Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен, Къырым Мухтар Джумхуриети Юкъары Радасынынъ Регламентини «Къырым Мухтар Джумхуриети Юкъары Радасынынъ депутаты статусы акъкъында» Украина Къанунына уйгъунлаштырмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси 30-июньде къабул олунгъан 109-II санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад.; 2006 с., № 7, 496 мад., № 10, 887 мад.) тасдикълангъан Къырым Мухтар Джумхуриети Юкъары Радасынынъ Регламентине ашагъыдаки денъишмелер кирсетильсин:
1.1. 5-нджи мадденинъ 2-нджи къысмында «4 йыл» сёзлери «5 йыл» сёзлерине денъиштирильсин.
1.2. 9-нджы мадде янъы тарирде арз этильсин:
«9-нджы Мадде. Къырым Мухтар Джумхуриетининъ Юкъары Радасында депутатлар фракциялары, коалицияларынынъ шекиллендирильмеси
Къырым Мухтар Джумхуриети Юкъары Радасынынъ ильк пленар топлашувында Къырым Мухтар Джумхуриети сайлав комиссиясынынъ реиси депутатларгъа депутат фракциялары, коалицияларыны шекиллендирмеге башламагъа теклиф эте, оларнынъ акъ-укъукълары акъкъында ве шекиллендирюв тертиби боюнджа анълатмалар бере. Депутатлар фракциялары, коалицияларынынъ шекилленмеси «Къырым Мухтар Джумхуриети Юкъары Радасынынъ депутаты статусы акъкъында», «Къырым Мухтар Джумхуриетининъ Юкъары Радасы акъкъында» Украина къанунларына бинаен кечириле.
1.3. 19-нджи маддеде:
1-нджи къысмында:
«3 адам микъдарында» сёзлери чыкъарылсын;
«Комиссиянынъ сайысы Къырым Мухтар Джумхуриети Юкъары Радасынынъ укюмине коре бельгилене» джумлеси иле текмилленсин;
Мезкюр мундериджели 1-1 къысмынен текмилленсин:
«1-1. Депутат фракцияларынынъ Къырым Мухтар Джумхуриети Юкъары Радасынынъ Регламенти кутюльмеси незарети боюнджа комиссиясында мутенасип векялетчиликке акъкъы бар».
1.4. 20-нджи маддеде:
1-нджи къысмында:
«5 адам микъдарында» сёзлери чыкъарылсын;
«Комиссиянынъ эркян сайысы Къырым Мухтар Джумхуриети Юкъары Радасынынъ укюмине коре бельгилене» джумлеси иле текмилленсин;
Мезкюр мундериджели 1-1 къысмынен текмилленсин:
«1-1. Депутат фракцияларынынъ рей берюв электрон ёрукъны незарет этюв боюнджа комиссиясында мутенасип векялетчиликке акъкъы бар».
1.5. 21-нджи маддеде:
1-нджи къысмында:
«5 адам микъдарында» сёзлери чыкъарылсын;
«Кятибиетнинъ эркян сайысы Къырым Мухтар Джумхуриети Юкъары Радасынынъ укюмине коре бельгилене» джумлеси иле текмилленсин;
Мезкюр мундериджели 1-1 къысмынен текмилленсин:
«1-1. Депутат фракцияларынынъ сессия кятибиетинде мутенасип векялетчиликке акъкъы бар».
1.6. 22-нджи маддеде:
1-нджи къысмынынъ «а» пунктастында «мураджаатлар» сёзю чыкъарылсын.
1.7. 30-нджи мадденинъ 3-нджи къысмы янъы тарирде арз этильсин:
«3. Къырым Мухтар Джумхуриети Юкъары Радасынынъ умумий эркянындан энъ аздан 1/3 пайы рей берген олса, къолтутулгъан киби сайылгъан депутат соравы боюнджа рей берювден гъайры, Къырым Мухтар Джумхуриети Юкъары Радасынынъ ёл-ёрукъ меселелери боюнджа укюмлер мезкюр мадденинъ 2-нджи къысмында козьде тутулгъан тертипке коре къабул олуна».
1.8. 34-нджи мадде мезкюр мундериджели 1-1 къысмынен текмилленсин:
«1-1. Депутат фракцияларынынъ Къырым Мухтар Джумхуриети Юкъары Радасынынъ эсаплав комиссиясында мутенасип векялетчиликке акъкъы бар».
1.9. 45-нджи маддеде «группаларнен» сёзю чыкъарылсын.
1.10. 52-нджи маддесиндеки 4-нджи къысмынынъ бешинджи сатырбашында «группалар я да» сёзлери чыкъарылсын.
1.11. 59-нджы маддесиндеки 3-нджи къысмынынъ бешинджи сатырбашында «группалар я да» сёзлери чыкъарылсын.
1.12. 70-нджи мадде мезкюр мундериджели экинджи къысымнен текмилленсин:
«Депутат фракцияларынынъ Къырым Мухтар Джумхуриети Юкъары Радасынынъ даимий комиссияларында мутенасип векялетчиликке акъкъы бар».
1.13. 77-нджи мадде мезкюр мундериджели 1-1 къысмынен текмилленсин:
«1-1. Депутат фракцияларынынъ Къырым Мухтар Джумхуриети Юкъары Радасынынъ мувакъкъат комиссияларында мутенасип векялетчиликке акъкъы бар».
1.14. 81-нджи мадденинъ 1-нджи къысмында:
«о» пунктасты янъы тарирде арз этильсин:
«о) Къырым Мухтар Джумхуриети Юкъары Радасынынъ ресмий неширлерининъ, чыкъышларнынъ метнилерини, Къырым Мухтар Джумхуриети Юкъары Радасы ве онынъ органларынынъ хабер малюматларыны, Къырым Мухтар Джумхуриети Назирлер Шурасынынъ хабер ве къылавуз малюматларынынынъ бирер нусхасыны алмагъа, эм де Къырым Мухтар Джумхуриети Юкъары Радасы ве онынъ органларынынъ архив малюматлары, чыкъыш метнилерининъ стенограмма (фонограмма) шекили эм топлашувларнынъ протоколларынен таныш олмагъа, Къырым Мухтар Джумхуриети Юкъары Радасы ве Къырым Мухтар Джумхуриети Юкъары Радасынынъ Президиумы ачыкъ топлашувларынынъ стенограммаларынынъ кочюрме нусхаларыны алмагъа»;
мезкюр мундериджели «п», «р», «с», «т», «у» пунктастларынен текмилленсин:
«п) Къырым Мухтар Джумхуриети Юкъары Радасы ве онынъ органларына эр бир вазифеге намзети косьтерильген тарзда, рей берювден озь намзетини алып ташламагъа;
р) Къырым Мухтар Джумхуриети Юкъары Радасы ве онынъ органларында къайсы бир вазифеге сайлангъан олса да, шахсий аризасы иле истифагъа чыкъмагъа;
с) Къырым Мухтар Джумхуриети Юкъары Радасынынъ бирде-бир депутат фракциясынынъ эркянына кирмеге, депутатлар фракциясында чалышмагъа, мезкюр Къанун, Къырым Мухтар Джумхуриети Юкъары Радасынынъ Регламенти ве Къырым Мухтар Джумхуриети Юкъары Радасынынъ дигер норматив-укъукъий актларынен бальгиленген тертипте Къырым Мухтар Джумхуриети Юкъары Радасы депутатлар фракциясынынъ эркянындан чыкъмагъа;
т) эгер музакере токътатылгъанындан себеп, чыкъыш япмагъа муддетнен файдаланмагъа имкян олмагъан олса, шу чыкъышнынъ имзалангъан метнини Къырым Мухтар Джумхуриети Юкъары Радасынынъ топлашувы стенограммаларына къошмагъа;
у) эгер назирликлер ве джумхурий комитетлер, комиссиялар, Къырым Мухтар Джумхуриети Юкъары Радасы сайлагъан ве шекиллендирген органларынынъ реберлери ве о тайинлеген, сайлагъан я да тасдикълагъан вазифедар шахысларгъа нисбетен къанунджылыкъ бозулгъаны акъкъында малюмат олса, Къырым Мухтар Джумхуриети Юкъары Радасы ве онынъ органлары огюнде мувафыкъ органлар тарафындан тешкерме япылмасы акъкъында меселелер къоймагъа».
1.15. Мезкюр мундериджели 81-1 мадденен текмилленсин:
«81-1 Мадде. Къырым Мухтар Джумхуриети Юкъары Радасы депутатынынъ сайлавджыларнен мунасебети
1. Къырым Мухтар Джумхуриети Юкъары Радасынынъ депутаты Къырым Мухтар Джумхуриетинде яшагъан сайлавджыларнен даимий алякъада булуна.
2. Къырым Мухтар Джумхуриети Юкъары Радасынынъ депутаты сайлавджыларнен корюшювлер кечире, къанун бельгилеген тертипте телекосьтерювлер ве радиода чыкъышлар япа, ватандашлар ичюн шахсий къабул алып бара.
Къабул бельгиленген куньлерде ве белли муддет ичинде даимий тарзда алып барыла. Къабул этюв куньлер джедвели ватандашларгъа бильдириле.
3. Къырым Мухтар Джумхуриети Юкъары Радасынынъ депутаты эалининъ кереклери ве истеклерини огрене, Къырым Мухтар Джумхуриети Юкъары Радасындаки ишинде озь векялетчилиги черчивесинде оларны козьде тутулмасы нисбетен чарелер коре.
4. Къырым Мухтар Джумхуриети Юкъары Радасынынъ депутаты йылда энъ аздан бир кере озь сайлавджыларыны депутатлыкъ фаалиети акъкъында хабердар эте».
1.16. 82-нджи мадде янъы тарирде арз этильсин:
«82-нджи Мадде. Къырым Мухтар Джумхуриети Юкъары Радасы депутатынынъ меджбурий вазифелери
1. Депутат:
1) Украина Анаясасы, Къырым Мухтар Джумхуриети Анаясасы, «Къырым Мухтар Джумхуриети Юкъары Радасынынъ депутаты статусы акъкъында» Украина Къануны ве дигер Украина къанунлары, Къырым Мухтар Джумхуриети Юкъары Радасынынъ Регламенти ве Къырым Мухтар Джумхуриети Юкъары Радасынынъ дигер норматив-укъукъий актларнынъ талапларына уймагъа;
2) Къырым Мухтар Джумхуриети Юкъары Радасынынъ даимий ве мувакъкъат комиссияларынынъ эркянына кирмеге;
3) Къырым Мухтар Джумхуриети Юкъары Радасы ве онынъ эрянына сайлангъан органларынынъ топлашувларында булунмагъа ве шахсий иштирак этмеге;
4) Къырым Мухтар Джумхуриети Юкъары Радасынынъ бакъымына теслим этильген норматив-укъукъий ве дигер актларнынъ лейихалары устюндеки иш алып барувда иштирак этмеге;
5) Къырым Мухтар Джумхуриети Юкъары Радасы ве онынъ органларынынъ бакъымында олгъан меселелер боюнджа рей берювде шахсий иштирак этмеге;
6) Къырым Мухтар Джумхуриети Юкъары Радасынынъ, озю онынъ эркянына сайлангъан Къырым Мухтар Джумхуриети Юкъары Радасынынъ, мувафыкъ даимий комиссиясы, депутатлар фракциясынынъ, мувакъкъат комиссиясынынъ авалелерини эда этмеге;
7) Къырым Мухтар Джумхуриети Юкъары Радасы ве озю онынъ эркянына сайлангъан органларыны Къырым Мухтар Джумхуриети Юкъары Радасы ве онынъ органларынынъ авалелери эда этильгени акъкъында хабердар япмагъа;
8) эмек интизамы талапларына ве депутатлар этикасы нормаларына коре арекет этмеге;
9) Къырым Мухтар Джумхуриети Юкъары Радасы я да онынъ органлары топлашувларына кельмеге имкяны олмагъаны акъкъында мезкюр органларынынъ реберлерине эвельден хабер этмеге;
10) сайлавджыларнен даимий алякъада булунмагъа, джемаат фикирини, эалининъ кереклери ве истеклерини огренмеге, мааллий иджра акимиети органлары, Къырым Мухтар Джумхуриети акимиет органлары, мааллий озь-озюни идаре этюв органлары ве оларнынъ вазифедар шахысларыны шу акъта хабердар этмеге, теклифлер кирсетмеге ве озь векялетчилиги черчивесинде оларны Къырым Мухтар Джумхуриети акимиет органларынынъ ишинде козьде тутулмасы нисбетен чарелер корьмеге;
11) энъ аздан йылда бир кере сайлавджыларны озь депутатлыкъ фаалиети акъкъында хабердар этмеге;
12) «Ватандашлар мураджаатлары акъкъында» Украина Къанунынынъ талапларына бинаен ве о тайинлеген тертипте сайлавджыларнынъ мураджаатларыны бакъмагъа;
13) ватандашларны шахсий озю къабул этмеге;
14) депутат бланкларыны ялынъыз ресмий соравлар, мураджаатлар ве озь къолунен имзалагъан мектюплер ичюн къулланмагъа борджлу.
1.17. 9-нджы маддеде:
серлевасында «группалар» сёзю чыкъарылсын;
83, 84, 85-нджи мадделер янъы тарирде арз этильсин:
«83-нджи Мадде. Къырым Мухтар Джумхуриети Юкъары Радасында депутатлар фракцияларынынъ яратылув шартлары
1. Депутатлар фракциялары — Къырым Мухтар Джумхуриети Юкъары Радасында депутатларнынъ бирлешмеси шекили.
2. Къырым Мухтар Джумхуриети Юкъары Радасында депутатлар сиясий фиркъаларынынъ (сиясий фиркъаларнынъ сайлав блокларынынъ) джумхурий тешкилятларына мувафыкъ эм де «Къырым Мухтар Джумхуриети Юкъары Радасы депутатынынъ статусы акъкъында» Украина Къануны, Къырым Мухтар Джумхуриети Юкъары Радасынынъ Регламенти ве дигер Къырым Мухтар Джумхуриети Юкъары Радасынынъ норматив-укъукъий актлары тайинленген тертипте фракциялар яраталар.
3. Къырым Мухтар Джумхуриети Юкъары Радасынынъ депутаты ялынъыз бир депутатлар фракциясынынъ эркянына кирмеге акъкъы бар.
84-нджи Мадде. Къырым Мухтар Джумхуриети Юкъары Радасында депутатлар фракциялары ве коалицияларынынъ тешкилятландырув ве фаалиет косьтерюв эсаслары
Къырым Мухтар Джумхуриети Юкъары Радасында депутатлар фракциялары ве коалицияларынынъ тешкилятландырув ве фаалиет косьтерюв эсаслары Къырым Мухтар Джумхуриети Юкъары Радасынынъ Регламенти ве Къырым Мухтар Джумхуриети Юкъары Радасында депутатлар фракциялары акъкъында Низамнаменен бельгилене.
85-нджи Мадде. Къырым Мухтар Джумхуриети Юкъары Радасында депутатлар фракцияларынынъ яратылувы
1. Депутатлар фракциясы сайлавалды программаларны эда этмек, Къырым Мухтар Джумхуриетининъ векялетчилиги черчивесинде Къырым Мухтар Джумхуриети Юкъары Радасынынъ эсас ёнелишлери ве устюнлик алгъан фаалиет чешитлерини шакиллендирмек ве омюрге кечирмек ичюн яратыла.
2. Депутат фракциясы Къырым Мухтар Джумхуриети Юкъары Радасында депутатлар фракциялары акъкъында Низамнамеде козьде тутулгъан депутатлар фракциясы яратылувы акъкъында малюматларны ресмийлештирген сонъ Къырым Мухтар Джумхуриети Юкъары Радасынынъ сессиясы кятибиятында джедвельге тургъан вакъыттан башлап шекиллендирильген киби сайыла.
3. Къырым Мухтар Джумхуриети Юкъары Радасынынъ пленар топлашувында реислик япкъан шахыс Юкъары Раданынъ депутатларыны депутатлар фракцияларынынъ ресмий джедвельге кирсетильгенлери, оларнынъ микъдар эркяны акъкъында хабердар эте я да бу вазифени эда этмек ичюн Къырым Мухтар Джумхуриети Юкъары Радасы сессиясынынъ кятибиет реисине сёз бере.
4. Депутатлар фракцияларыны яратылувы ве фаалиетине нисбетен меселелер Къырым Мухтар Джумхуриети Юкъары Радасында депутатлар фракциялары акъкъында Низамнаменен бельгилене».
1.18. 86-нджы маддеде:
серлевасында ве 1-нджи къысмында «группалар я да» сёзлери чыкъарылсын;
2-нджи къысмында «группалар» сёзю чыкъарылсын.
1.19. 87, 88, 89, 90, 91-нджи мадделер янъы тарирде арз этильсин.
«87-нджи Мадде. Къырым Мухтар Джумхуриети Юкъары Радасындаки депутатлар фракцияларынынъ эркянында денъишмелер
Депутатлар фракцияларынынъ эркянында денъишювлер, фракцияларынынъ адлары денъиштирильгени, эм де коалициялар яратылмасы акъкъында малюмат Къырым Мухтар Джумхуриети Юкъары Радасы сессиясынынъ кятибиетине язма шекильде реислер, реислернинъ муавинлери я да депутатлар фракцияларынынъ кятиплеринен имзалангъан тарзда такъдим этиле ве Къырым Мухтар Джумхуриети Юкъары Радасы депутатларына, кутьлевий хабер васталарына бильдириле.
88-нджи Мадде. Къырым Мухтар Джумхуриети Юкъары Радасында депутатлар коалициясы
Депутат фракциялары коалицияларгъа бирлешмек мумкюн, олар мувафыкъ ариза ве онъа къошулгъан депутатлар фракцияларынынъ реберлер имзалагъан тешкилий топлашувнынъ протоколы эсасында Къырым Мухтар Джумхуриети Юкъары Радасы сессиясынынъ кятибиети тарафындан ресмий джедвельге алыналар.
89-нджы Мадде. Къырым Мухтар Джумхуриети Юкъары Радасы депутатынынъ депутат соравына акъкъы
Эгер Къырым Мухтар Джумхуриети Юкъары Радасы бакъымына кирген меселелер боюнджа Къырым Мухтар Джумхуриети Юкъары Радасы депутаты мааллий иджра акимиети органларына, Къырым Мухтар Джумхуриети акимиети органларына, мааллий озь-озюни идаре этюв органлары ве оларнынъ вазифедар шахысларына, Къырым Мухтар Джумхуриетинде ерлешкен ишханелер, муэссиселер ве тешкилятлар реберлерине кунь эвель ёллагъан депутат мураджаатына къанаатлендириджи джевап алмагъан олса, онынъ Юкъары Раданынъ пленар топлашувында анъылгъан орган ве вазифедар шахыскъа депутат соравынен мураджаат этмеге акъкъы бар.
90-нджы Мадде. Депутат соравынынъ кирсетмек тертиби
1. Депутат соравы — Къырым Мухтар Джумхуриети Юкъары Радасынынъ пленар топлашувында Къырым Мухтар Джумхуриети Юкъары Радасынынъ умумий эркянындан энъ аздан учьте бир пайы къолтуткъан депутатнынъ талабы.
2. Депутат соравыны депутат Къырым Мухтар Джумхуриети Юкъары Радасынынъ Кятибиетине язма шекильде теслим эте ве о сорав кятибиетнинъ реиси тарафындан Къырым Мухтар Джумхуриети Юкъары Радасынынъ якъын арада кечириледжек пленар топлашувында илян этиле.
3. Эгер депутат соравына Къырым Мухтар Джумхуриети Юкъары Радасынынъ умумий эркянындан энъ аздан учьте бир пайы къолтуткъан олса, о Къырым Мухтар Джумхуриети Юкъары Радасынынъ Кятибиети вастасы иле мувафыкъ орган я да вазифедар шахыскъа ёлланыла.
91-нджи Мадде. Депутат соравына джевап
1. Депутат соравы ёлланылгъан орган я да вазифедар шахыс энъ кеч муддети он беш кунь ичинде Къырым Мухтар Джумхуриети Юкъары Радасынынъ депутатына язма шекильде ресмий джевап бермек кереклер.
Эгер депутат соравыны белли бир муддет ичинде объектив себеплерге коре бакъмагъа имкян олмаса, депутат соравы ёлланылгъан орган я да вазифедар шахыс язма шекилинде депутаткъа джиддий эсаслар косьтерильген алда сорав бакъылмасы муддетини девамламакъ кереклиги акъкъында хабер эте, лякин бу муддет де сорав алынгъан вакъыттан отуз куньден зияде олмамасы шарт.
2. Депутат соравына джевап, оны япкъан Къырым Мухтар Джумхуриети Юкъары Радасынынъ депутатына ве Къырым Мухтар Джумхуриети Юкъары Радасы сессиясынынъ кятибиетине ёлланыла.
3. Къырым Мухтар Джумхуриети Юкъары Радасы депутатынынъ талабы иле онынъ соравына джевап Къырым Мухтар Джумхуриети Юкъары Радасы пленар топлашувында озю я да сессия кятибиети тарафындан сеслендирильмек мумкюн.
4. Эр бир депутатнынъ о япкъан депутат соравына джевап окъулгъан сонъ, чыкъышта булунмакъ ве алынгъан джевапкъа къыймет кесмек, эм де мезкюр Регламент ве дигер Къырым Мухтар Джумхуриети Юкъары Радасынынъ норматив-укъукъий актлары козьде туткъан тертипте музакере этильмесини талап этмек ве Къырым Мухтар Джумхуриети Юкъары Радасы укюмининъ мувафыкъ лейихасыны кирсетмеге акъкъы бар.
5. Къырым Мухтар Джумхуриети Юкъары Радасынынъ депутатлары кирсеткен депутат соравлары ве депутат мураджаатларынен иш алып бармакъ тертибине нисбетен дигер меселелер Къырым Мухтар Джумхуриетининъ Юкъары Радасы тасдикълагъан мувафыкъ низамнаменен бельгилене.
1.20. 92-нджи мадденинъ 4-нджи къысмы «ве Къырым Мухтар Джумхуриетининъ норматив-укъукъий актлар топламында» сёзлеринен текмилленсин.
1.21. 93-нджи маддедеки 4-нджи къысмынынъ бешинджи сатырбашында «группалар» сёзю чыкъарылсын.
2. Къырым Мухтар Джумхуриети Юкъары Радасынынъ векялетчилик мудетине нисбетен Къырым Мухтар Джумхуриети Анаясасына денъишмелер кирсетильмеси акъкъында Украина Къануны къувет алгъан кунюнден арекетке кирсетильген 1-нджи пунктнынъ 1.1. пунктастындан гъайры, мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |