КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-СЕНТЯБРЬДЕ КЪАБУЛ ОЛУНГЪАН 177-5/06 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНДЕ 2006—2010 СЕНЕЛЕРИНЕ ДЖИНАЕТЧИЛИКНИНЪ ОГЮНИ АЛУВ БОЮНДЖА ТЕДБИРЛЕРНИНЪ ЭДА ЭТИЛЬМЕСИНЕ 2007 СЕНЕСИ КЪЫРЫМ МУХТАР ДЖУМХУРИЕТИНИНЪ БЮДЖЕТИНДЕ КОЗЬДЕ ТУТУЛГЪАН ТАХСИСЛЕРНИНЪ ТАКЪСИМЛЕНЮВИ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1-нджи пунктына, 26-нджы маддесиндеки 2-нджи къысмынынъ 1, 13-нджи пунктларына, Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына бинаен, Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этильмеси субъектлерининъ маддий-техника темелини къавийлештирмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этильмесине 2007 сенеси Къырым Мухтар Джумхуриети бюджетинден Украина Девлет бюджетине субвенция васталары эда этиджилер арасында такъсимленсин:

Украина февкъульаде вазиетлер Назирлигининъ Къырым Мухтар Джумхуриетиндеки Баш идаресине — 300,0 бинъ грн. (къазадан къуртарув ичюн аджеле сесленюв АПП-2 «Дельфин» автомобилини сатын алынмасына);

Украина Адлие Назирлигининъ махкеме экспертизалар Къырым ильмий-теткъикъат институтына — 150,0 бинъ грн., олардан 100,0 бинъ грн. — спирт ве алкоголь ичимликлернинъ къанундан тыш дёнюмине къаршылыкъ косьтермесини криминалистик ве махкеме-экспертиза теминленмеси боюнджа программанынъ омюрге кечирмесине («Кристалл 2000 М» хромато­графны, «Specord» ИК ве УМ-спектрофотоольчюни, ДЭ-4 дистиляторны, СНОЛ 3.5 къурутма электродолафны, БВ-4 сув аммамыны, ЭКОТЭС-2 ВА агъыр маденлер талиль этиджисини, РПЛ4 лаборатория рефрактоольчюнинъ сатын алынмасына), эм де 50,0 бинъ грн. — ташынмаз мал ве топракъ ресурслары иле къанундан тыш амеллерге къаршы арекетлерни эксперт теминлемеси боюнджа программанынъ эда этильмесине (ташынмаз мал объектлерни оларнынъ булунгъан еринде, рекреацион ве табиат-къорукъ объектлерни теткъикъат этмек, экологик теткъикъатлары ичюн «Баргузин» миктроавтобусы эсасында ерини денъиштирген махкеме-эксперт лабораториясыны яратылмасына);

Харьков Миллий университетининъ Къырым адлие институтына — 200,0 бинъ грн. компьютер сыныфынынъ янъартмасына (компьютерлер сатын алув, сервер иншаатларыны къоюв).

2. Юкъарыда анъылгъан субвенция васталарынынъ масрафлары мезкюр Къараргъа къатиен уйгъунлаштырып эда этильсин.

3. 2007 сенеси 1-ноябрьгедже мезкюр Къарарнынъ 1-нджи пунктында косьтерильген Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этиджилери Къырым Мухтар Джумхуриетининъ 2007 сенесине бюджетинден Украина Девлет бюджетине васталар масраф этильмеси акъкъында эсабатны Къырым Мухтар Джумхуриетининъ Юкъары Радасына такъдим этсинлер.

4. Мезкюр Къарарнынъ эда этильмеси ве юкъарыда анъылгъан субвенциянынъ васталары масрафларынынъ незарети Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.