КъМДж ЮР Къарары

ГЪАРБИЙ КЪЫРЫМНЫНЪ САГЪЛАМ ИНКИШАФ ЭТТИРИЛЬМЕСИ БОЮНДЖА ТЕДБИРЛЕРНИ ОМЮРГЕ КЕЧИРМЕК МАКЪСАДЫНЕН ХОДЖАЛЫКЪ ДЖЕМИЕТИ ЯРАТЫЛУВЫ АКЪКЪЫНДА

Украина Анаясасынынъ 138-нджи маддесиндеки 1-нджи къысмынынъ 3-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына, Къырым Мухтар Джумхуриети Юкъары Радасынынъ 2000 сенеси 21-июньде къабул олунгъан 1233-2/2000 санлы Къарарынен тасдикълангъан Къырым Мухтар Джумхуриетининъ мулькюни теслим этилюв тертиби акъкъында Низамнамесине бинаен, Къырым Мухтар Джум­хуриети Юкъары Радасынынъ Къырым Мухтар Джумхуриетине менсюп мулькни идаре этмек векялетчилигине эсасланаракъ, эм де Гъарбий Къырымнынъ сагълам инкишаф эттирильмеси боюнджа тедбирлерни омюрге кечирмек ве Къырым Мухтар Джумхуриетине менсюп мулькнинъ салым ярашыкълыгъыны котермек эм семерели файдаланмакъ макъсадынен,

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ Мульк Фонду:

1.1. Сакъ, Черномор, Раздольное районларынынъ, Евпатория шеэр шурасынынъ территорияларында ерлешкен Къырым Мухтар Джумхуриетине менсюп мулькнинъ эсасында ходжалыкъ джемиетнинъ тесисчиси олсун.

1.2. Яратылгъан ходжалыкъ джемиетининъ темель фондуна теслим этмек ичюн теклиф этильген Сакъ, Черномор, Раздольное районларынынъ, Евпатория шеэр шурасынынъ территорияларында ерлешкен Къырым Мухтар Джумхуриетине менсюп мулькнинъ джедвели бельгилесин, керек олса, мезкюр джедвель мувафыкъ идаре органлар иле уйгъунлаштырсын ве тайинленген тертипте Къырым Мухтар Джумхуриети Юкъары Радасы пленар топлашувларында бакъылмасы ичюн мувафыкъ норматив-укъукъий актнынъ лейихасыны кирсетсин.

2. Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясы ве Къырым Мухтар Джумхуриети Юкъары Радасынынъ мааллий озь-озюни идаре этюв ве мемурий-территориаль меселелери боюнджа Даимий комиссиясы Къырым Мухтар Джумхуриетининъ Мульк Фондунен бераберликте Къырым Мухтар Джумхуриети Юкъары Радасына Къара денъиз ялысы боюдаки мувафыкъ территорияларында ерлешкен Сакъ, Черномор, Раздольное районларынынъ девлет мемуриетлери, Евпатория шеэр шурасы, дигер кой ве къасаба шураларынынъ ходжалыкъ джемиетининъ яратылувындаки иштирак этюв шекиллери акъкъында тевсиелерни такъдим этсинлер.

3. Ходжалыкъ джемиетининъ яратылув ёл-ёругъыны теминлемек ичюн керекли (Къырым Мухтар Джумхуриетининъ пайы парасына мустакъиль къыймет кесильмеси, девлет ресмийлештирилюви, тесисчи весикъаларнынъ нотариаль имзаланмасы, эмиссия, акцияларнынъ рес­мийлештирилюви, консалтинг фирмаларнынъ джельп этюви ве башкъа) пара васталарынынъ масрафлары Къырым Мухтар Джумхуриетине менсюп мулькни саиплештирюв ве иджареге берюв масхус макъсатлы фонднынъ паралары эсабындан япылгъаны тайинленсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.