КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2002 СЕНЕСИ 17-ИЮЛЬДЕ КЪАБУЛ ОЛУНГЪАН 193-3/02 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ СЕССИЯСЫ КЯТИБИЕТИ АКЪКЪЫНДА НИЗАМНАМЕСИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен, Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 193-3/02 санлы Къарарынен тасдикълангъан Къырым Мухтар Джумхуриети Юкъары Радасынынъ сессиясы кятибиети акъкъында Низамнамесини «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына мунасип этмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2002 сенеси 17-июльде къабул олунгъан 193-3/02 санлы (Къырым Мухтар Джумхуриетининъ норматив-укъукъий актлар топламы, 2002 с., № 7, 602 мад.) Къарарынен тасдикълангъан Къырым Мухтар Джумхуриети Юкъары Радасынынъ сессиясы кятибиети акъкъында Низамнамесине ашагъыдаки денъишмелер кирсетильсин:

1-нджи пунктта:

1.2 пунктастында «депутат мураджаатларынен», «группалар», «блоклар» сёзлери чыкъарылсын;

1.3 пунктастында:

«Ватандашларнынъ мураджаатлары акъкъында» сёзлеринден сонъ «Къырым Мухтар Джумхуриети Юкъары Радасынынъ депутаты статусы акъкъында» сёзлеринен текмилленсин;

«группаларда» сёзю чыкъарылсын;

2-нджи пунктта:

2.3 пунктасты янъы тарирде арз этильсин:

«2.3. Сессиянынъ кятибиети, Къырым Мухтар Джумхуриети Юкъары Радасынынъ депутатлар фракциясы онынъ азалары сессия кятибиетинде иштирак этмейджеклери хусусында вакъиалар юзь бергенден гъайры, Къырым Мухтар Джумхуриети Юкъары Радасынынъ депутатлары сырасындан Къырым Мухтар Джумхуриети Юкъары Радасынынъ депутатлар фракциялары азаларынынъ мутенасип векялетчилиги эсасында яратыла. Сессия кятибиетининъ колеми Къырым Мухтар Джумхуриети Юкъары Радасынынъ онынъ яратылмасы акъкъында укюмине бинаен энъ аздан 3 адам микъдарында тайинлене»;

2.4. пунктастынынъ экинджи сатырбашы чыкъарылсын;

3-нджи пунктнынъ 3.4 пунктастында:

биринджи сатырбашында «(мунасип алда дигер депутатларны кирсетип)» сёзлери чыкъарылсын;

мезкюр мундериджели бешинджи сатырбашынен текмилленсин:

«депутатлар фракциясындан чыкъмасы мунасебетинен»;

бешинджи-секизинджи сатырбашлары келиштирилип, алтынджы-докъузынджы, деп сайылсын;

мезкюр мундериджели сатырбашынен текмилленсин:

«депутатлар фракциясынынъ теклифи боюнджа»;

4-нджи пунктнынъ 4.1 пунктастында:

экинджи сатырбашында «мураджаатлар» сёзю чыкъарылсын;

секизинджи сатырбашында «группаларны», «блокларны» сёзлери чыкъарылсын;

докъузынджы сатырбашында «группалар», «блоклар» сёзлери чыкъарылсын;

онунджы сатырбашы янъы тарирде арз этильсин:

«депутатлар фракциясы яратылмасы акъкъында мунасип весикъаларны ресмийлештирген сонъ, Къырым Мухтар Джумхуриети Юкъары Радасынынъ пленар топлашувында онынъ джед­вельге алынувы ве микъдар сайысы акъкъында реис тарафындан кельгенлерге хабер этмек ичюн, невбеттеки пленар топлашувгъа джедвельге алынгъан депутатлар фракциясы (коалициясы) акъкъында хабер-малюмат азырлай»;

мезкюр мундериджели он биринджи сатырбашынен текмилленсин:

«Къырым Мухтар Джумхуриети Юкъары Радасына невбеттеки пленар топлашувда озь фаалиетини токътаткъан депутатлар фракциялары ве коалициялары акъкъында хабер-малюмат бере»;

он биринджи-он экинджи сатырбашлары келиштирилип, он экинджи-он учюнджи, деп сайылсын;

он экинджи сатырбашында «группаларны», «блокларны» сёзлери чыкъарылсын.

2. Мезкюр Къарар къабул этильген кунюнден арекетке кире.