КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ 17-ИЮЛЬДЕ КЪАБУЛ ОЛУНГЪАН 192-3/02 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ РЕГЛАМЕНТИНЕ РИАЕТ ЭТИЛЬМЕСИ НЕЗАРЕТИ БОЮНДЖА КОМИССИЯСЫ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен, Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 192-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ Регламентине риает этильмеси незарети боюнджа комиссиясы акъкъында Низамнамесини «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына мунасип этмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1.Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 192-3/02 санлы (Къырым Мухтар Джумхуриетининъ норматив-укъукъий актлар топламы, 2002 с., № 7, 601 мад.) Къарарынен тасдикълангъан Къырым Мухтар Джумхуриети Юкъары Радасынынъ Регламентине риает этильмеси незарети боюнджа комиссиясы акъкъында Низамнамесине ашагъыдаки денъишмелер кирсетильсин:

1-нджи пунктнынъ 1.3 пунктастында «Къырым Мухтар Джумхуриети Юкъары Радасы акъкъында» Украина Къанунына» сёзлери «Къырым Мухтар Джумхуриети Юкъары Радасы акъкъында», «Къырым Мухтар Джумхуриети Юкъары Радасынынъ депутаты статусы акъкъында» Украина къанунларына» сёзлерине денъиштирильсин;

2-нджи пунктта:

2.2. пунктасты янъы тарирде арз этильсин:

«2.2. Комиссия, Къырым Мухтар Джумхуриети Юкъары Радасынынъ депутатлар фракциясы онынъ азалары комиссияда иштирак этмейджеклери хусусында вакъиалар юзь бергенден гъайры, Къырым Мухтар Джумхуриети Юкъары Радасынынъ депутатлары сырасындан Къырым Мухтар Джумхуриети Юкъары Радасынынъ депутатлар фракциялары азаларынынъ мутенасип векялетчилиги эсасында яратыла. Комиссиянынъ колеми Къырым Мухтар Джумхуриети Юкъары Радасынынъ онынъ яратылмасы акъкъында укюмине бинаен энъ аздан 3 адам микъдарында тайинлене»;

2.3 пунктастында «Юкъары Рада, эгер комиссия эркянына кирсетиледжек азаларнынъ нам­зетлер сайысы мезкюр пунктнынъ 2.2. пунктастында косьтерильген сынъыр сайысындан арткъач олса, ачыкъ рейтинг (нисбетен чокълукъ рейлер) иле эр бир намзет ичюн рей берювни айры кечире» сёзлери чыкъарылсын;

3-нджи пунктнынъ 3.5 пунктастында:

биринджи сатырбашында «(мунасип алда дигер депутатларны кирсетип)» сёзлери чыкъарылсын;

мезкюр мундериджели бешинджи сатырбашынен текмилленсин:

«депутатлар фракциясындан чыкъмасы мунасебетинен»;

бешинджи-секизинджи сатырбашлары келиштирилип, алтынджы-докъузынджы, деп сайылсын;

мезкюр мундериджели сатырбашынен текмилленсин:

«депутатлар фракциясынынъ теклифи боюнджа».

2. Мезкюр Къарар къабул этильген кунюнден арекетке кире.