КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-НОЯБРЬДЕ КЪАБУЛ ОЛУНГЪАН «2007—2016 СЕНЕЛЕРИНЕ ОНКОЛОГИЯ ХАСТАЛЫКЪЛАРЫНА КЪАРШЫ КУРЕШ ДЖУМХУРИЙ ПРОГРАММАСЫ АКЪКЪЫНДА» 251-5/06 САНЛЫ КЪАРАРЫНЫНЪ ЭДА ЭТИЛЬМЕСИ КЕТИШАТЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмы­нынъ 17-нджи пунктына бинаен, Къырым Мухтар Джумхуриетинде махсус онкология ярдымы берильмесининъ яхшылаштырылмасы макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ Назирлер Шурасы 2007 сенеси Къырым Мухтар Джумхуриети Юкъары Радасынынъ 2006 сенеси 22-ноябрьде къабул олунгъан 251-5/06 санлы Къарарынен тасдикълангъан 2007—2016 сенелерине онкология хасталыкъларына къаршы куреш Джумхурий программасынынъ V болюктеки 5.9 ве 5.10 пунктастларынынъ эда этильмесини теминлесин.

2. Мааллий озь-озюни идаре этюв органлары ве Къырым Мухтар Джумхуриетинде район девлет мемуриетлери:

демографик инкъиразы меселелерини чезювде гъалип чыкъмасы боюнджа девлет сиясетининъ омюрге кечирюв боюнджа, шу джумледен онкология хасталыкъларындан олюм ве сакъатлыкъны эксильтюв, хоспис ве енгиллешме ярдымынен теминлев, онкология хасталарны ичти­маий ве эмек реабилитирлеви боюнджа тедбирлер кечирсинлер;

онкология хасталарына махсус ярдымны эда эткен муэссисе ве тешкилятларнынъ маддий-техникий темелини ве кадрлар эркяныны къавийлештирсинлер;

онкология хасталыкъларынен куреш алып барув девлет стратегиясына бинаен онкология хасталарыны тиббий теминлев къысмында тедбирлерни малиенен теминлевини эда этсинлер;

биринджи басамакътаки сагълыкъ сакълав муэссиселерни онкология хасталыкъларынынъ огюни алув боюнджа диагностика ве малюмат мадделери васталарынен теминлесинлер;

онкология хасталарына тиббий ярдым такъдим этмек ве акъ-укъукъларыны теминлемек стратегиясыны ишлеп чыкъарув макъсадынен 2007 сенеси 25-июньгедже Къырым Мухтар Джумхуриетининъ регионларында онкология хасталарынынъ акъ-укъукъларыны къорчалав акъкъында джемаат динълевлери кечирсинлер, 2007 сенеси 5-июльгедже Къырым Мухтар Джумхуриетининъ Сагълыкъ сакълав Назирлигине динълевлер кечирильмеси акъкъында малюмат такъдим этсинлер.

3. Къырым Мухтар Джумхуриетининъ Сагълыкъ сакълав Назирлиги джемаат динълевлернинъ нетиджелерине эсасланып, малюматларны умумийлештирсин ве «Къырым Мухтар Джумхуриетинде онкология хасталарынынъ акъ-укъукъларыны къорчалав ве Къырым Мухтар Джумхуриети Юкъары Радасынынъ 2006 сенеси 22-ноябрьде къабул олунгъан 251-5/06 санлы Къарарынен тасдикълангъан 2007—2016 сенелерине онкология хасталыкъларына къаршы куреш Джумхурий программасынынъ эда этильмеси акъкъында» мевзу боюнджа конференция кечирсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.