Украина Назирлер Кабинетининъ 2006 сенеси 27-декабрьде къабул эткен «Украина джемиетинде 2010 сенесине къадар муддетке гендер мусавийлиги тасдикъланмасы боюнджа Девлет программасынынъ тасдикъланмасы акъкъында» 1834 санлы Къарары эда этильмеси ичюн, турмушнынъ чешит сааларында къадын ве эркеклернинъ мусавий акълары ве имкянларыны теминлемек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2010 сенесине къадар муддетке гендер мусавийлигини тасдикълав Программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2008—2010 сенелерине бюджет лейихаларыны шекиллендиргенде Къырым Мухтар Джумхуриетинде 2010 сенесине къадар муддетке гендер мусавийлигини тасдикълав Программасынынъ омюрге кечирмек ичюн пара васталарыны козьде тутсын.
3. Къырым Мухтар Джумхуриетинде мааллий озь-озюни идаре этюв органлары ве район девлет мемуриетлерине эр сене мааллий бюджетлерининъ лейихаларыны шекиллендиргенде Къырым Мухтар Джумхуриетинде 2010 сенесине къадар муддетке гендер мусавийлигини тасдикълав Программасынынъ тедбирлерини омюрге кечирмек ичюн пара васталарыны козьде тутмакъ тевсие этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |