Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2002 сенеси 20-ноябрьде къабул олунгъан 343-3/02 санлы Къарарынен (Къырым Мухтар Джумхуриетининъ норматив-укъукъий актлар топламы, 2002 с., № 11, 1180 мад.) тасдикълангъан Къырымнынъ яш алимлерине Къырым Мухтар Джумхуриетининъ грантлары акъкъында Низамнамесине денъишмелер кирсетильсин:
5-нджи пунктта «15-октябрьден кеч олмамасы» сёзлери «йылнынъ 15-ноябринедже» сёзлерине денъиштирильсин;
6-нджы пункт мезкюр мундериджели сатырбашынен текмилленсин:
«Лейиханынъ такъдим япрагъыны толдурувына ашагъыдаки талаплар косьтериле: лейиханынъ серлевасы, теткъикъатнынъ саасы (ёнелиши), лейиха муэллифининъ толусынен сойады, ады, баба ады, вазифеси, чалышкъан ери».
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 392-5/06 |