шурасы:
«Къырым курортларынынъ алтын китабы» юбилей неширнинъ чыкъарылмасыны теминлесин;
Къырым Мухтар Джумхуриети Икътисадият Назирлигине серги фаалиетини тешкилятландыргъанда экспозицияларда Къырым Мухтар Джумхуриетининъ рекреацион имкянларыны кениш айдынлатмакъны козьде тутаракъ, Къырым курортларынынъ 200 йыллыгъына багъышлангъан малюматларны къулланмагъа, Москва ш. «Сеяат ве туризм» Халкъара туристик ярмалыкъта иштирак этмеге авале этильсин;
Къырым Мухтар Джумхуриети Медениет ве санаат Назирлигине джумхуриет музейлеринде Къырымда курорт ишининъ инкишафы тарихына багъышлангъан сергилер тешкилятландырмагъа авале этильсин;
Къырым Мухтар Джумхуриетининъ хабер-малюмат Джумхурий комитетине курорт регионлырынынъ мааллий озь-озюни идаре этюв органларынынъ курортлар ички къурумыны инкишаф этюви боюнджа фаалиети, эм де санаторий-курорт муэссиселерининъ фаалиетини кутьлевий хабер васталарында кениш айдынлатмасыны тешкилятландырмагъа авале этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ рекреацион, санаторий-курорт комплекслери ве туризм боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |