КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫ ДЕПУТАТЫНЫНЪ ЯРДЫМДЖЫ-МЕСЛЕАТЧЫЛАРЫ АКЪКЪЫНДА НИЗАМНАМЕ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына ве «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасы депутатынынъ ярдымджы-меслеатчылары акъкъында Низамнаме тасдикълансын (иляве этиле).

2. Къырым Мухтар Джумхуриети Юкъары Радасынынъ ашагъыдаки къарарлары къуветини джойгъан киби танылсын:

1998 сенеси 30-июньде къабул олунгъан «Къырым Мухтар Джумхуриети Юкъары Радасы депутатынынъ ярдымджылары акъкъында Мувакъкъат низамнамеси акъкъында» 112-II санлы Къарары (Къырым Мухтар Джумхуриетининъ норматив-укъукъий актлар топламы, 1998 с., № 6, 391 мад.; 2002 с., № 7, 603 мад.; 2003 с., № 9, 727 мад.);

2002 сенеси 17-июльде къабул олунгъан «Къырым Мухтар Джумхуриети Юкъары Радасы депутатынынъ ярдымджылары акъкъында Мувакъкъат низамнамесине текмиллевлер ве денъишмелер кирсетильмеси акъкъында» 194-3/02 санлы Къарары (Къырым Мухтар Джумхуриетининъ норматив-укъукъий актлар топламы, 2002 с., № 7, 603 мад.);

2003 сенеси 17-сентябрьде къабул олунгъан «Къырым Мухтар Джумхуриети Юкъары Радасынынъ 1998 сенеси 30-июньде къабул олунгъан 112-II санлы Къарарынен тасдикълангъан Къырым Мухтар Джумхуриети Юкъары Радасы депутатынынъ ярдымджылары акъкъында Мувакъкъат низамнамесине текмиллевлер ве денъишмелер кирсетильмеси акъкъында» 674‑3/03 санлы Къарары (Къырым Мухтар Джумхуриетининъ норматив-укъукъий актлар топламы, 2003 с., № 9, 727 мад.).

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ мандат, депутатлар этикасы, Юкъары Раданынъ иши тешкилятландырылмасы ве кутьлевий хабер васталары боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.