Къырым Мухтар Джумхуриети Анаясасынынъ 14-нджи маддесине эсасланаракъ ве Сурб-Хач манастыр комплексининъ 650 йыллыгъы мунасебетинен
Къырым Мухтар Джумхуриетининъ Юкъары Радасы к ъ а р а р б е р е:
1. 2007—2008 сенелери Сурб-Хач манастыр комплексининъ 650 йыллыгъы мунасебетинен кечириледжек тедбирлер отькерильсин.
2. Сурб-Хач манастыр комплексининъ 650 йыллыгъы мунасебетинен кечириледжек тедбирлернинъ азырламасы ве отькерильмеси боюнджа тешкилий комитетнинъ эркяны тасдикълансын (иляве этиле).
3. Къырым Мухтар Джумхуриетининъ Назирлер Шурасы:
3.1. Сурб-Хач манастыр комплексининъ 650 йыллыгъы мунасебетинен кечириледжек тедбирлернинъ планы ве оларны отькерильмеси ичюн масрафлар сметасы тасдикълансын.
3.2. Тасдикълангъан масрафлар сметасына бинаен Сурб-Хач манастыр комплексининъ 650 йыллыгъы мунасебетинен кечириледжек тедбирлернинъ азырламасы ве отькерильмесине 2007 сенеси пара васталарнынъ баш такъсимлейиджилерине къошма тахсислер айырылмасы имкяныны бакъсын.
3.3. Къырым Мухтар Джумхуриетининъ 2008 сенесине бюджет лейихасыны азырлагъанда тасдикълангъан масрафлар сметасына бинаен Сурб-Хач манастыр комплексининъ 650 йыллыгъы мунасебетинен кечириледжек тедбирлернинъ омюрге кечирмесине пара васталарнынъ баш такъсимлейиджилерине тахсислер айырылмасыны козьде тутсын.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясы, Къырым Мухтар Джумхуриети Юкъары Радасынынъ рекреацион, санаторий-курорт комплекслери ве туризм боюнджа Даимий комиссиясына, Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына, Къырым Мухтар Джумхуриети Юкъары Радасынынъ миллетлерара мунасебетлери ве сюргюнликке огъратылгъан ватандашларнынъ меселелери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 394-5/06 |