Украина Анаясасынынъ 138-нджи маддесиндеки 1-нджи къысмынынъ 5-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 11-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 12-нджи пунктына, «Девлет прогнозлаштырувы ве Украинанынъ икътисадий ве ичтимаий инкишафы программаларынынъ ишлеп чыкъарылувы акъкъында» Украина Канунынынъ 11-нджи маддесине бинаен, эм де Къырым Мухтар Джумхуриетининъ салым инкишафыны теминлемек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2010 сенесине къадар муддетке Салым фаалиетининъ инкишафы программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы:
2.1. Къырым Мухтар Джумхуриети Юкъары Радасынынъ даимий комиссияларынен ишбирликте Къырым Мухтар Джумхуриетининъ 2010 сенесине къадар муддетке Салым фаалиетининъ инкишафы программасынынъ эда этильмеси боюнджа тедбирлер кечирсин.
2.2. Эр сене Къырым Мухтар Джумхуриетининъ бюджети лейихасыны шекиллендиргенде реаль малие-икътисадий имкянлары сынъырларында Къырым Мухтар Джумхуриетининъ 2010 сенесине къадар муддетке Салым фаалиетининъ инкишафы программасынынъ эда этильмесине пара васталары козьде тутсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясы, Къырым Мухтар Джумхуриети Юкъары Радасынынъ тышкъы икътисадий алякъалар, тиджарет ве тешеббюсчилик боюнджа Даимий комиссиясы, Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 387-5/06 |