Украина Анаясасынынъ 138-нджи маддесиндеки 1-нджи къысмынынъ 5-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 11-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 12-нджи пунктына, «Девлет прогнозлаштырувы ве Украинанынъ икътисадий ве ичтимаий инкишафы программаларынынъ ишлеп чыкъарылувы акъкъында» Украина Канунынынъ 11-нджи маддесине бинаен, эм де Къырым Мухтар Джумхуриетининъ даимий икътисадий илерилемесини теминлемек, икътисадиятнынъ семерели ишлемеси ве эалининъ омюр севиесини котермек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2007 сенесине Икътисадий ве ичтимаий инкишафы программасы тасдикълансын (иляве этиле).
2. Къырым Мухтар Джумхуриетининъ Назирлер Шурасына Къырым Мухтар Джумхуриети Юкъары Радасынынъ даимий комиссияларынен ишбирликте юкъарыда анъылгъан Программанынъ эда этильмеси боюнджа тедбирлер кечирмек авале этильсин.
3. Мезкюр Къарарнынъ эда этильмеси незарети оларнынъ вазифе сынъырларына кирген Къырым Мухтар Джумхуриети Юкъары Радасынынъ даимий комиссияларына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2006 с., март 22, № 386-5/06 |