КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ АНАЯСА БЕРГЕН ВЕКЯЛЕТЧИЛИГИНЕ АИТ МЕСЕЛЕЛЕР БОЮНДЖА УКРАИНА ЮКЪАРЫ РАДАСЫНЫНЪ ИШЧИ ГРУППАСЫНЕН ИШБИРЛИГИ БОЮНДЖА КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ ИШЧИ ГРУППАСЫ АКЪКЪЫНДА

Къырым Мухтар Джумхуриети Анаясасынынъ 32-нджи маддесиндеки 4-нджи къысмына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ анаяса берген векялетчилигине аит меселелер боюнджа Украина Юкъары Радасынынъ ишчи группасынен ишбирлиги боюнджа Къырым Мухтар Джумхуриети Юкъары Радасынынъ ишчи группасы мезкюр эркянда яратылсын:

Гриценко Анатолий Павлович — Къырым Мухтар Джумхуриети Юкъары Радасынынъ Реиси, ишчи группанынъ реиси;

Демидов Григорий Викторович — Къырым Мухтар Джумхуриети Юкъары Радасы Реисининъ шахстеркиптен тыш меслеатчысы;

Зверева Татьяна Николаевна — «Юлия Тимошенко блоку»ндан сайлангъан Къырым Мухтар Джумхуриети Юкъары Радасынынъ депутаты;

Клычников Владимир Николаевич — «Союз» Къырым джумхурий тешкилятындан сайлангъан Къырым Мухтар Джумхуриети Юкъары Радасынынъ депутаты;

Корнилов Юрий Петрович — Украина Коммунистлер фиркъасынынъ Къырым джумхурий тешкилятындан сайлангъан Къырым Мухтар Джумхуриети Юкъары Радасынынъ депутаты;­

Лубина Людмила Евгеньевна — «Народная оппозиция» Наталья Витренко Блокундан сайлангъан Къырым Мухтар Джумхуриети Юкъары Радасынынъ депутаты;

Удовина Ольга Максимовна — «Блок Куницына» сайлав блокундан сайлангъан Къырым Мухтар Джумхуриети Юкъары Радасынынъ депутаты;

Федосенко Елена Семёновна — Къырым Мухтар Джумхуриетинде Украина Адлие Назирлигининъ адлие Баш идаресининъ ёлбашчысы;

Цеков Сергей Павлович — «Регионлар фиркъасы, Къырым джумхурий болюги; «Русский блок» фиркъасы, «За Януковича! блоку — Къырым джумхурий тешкиляты» сайлав блокундан сайлангъан Къырым Мухтар Джумхуриети Юкъары Радасынынъ депутаты;

Шуфрич Нестор Иванович — «Оппозиционный блок НЕ ТАК» тан сайлангъан Къырым Мухтар Джумхуриети Юкъары Радасынынъ депутаты;

2. Къырым Мухтар Джумхуриетининъ анаясадаки векялетчилигине аит меселелер боюнджа Украина Юкъары Радасынынъ ишчи группасынен ишбирлиги боюнджа Къырым Мухтар Джумхуриети Юкъары Радасынынъ ишчи группасы Къырым Мухтар Джумхуриетининъ Юкъары Радасыны юкъарыда анъылгъан Украина Юкъары Радасынынъ ишчи группасынен бирликте олгъан иш кетишаты акъкъында даима хабердар этип турсын.

3. Къуветини джойгъан киби танылсын:

Къырым Мухтар Джумхуриети Юкъары Радасынынъ 2004 сенеси 21-апрельде къабул олунгъан «Украинанынъ арекетте олгъан къанунджылыкънен пекитильген Къырым Мухтар Джум­хуриетининъ анаяса берген векялетчилигини талиль этмек ве оларны илеридеки омюрге кечирмеси ве кенълештирмеси боюнджа тевсиелерни кирсетмек ичюн Къырым Мухтар Джумхуриети Юкъары Радасынынъ ишчи группасы яратылмасы акъкъында» 916-3/04 санлы Укюми (Къырым Мухтар Джумхуриетининъ норматив-укъукъий актлар топламы, 2004 с., № 4, 309 мад., № 5, 433 мад.; 2005 с., № 9, 810 мад.);

Къырым Мухтар Джумхуриети Юкъары Радасынынъ 2004 сенеси 21-майыста къабул олунгъан «Къырым Мухтар Джумхуриети Юкъары Радасынынъ 2004 сенеси 21-апрельде къабул олунгъан «Украинанынъ арекетте олгъан къанунджылыкънен пекитильген Къырым Мухтар Джумхуриетининъ анаяса берген векялетчилигини талиль этмек ве оларны илеридеки омюрге кечирмеси ве кенълештирмеси боюнджа тевсиелерни кирсетмек ичюн Къырым Мухтар Джум­хуриети Юкъары Радасынынъ ишчи группасы яратылмасы акъкъында» 916-3/04 санлы Укюмине денъишмелер кирсетильмеси акъкъында» 962-3/04 санлы Укюми (Къырым Мухтар Джумхуриетининъ норматив-укъукъий актлар топламы, 2004 с., № 5, 433 мад.);

Къырым Мухтар Джумхуриети Юкъары Радасынынъ 2005 сенеси 23-сентябрьде къабул олунгъан «Къырым Мухтар Джумхуриети Юкъары Радасынынъ базы къарарлары ве укюмлерине денъишмелер кирсетильмеси акъкъында» 1407-4/05 санлы Къарарынынъ (Къырым Мухтар Джумхуриетининъ норматив-укъукъий актлар топламы, 2005 с., № 9, 810 мад.; 2006 с., № 6, 409 мад., № 11, 1018 мад.) 4-нджи пункты.

4. Мезкюр Къарар къабул этильген кунюнден арекетке кире.