КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ 17-ИЮЛЬДЕ КЪАБУЛ ОЛУНГЪАН 191-3/02 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ РЕЙ БЕРЮВ ЭЛЕКТРОН ЁРУКЪНЫНЪ НЕЗАРЕТИ БОЮНДЖА КОМИССИЯСЫ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмы­нынъ 1-нджи пунктына бинаен, Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 191-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ рей берюв электрон ёрукънынъ незарети боюнджа комиссиясы акъкъында Низамнамесини «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына мунасип этмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 191-3/02 санлы (Къырым Мухтар Джумхуриетининъ норматив-укъукъий актлар топламы, 2002 с., № 7, 600 мад.) Къарарынен тасдикълангъан Къырым Мухтар Джумхуриети Юкъары Радасынынъ рей берюв электрон ёрукънынъ незарети боюнджа комиссиясы акъкъында Низамнамесине ашагъыдаки денъишмелер кирсетильсин:

1-нджи пунктнынъ 1.3 пунктастында «эсаслана» сёзюнден эвель «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына» сёзлеринен текмилленсин;

2-нджи пунктта:

2.2 пунктасты янъы тарирде арз этильсин:

«2.2. Комиссия, Къырым Мухтар Джумхуриети Юкъары Радасынынъ депутатлар фракциясы онынъ азалары комиссияда иштирак этмейджеклери хусусында вакъиалар юзь бергенден гъайры, Къырым Мухтар Джумхуриети Юкъары Радасынынъ депутатлары сырасындан Къырым Мухтар Джумхуриети Юкъары Радасынынъ депутатлар фракциялары азаларынынъ мутенасип векялетчилиги эсасында яратыла. Комиссиянынъ колеми Къырым Мухтар Джумхуриети Юкъары Радасынынъ онынъ яратылмасы акъкъында укюмине бинаен энъ аздан 3 адам микъдарында тайинлене»;

2.3 пунктастынынъ экинджи сатырбашы чыкъарылсын;

3-нджи пунктнынъ 3.4 пунктастында:

биринджи сатырбашында «(мунасип алда дигер депутатларны кирсетип)» сёзлери чыкъарылсын;

мезкюр мундериджели бешинджи сатырбашынен текмилленсин:

«депутатлар фракциясындан чыкъмасы мунасебетинен»;

бешинджи-секизинджи сатырбашлары келиштирилип, алтынджы-докъузынджы, деп сайылсын;

мезкюр мундериджели сатырбашынен текмилленсин:

«депутатлар фракциясынынъ теклифи боюнджа».

2. Мезкюр Къарар къабул этильген кунюнден арекетке кире.