Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 11-нджи пунктына бинаен, «Дженк ветеранларынынъ статусы, оларнынъ ичтимаий къорчалавы кефалетлери акъкъында», «Арбий хызмет ветеранлары, ички ишлер органларынынъ ветеранлары ве дигер шахысларнынъ статусы ве оларнынъ ичтимаий къорчаланмасы акъкъында», «Чернобыль фаджиасы нетиджесинде зарар корьген ватандашларнынъ статусы ве ичтимаий къорчалавы акъкъында», «Украинада эмек ветеранлары ве эсли яштаки ватандашларнынъ ичтимаий къорчалавынынъ эсас принциплери акъкъында», «Украинада сакъатларнынъ ичтимаий къорчаланмасы эсаслары акъкъында», «Дженк балаларынынъ ичтимаий къорчалавы акъкъында», «Ичтимаий хызмет косьтерюви акъкъында», «Украинада сакъатларнынъ реабилитирленмеси акъкъында» Украина къанунларыны, Украина Президентининъ 2005 сенеси 1-июньде имзалагъан «Сынъырлангъан джисманий имкянлары олгъан шахысларнынъ яшайышы ичюн уйгъун шараитлер яратылмасы боюнджа биринджилик ерини алгъан тедбирлер акъкъында» 900/2005 санлы Эмирини Къырым Мухтар Джумхуриетинде омюрге кечирмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2007—2012 сенелерине эсли адамлар ве сакъатларнынъ яшайыш теминлеви, реабилитирленмеси, ичтимаий къорчалавы яхшылаштырылмасы боюнджа Программасы тасдикълансын (иляве этиле).
2. Къырым Мухтар Джумхуриетининъ Назирлер Шурасына авале этильсин:
2.1. Къырым Мухтар Джумхуриетининъ 2007—2012 сенелерине эсли адамлар ве сакъатларнынъ яшайыш теминлеви, реабилитирленмеси, ичтимаий къорчалавы яхшылаштырылмасы боюнджа Программасынынъ эда этильмесини теминлесин.
2.2. Къырым Мухтар Джумхуриетининъ бюджети лейихасыны шекиллендиргенде эр сене Къырым Мухтар Джумхуриетининъ мувафыкъ назирликлери ве джумхурий комитетлерине, оларгъа бойсунгъан муэссиселернинъ кечиндирмесине ве дигер тедбирлер кечирмесине айырылгъан пара васталары черчивесинде, Къырым Мухтар Джумхуриетининъ 2007—2012 сенелерине эсли адамлар ве сакъатларнынъ яшайыш теминлеви, реабилитирленмеси, ичтимаий къорчалавы яхшылаштырылмасы боюнджа Программасынынъ эда этильмеси боюнджа тедбирлернинъ кечирильмесине тахсислер козьде тутсын.
2.3. Эр сене 15-апрельгедже Къырым Мухтар Джумхуриетининъ Юкъары Радасына Къырым Мухтар Джумхуриетининъ 2007—2012 сенелерине эсли адамлар ве сакъатларнынъ яшайыш теминлеви, реабилитирленмеси, ичтимаий къорчалавы яхшылаштырылмасы боюнджа Программасынынъ эда этильмеси кетишаты акъкъында малюмат берсин.
3. Къырым Мухтар Джумхуриетинде мааллий озь-озюни идаре этюв органларына эр сене мааллий бюджетлернинъ лейихаларыны шекиллендиргенде Къырым Мухтар Джумхуриетининъ 2007—2012 сенелерине эсли адамлар ве сакъатларнынъ яшайыш теминлеви, реабилитирленмеси, ичтимаий къорчалавы яхшылаштырылмасы боюнджа Программасынынъ эда этильмесине пара васталары айырылмасыны козьде тутмакъ тевсие этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |