КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ 2006 СЕНЕСИ 22-СЕНТЯБРЬДЕ КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНДЕ 2006—2010 СЕНЕЛЕРИНЕ ДЖИНАЕТЧИЛИКНИНЪ ОГЮНИ АЛУВ БОЮНДЖА ТЕДБИРЛЕР АКЪКЪЫНДА» 177-5/06 САНЛЫ КЪАРАРЫНЫНЪ ЭДА ЭТИЛЬМЕСИ КЕТИШАТЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1-нджи пунктына, 26-нджы маддесиндеки 2-нджи къысмынынъ 1-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

Къырым Мухтар Джумхуриетинде Украина Ички ишлер Назирлигининъ Баш идаресине, Къырым Мухтар Джумхуриетининъ Прокуратурасы ве Къырым Мухтар Джумхуриетинде Украина хавфсызлыгъы Хызметининъ Баш идаресине:

Топракъ къанунджылыгъы, топракълардан файдаланув ве муафаза этюв, табиат-къорукъ фонднынъ территориялары ве объектлеринден файдалангъан вакъытта къанун бозуджылыгъынынъ адарлы ачылувы ве медений мирасны муафаза этюв акъкъында къанунджылыкънынъ талапларыны кутьмек незаретини теминлемек боюнджа чарелер корьмек;

«Четэлли ве ватандашлыкъ весикъасы олмагъан шахысларнынъ укъукъий статусы акъкъында» Украина Къанунына бинаен санкциялар ишлетильген шахысларгъа бирлештирильген муэссиселерара хабер-малюмат базасы яратылмасы акъкъында меселени бакъмакъ

тевсие этильсин.

2. Къырым Мухтар Джумхуриетининъ 2006 сенеси 22-сентябрьде къабул олунгъан 177-5/06 санлы Къарарынен (Къырым Мухтар Джумхуриетининъ норматив-укъукъий актлар топламы, 2006 с., № 9, 742 мад., № 11, 1009 мад.) тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлерге ашагъыдаки денъишмелер кирсетильсин:

«II. Тедбирлер вазифелерини омюрге кечирювнинъ эсас ёнелишлери» болюгинде:

1-нджи пунктта:

1.1 пунктастындаки «Эда этиджилер» сатырында «КъМДж Прокуратурасы» сёзлеринден сонъ «КъМДж-де Украина ФВН Баш идареси» сёзлеринен текмилленсин;

1.2 пунктастындаки «Эда этиджилер» сатырында «КъМДж Прокуратурасы» сёзлеринден сонъ «КъМДж-де Украина ФВН Баш идареси» сёзлеринен текмилленсин;

1.3 пунктастындаки «Эда этиджилер» сатырында «КъМДж Назирлер Шурасы» сёзлеринден сонъ «КъМДж-де Украина ФВН Баш идареси» сёзлеринен текмилленсин;

2-нджи пункт мезкюр мундериджели 2.14 пунктастынен текмилленсин:

«2.14. Къырым Мухтар Джумхуриетинде Украина ФВН Баш идаресининъ амелий-къуртарыджы болюклери тарафындан табиат яраткъан февкъульаде вазиетлерни ёкъ этюв, пек тесирли мальземелерни ишлетюв ве иляхре огюни алув ишлеринен, сув устюнде, сув астында дагъ-орманнынъ кечильмеген ерлеринде авария-къуртарыджы ишлеринен багълы тедбирлер комплексинен теминлев боюнджа тешкермелер тешкилятландырылсын.

8-нджи пунктта:

8.2 пунктастында «Эда этиджилер» сатырында «КъМДж Прокуратурасы» сёзлеринден сонъ «КъМДж-де Украина ФВН Баш идареси» сёзлеринен текмилленсин;

8.10 пунктастында «Эда этиджилер» сатырында «КъМДж Назирлер Шурасы» сёзлеринден сонъ «КъМДж-де Украина ФВН Баш идареси» сёзлеринен текмилленсин;

9-нджы пункт мезкюр мундериджели 9.9 ве 9.10 пунктастларынен текмилленсин:

«9.9. Спирт ве алкоголь ичимликлерининъ къанунсыз дёнюмине къаршылыкъ косьтерювине криминалистик ве махкеме-эксперт теминлеви боюнджа программа, ташынмаз малларнен ве дигер къанунсыз амелиятлар кечирювге къаршылыкъ косьтерювине эксперт теминлеви боюнджа программанынъ омюрге кечирилюви ичюн Украина Адлие Назирлигининъ Къырым махкеме экспертизалар ильмий-теткъикъат институтынынъ маддий-техника темелини пекитюви боюнджа тедбирлер япылсын.

9.10. Авария, табиат ве техноген фелякетлери, ёл-траспорт вакъиаларнынъ нетиджелерини ёкъ этмесине догърутылгъан тедбирлерни эда этмек макъсадынен тез арекет этюв авария-къуртарыджы автомобиллерини сатын алмакъ къысмында Къырым Мухтар Джумхуриетинде Украина ФВН Баш идареси ве онынъ болюклерининъ маддий-техника темелини къавийлештирмеси боюнджа тедбирлер япылсын.

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ укъукъий меселелер, къанун тертиби ве февкъульаде вазиетлер боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.