Украина Анаясасынынъ 10-нджы маддесиндеки 3-нджи къысмына, Къырым Мухтар Джумхуриети Анаясасынынъ 10, 11, 12-нджи мадделерине, 26-нджы маддесиндеки 2-нджи къысмынынъ 1-нджи пунктына, Къырым Мухтар Джумхуриети Юкъары Радасынынъ 1998 сенеси 15-апрельде къабул олунгъан «Къырым Мухтар Джумхуриетинде девлет, рус ве дигер миллий тиллер ишлетильмесининъ теминлеви акъкъында» 1505-1 санлы Къарарына, Къырым Мухтар Джумхуриети Юкъары Радасынынъ 2006 сенеси 18-октябрьде къабул олунгъан «Къырым Мухтар Джумхуриети Юкъары Радасынынъ 1998 сенеси 15-апрельде къабул олунгъан «Къырым Мухтар Джумхуриетинде девлет, рус ве дигер миллий тиллер ишлетильмесининъ теминлеви акъкъында» 1505-1 санлы Къарарынынъ эда этильмеси кетишаты акъкъында» 214-5/6 санлы Къарарына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. «Украина Ходжалыкъ процессуаль кодексининъ 3-нджи маддесине денъишмелер кирсетильмеси акъкъында», «Балалар гъыдаланмасы акъкъында» Украина Къанунынынъ 11-нджи маддесине денъишмелер кирсетильмеси акъкъында» Украина къанунларынынъ лейихалары такъдирленсин (иляве этиле).
2. Украина халкъ депутатларына Къырым Мухтар Джумхуриети Юкъары Радасынынъ 2006 сенеси 18-октябрьде къабул олунгъан «Къырым Мухтар Джумхуриети Юкъары Радасынынъ 1998 сенеси 15-апрельде къабул олунгъан «Къырым Мухтар Джумхуриетинде девлет, рус ве дигер миллий тиллер ишлетильмесининъ теминлеви акъкъында» 1505-1 санлы Къарарынынъ эда этильмеси кетишаты акъкъында» 214-5/6 санлы Къарарынен такъдирленген къанун лейихаларыны, эм де мезкюр Къарарнынъ 1-нджи пунктында такъдирленген Украина къанунларынынъ лейихаларыны Украина Анаясасы козьде туткъан тертипте музакерелерге кирсетмесинде ве Украина Юкъары Радасындаки олгъан музакерелерде оларгъа къолтутмаларыны мураджаат этильсин.
3. Къырым Мухтар Джумхуриетинде 2007—2010 сенелерине тасиль ве медениет сааларында рус тилининъ сербест инкишаф этильмеси ве ишлетильмеси боюнджа тедбирлернинъ эр йыллыкъ планы ве Къырым Мухтар Джумхуриетинде 2007 сенесине тасиль ве медениет сааларында рус тилининъ сербест инкишаф этильмеси ве ишлетильмеси боюнджа тедбирлерине масрафлар сметасы тасдикълансын.
4. Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына ве Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына джумхурий миллий джемаат бирлешмелерининъ векиллери иштирагинен Къырым Мухтар Джумхуриетинде девлет, рус ве дигер миллий тиллер ишлетильмеси меселелери боюнджа тёгерек маса кечирильмесини тешкилятландырмакъ авале этильсин.
5. Къырым Мухтар Джумхуриетининъ Назирлер Шурасына авале этильсин:
5.1. Мезкюр Къарарнынъ 3-нджи пунктынен тасдикълангъан тедбирлерге масрафлар сметасыны Къырым Мухтар Джумхуриети Юкъары Радасынынъ тасдикъланмасына эр йыллыкъ такъдимининъ теминленмеси, эм де оларнынъ адарлы эда этильмеси ве малиенен теминленмеси.
5.2. 2007 сенеси июнь айында Къырым Мухтар Джумхуриети Юкъары Радасынынъ 2006 сенеси 18-октябрьде къабул олунгъан «Къырым Мухтар Джумхуриети Юкъары Радасынынъ 1998 сенеси 15-апрельде къабул олунгъан «Къырым Мухтар Джумхуриетинде девлет, рус ве дигер миллий тиллер ишлетильмесининъ теминлеви акъкъында» 1505-1 санлы Къарарынынъ эда этильмеси кетишаты акъкъында» 214-5/6 санлы Къарарынынъ 7-нджи пункты эда этильмеси акъкъында язма малюматны Къырым Мухтар Джумхуриети Юкъары Радасына такъдим этильмеси.
6. Къырым Мухтар Джумхуриетинде мааллий озь-озюни идаре этюв органларына ве район девлет мемуриетлерине Къырым Мухтар Джумхуриетинде 2007—2010 сенелерине тасиль ве медениет сааларында рус тилининъ сербест инкишаф этильмеси ве ишлетильмеси боюнджа тедбирлер планларыны ишлеп чыкъармакъ ве тасдикъламакъ, ве эр сене мааллий бюджетлерни шекиллендиргенде бу макъсатларгъа тахсислер айырылмасыны козьде тутмакъ тевсие этильсин.
7. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына ве Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
8. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 391-5/06 |