Къырым Мухтар Джумхуриетининъ Юкъары Радасы Къырым Мухтар Джумхуриети Юкъары Радасынынъ 2004 сенеси 17-мартта къабул этильген «Къырым Мухтар Джумхуриетинде 2004—2010 сенелерине украин тилининъ инкишаф этюви ве ишлетильмеси Программасынынъ тасдикъланмасы акъкъында» 856-3/04 санлы Къарарынынъ къабул этильмеси Къырым Мухтар Джумхуриети территориясындаки джемиет яшайышынынъ эписи сааларында девлет тилининъ инкишафы ве арекет этмеси динамикасында мусбет акс олунгъаныны къайд эте.
Кечкен 3 йыл ичинде Къырым Мухтар Джумхуриетинде украин тилли мектеплер ве сыныфларнынъ сайысы артты, Симферополь ш. «Украин мектеп-гимназиясы» окъув-тербие комплекси къурулды, фармакология, нотариат, махкеме, укъукъкъоруйыджы органларынынъ фаалиети девлет тилине кечирильди, кутьлевий хабер васталары ишинде, реклама фаалиетинде ве тиджаретте украин тилининъ мевамы къуветлендирильди.
Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ Назирлер Шурасына Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен ишбирликте Къырым Мухтар Джумхуриети Юкъары Радасынынъ 2004 сенеси 17-мартта къабул этильген 856-3/04 санлы Къарарынен тасдикълангъан Къырым Мухтар Джумхуриетинде 2004—2010 сенелерине украин тилининъ инкишаф этюви ве ишлетильмеси Программасыны малиенен теминлемесине макъсатлы тахсислер бутюн колемде айырылмасыны теминлесинлер.
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 390-5/06 |