Ер асты байлыкълары Украина Кодексине, 2006 сенеси 22-февральде къабул олунгъан «2010 сенесине къадар муддетке Украинанынъ минераль-хаммал темелли инкишафы Умумдевлет программасынынъ тасдикъланмасы акъкъында» 3458-IV санлы Украина Къанунына, 2000 сенеси 23-мартта къабул олунгъан «Украинанынъ икътисадий ве ичтимаий инкишаф программаларыны девлет прогнозлаштырувы ве ишлеп чыкъарылувы акъкъында» 1602-III санлы Украина Къанунына, 2003 сенеси 6-июньде имзалангъан «Украина Миллий хавфсызлыгъы Кенъеши ве 2003 сенеси 6-июньде къабул олунгъан «Украинада ер асты байлыкъларындан семерели файдаланмакъны юксельтмек боюнджа аджеле тедбирлер акъкъында» Украина миллий хавфсызлыгъы ве мудафаа Кенъешининъ укюми акъкъында» Украина Президентининъ Эмирине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. 2010 сенесине къадар муддетке Къырым Мухтар Джумхуриетинде минераль-хаммал комплексининъ инкишафы Программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы, Къырым Мухтар Джумхуриетинде район девлет мемуриетлери ве мааллий озь-озюни идаре этюв органлары малюмат базаларынен ишлегенде 2010 сенесине къадар муддетке Къырым Мухтар Джумхуриетинде минераль-хаммал комплексининъ инкишафы Программасыны козьде тутсынлар.
3. Къырым Мухтар Джумхуриетинде манераль-хаммал ресурсларны ишленмеси ве къазып чыкъарылмасы саасында ходжалыкъ фаалиетини эда этмек къаиделер ве тертиби кутюльгени незаретини эда эткен онганлар 2007 1-июльгедже мутенасип изинлери олмагъан тешкилятларнынъ фаалиетини токътатмакъ боюнджа керекли чарелер корьсинлер.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына эм де Къырым Мухтар Джумхуриетининъ Икътисадият Назирлигине авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |