КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ МУЛЬКЮНЕН ИДАРЕ ЭТМЕК МЕСЕЛЕЛЕРИ АКЪКЪЫНДА

Украина Анаясасынынъ 138-нджи маддесиндеки 1-нджи къысмынынъ 3-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына, Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан 1087-4/04 санлы Къарарынен тасдикълангъан Къырым Мухтар Джумхуриетининъ бюджети васталары эсабындан темелли къуруджылыкъ объектлерининъ малиенен теминлев эм де битирильген къуруджылыкъ объектлерини ходжалыкъ субъектлерине къулланувгъа теслим этильмеси тертиби акъкъында Низамнамесине, Къырым Мухтар Джумхуриети Юкъары Радасынынъ 2000 сенеси 21-июньде къабул олунгъан 1233-2/2000 санлы Къарарынен тасдикълангъан Къырым Мухтар Джумхуриетининъ мулькюни теслим этмек тертиби акъкъында Низамнамесине бинаен,

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ мулькю теркибине къабул этильсин:

Баланс фияты 2626608,0 грн. олгъан, Евпатория ш. Интернациональная сокъагъы, 55-эвде ерлешкен «1 санлы I-III басамакълы умумтасиль мектебине ашхане, спортзал ве окъув блоку къошулмасы» объекти;

Баланс фияты 484252,37 грн. олгъан, Евпатория ш. ерлешкен «ШРП 1-17-ден Евпатория ш. курорт зонасындаки мескенлер ве ичтимаий-медений турмуш объектлерини исиндирмек ичюн орта къарар ве алчакъ басымы олгъан газ кечириджилернинъ гъайрыдан къурамасы» объекти;

Баланс фияты 1118548,0 грн. олгъан «Яшалгъан эвлер группасыны исинтинен теминлемек ичюн Евпатория ш. Дм. Ульянов сокъагъы, 1-«б» эвде ерлешкен кучюк був къазанлары» объекти;

Баланс фияты 4224185,51 грн. олгъан, Евпатория ш. ерлешкен «Евпатория ш. темиз сув резервуарларынынъ ве II котерюв сув насос станциясынынъ гъайрыдан къурамасы эм кенълештирильмеси» объекти;

Баланс фияты 29872,98 грн. олгъан, Раздольное районынынъ Зимино к. ерлешкен «Зимино к. сув теминлев системининъ гъайрыдан къурамасы» объекти;

Баланс фияты 49838,53 грн. олгъан, Нижнегорск районы Садовое к. ерлешкен «Садовое к. сув теминлев агъынынъ гъайрыдан къурамасы» объекти;

Баланс фияты 81168,0 грн. олгъан, Первомайское шчкъ Гагарин сокъагъында ерлешкен «Первомайское шчкъ газлаштырувы. Меркезий къысым. Гагарин сокъагъы» объекти;

Баланс фияты 194624,78 грн. олгъан, Первомайское шчкъ Октябрьская сокъагъында ерлешкен «Первомайское шчкъ газлаштырувы. Меркезий къысым. 1-нджи невбет» объекти;

Баланс фияты 100000,0 грн. олгъан, «Къырым Мухтар Джумхуриети Апелляцион махкеменинъ къадыларыны мескеннен теминлев (Симферополь ш. Бетховен сокъагъы, 113-эвдеки 101 санлы квартира)» объекти.

2. Къырым Мухтар Джумхуриети Юкъары Радасынынъ 2000 сенеси 15-мартта къабул олунгъан «Къырым Мухтар Джумхуриетине менсюп олгъан мулькнинъ теркиби акъкъында» 982-2/2000 санлы Къарарына (Къырым Мухтар Джумхуриетининъ норматив-укъукъий актлар топламы, 2000 с., № 3, 207 мад., № 5, 489 мад., 490 мад., № 6, 603 мад., № 10, 1075 мад., № 12, 1322 мад.; 2001 с., № 6, 566 мад., № 9, 930 мад., 931 мад., № 11, 1202 мад.; 2002 с., № 2, 89 мад., № 6, 484 мад., № 9, 940 мад., 941 мад., № 11, 1173 мад., 1174 мад.; 2003 с., № 2, 106 мад., № 5, 429 мад., № 6, 541 мад., № 9, 713 мад., № 11, 914 мад., № 12, 976 мад.; 2004 с., № 2, 65 мад., № 3, 160 мад., № 4, 299 мад., № 5, 418 мад., № 9, 798 мад., № 10 мад., 886 мад., 888 мад., № 11, 994 мад., № 12, 1093 мад.; 2005 с., № 2, 66 мад., № 6, 462 мад., № 11, 1053 мад, № 12, 1121 мад.; 2006 с., № 7, 504 мад., № 9, 759 мад., № 11, 1021 мад., № 12, 1177 мад.) ашагъыдаки денъишмелер кирсетильсин:

Мезкюр Къарарнен тасдикълангъан 15-нджи Иляве мезкюр мундериджели 22-30 сатырларнен текмилленсин:

3. Къырым Мухтар Джумхуриетининъ мулькю теркибинден теслим этильсин:

Симферополь шеэри территориаль джемаатчылыгъынынъ коммуналь мулькиетине — саиплештирюв эснасында «Крымстрой» ААДж темель фондуна кирмеген Симферополь ш. Тургенев сокъагъы, 22-эв адреси боюнджа ерлешкен яшалгъан эв; саиплештирюв эснасында «Южпром­химмонтаж» ААДж темель фондуна кирмеген Симферополь ш. 1-ой Конной Армии сокъагъы, 27, Миллер сокъагъы, 2/6, Гавен сокъагъы 113/53 адреслер боюнджа ерлешкен яшалгъан эвлер; «Къырым Мухтар Джумхуриети Апелляцион махкеменинъ къадыларыны мескеннен теминлев (Симферополь ш. Бетховен сокъагъы, 113-эвдеки 101 санлы квартира)» объекти;

Евпатория шеэри территориаль джемаатчылыгъынынъ коммуналь мулькиетине — Евпатория ш. Интернациональная сокъагъы, 55-эвде ерлешкен «1 санлы I-III басамакълы умумтасиль мектебине ашхане, спортзал ве окъув блоку къошулмасы» объекти; Евпатория ш. ерлешкен «ШРП 1-17-ден Евпатория ш. курорт зонасындаки мескенлер ве ичтимаий-медений турмуш объектлерини исиндирмек ичюн орта къарар ве алчакъ басымы олгъан газ кечириджилернинъ гъайрыдан къурамасы» объекти; «Яшалгъан эвлер группасынын исинтинен теминлемек ичюн Евпатория ш. Дм. Ульянов сокъагъы, 1-«б» эвде ерлешкен кучюк був къазанлары» объекти;

Раздольное районынынъ Зимино кой шурасы койлери территориаль джемаатчылыгъынынъ коммуналь мулькиетине — Раздольное районынынъ Зимино коюнде ерлешкен «Зимино к. сув теминлев системининъ гъайрыдан къурамасы» объекти;

Нижнегорск районы Садовое кой шурасы койлери территориаль джемаатчылыгъынынъ коммуналь мулькиетине — Нижнегорск районынынъ Садовое коюнде ерлешкен «Садовое к. сув теминлев агъынынъ гъайрыдан къурамасы» объекти;

Киров районы Журавки кой шурасы койлерининъ территориаль джемаатчылыгъынынъ коммуналь мулькиетине — саиплештирюв эснасында «Агрофирма «Приморье» ЯАДж (Феодосия ш.) темель фондуна кирмеген Киров районы Журавки к. ерлешкен темизлев иншаатлары;

Черномор районы Кировское кою территориаль джемаатчылыгъынынъ коммуналь мулькиетине — саиплештирюв эснасында «Кировское» ККХП темель фондуна кирмеген Черномор районы Кировское к. Ленин сокъагъы, 2-эв адреси боюнджа ерлешкен «Универмаг» тюкяны­нынъ бинасы;

Джанкой шеэри территориаль джемаатчылыгъынынъ коммуналь мулькиетине — саиплештирюв эснасында «Новатор» ААДж (Джанкой ш.) темель фондуна кирмеген Джанкой ш. Крупская сокъагъы, 147-эв адреси боюнджа ерлешкен яшалгъан эв;

Белогорск районы Зуя шеэр чешиттеки къасабасы территориаль джемаатчылыгъынынъ коммуналь мулькиетине — Белогорск районы Зуя шчкъ ерлешкен къасаба ичтеки такъсимлейи­джи сув теминлев агълары муэндис иншаатлары иле.

4. Украина Сагълыкъ сакълав Назирлигининъ идаре саасына кирген, девлет мулькиети объекти олгъан, Керчь ш. Митридатская сокъагъы, 47-эв адреси боюнджа ерлешкен сув накълиесинде Керчь скеле хастаханеси бутюн мульк комплекси Къырым Мухтар Джумхуриетининъ мулькю теркибине къабул этильмесине изин берильсин.

Къырым Мухтар Джумхуриетининъ Назирлер Шурасына сув накълиесинде Керчь скеле хастаханеси бутюн мульк комплекси девлет мулькиетинден Къырым Мухтар Джумхуриетининъ мулькю теркибине теслим этильмеси меселеси боюнджа Украина Назирлер Кабинетине мура­джаат этмеге авале этильсин.

5. Къырым Мухтар Джумхуриетининъ Мульк Фонду Мезкюр Къарарнынъ 3, 4-нджи пунктларында косьтерильген мулькнинъ къабул этюв-теслим этюв актларыны алгъан сонъ, Къырым Мухтар Джумхуриети Юкъары Радасына Къырым Мухтар Джумхуриети Юкъары Радасынынъ 2000 сенеси 15-мартта къабул олунгъан «Къырым Мухтар Джумхуриетине менсюп олгъан мулькнинъ теркиби акъкъында» 982-2/2000 санлы Къарарына мунасип денъишмелер кирсетильмеси акъкъында теклиф кирсетсин.

6. Къырым Мухтар Джумхуриетининъ мулькю олгъан Ялта ш. Киров сокъагъы, 105-эвде ерлешкен Ялта тиббият колледжининъ семерели истисал фаалиетини теминлемек ичюн Къырым Мухтар Джумхуриетининъ Мульк Фонду мунасип тешкилий ишлер алып барсын ве темель фондунынъ колеми 51 файыз олгъан Къырым Мухтар Джумхуриетининъ мулькюне менсюп пай иле Ялта тиббият колледжи (Ялта ш., Спендиаров сокъагъы, 1-эв) мульк къысмынынъ эсасында «Ливадия-Палас» МСДж иштирагинде яратылгъан ходжалыкъ джемиетининъ тесисчиси олсун.

Къырым Мухтар Джумхуриетининъ Сагълыкъ сакълав Назирлиги яратылгъан ходжалыкъ джемиетининъ темель фондуна Къырым Мухтар Джумхуриетине тесис парасы сыфатында теслим этмек ичюн Ялта тиббият колледжининъ мульк джедвелини тизсин ве мезкюр джедвельни бельгиленген тертипте Къырым Мухтар Джумхуриети Юкъары Радасынынъ бакъымына эм де мунасип къарар чыкъармасына теслим этсин.

7. Къырым Мухтар Джумхуриетининъ Мульк Фонду «Чайка» бала тиббият меркези» ЯАДж темель фондуна Къырым Мухтар Джумхуриетининъ мулькю олгъан (Украина Назирлер Кабинетининъ 1996 сенеси 7-февральде къабул этильген «Умумдевлет мулькиетинде олгъан санаторий-курорт ве сагъламлаштырув муэссиселерини Къырым Мухтар Джумхуриетининъ мулькиетине теслим этильмеси акъкъында» 157 санлы Къарары эсасында теслим этюв-къабул этюв акты боюнджа Украина Мудафаа назирлиги тарафындан Къырым Мухтар Джумхуриетининъ мулькю теркибине теслим этильген) «Чайка» бала тиббият меркези» ЯАДж (ЕДИТМР коду 24492592, адлиевий адрес: Евпатория ш. Аллея Дружбы сокъагъы, 93-эв) территориясында ерлешкен къуруджылыгъы битмеген объектлер — «Б» блоку (генч техниклер станциясы бинасы) ве «В» блоку («Дворец пионеров» 9024 объектнинъ ялдав бассейни бинасы)ны тесис пара сыфатында кирсетсин.

8. Къырым Мухтар Джумхуриети Юкъары Радасынынъ 2005 сенеси 24-декабрьде къабул олунгъан «Къырым Мухтар Джумхуриетине менсюп олгъан мулькнен идаре этмек меселелери акъкъында» 1541-4/05 санлы Къарарына (Къырым Мухтар Джумхуриетининъ норматив-укъукъий актлар топламы, 2005 с., № 12, 1121 мад.; 2006 с., № 2, 22 мад.) ашагъыдаки денъишме кирсетильсин:

2-нджи пунктнынъ 4-нджи сатырбашы лягъу этильсин.

9. Судакъ ш., Веселое к., Веселовская бухта, 2-эв адреси боюнджа ерлешкен «Веселый» бала сагъламлаштырув лагери» МСДж (ЕДИТМР 03301802, адлиевий адрес: Совет районы, Советское шчкъ, Механизаторлар сокъагъы, 1-эв) («Веселый» Ходжалыкъара бала сагъламлаштырув лагерь-пансионатнынъ издеши) мулькюнде Къырым Мухтар Джумхуриетине менсюп мулькюнинъ пайы 29,821 файыз тешкиль эткени тайинленсин.

Къырым Мухтар Джумхуриетининъ Мульк Фонду «Веселый» бала сагъламлаштырув лагери» МСДж мулькюндеки Къырым Мухтар Джумхуриетине менсюп мулькнинъ пайыны Къырым Мухтар Джумхуриети Юкъары Радасынынъ 2000 сенеси 15-мартта къабул олунгъан «Къырым Мухтар Джумхуриетине менсюп олгъан мулькнинъ теркиби акъкъында» 982-2/2000 санлы Къарарына къошулгъан 6-нджы Иляведе бельгиленген Къырым Мухтар Джумхуриетине менсюп мульк теслим этильген темель фондларынынъ ходжалыкъ джемиетлери пайларынынъ (пакетлер, акциялар) Джедвелине кирсетсин.

10. Саиплештириледжек Къырым Мухтар Джумхуриетине менсюп мулькнинъ джедвели тасдикълансын (иляве этиле).

11. Къырым Мухтар Джумхуриетининъ Мульк Фонду «Красноперекопск ашайт маллары заводы» девлет ишханесининъ банкрот илян этильгени акъкъында иш боюнджа разылыкъ анълашманынъ шартларына бинаен Къырым Мухтар Джумхуриетине менсюп мулькнинъ мусадересини уйгъунлаштырсын.

12. Къырым Мухтар Джумхуриети Юкъары Радасынынъ 2003 сенеси 19-ноябрьде къабул олунгъан «Къырым Мухтар Джумхуриетине менсюп олгъан мулькни идаре этюв ве Къырым Мухтар Джумхуриети Юкъары Радасынынъ 2003 сенеси 27-августта къабул олунгъан «Къырым Мухтар Джумхуриети Юкъары Радасынынъ 2003 сенеси 19-февральде къабул олунгъан «Къырым Мухтар Джумхуриетининъ 2003 сенесине бюджети акъкъында» 434-3/03 санлы Къарарына денъишмелер ве текмилленювлер кирсетильмеси акъкъында» 638-3/03 санлы Къарарына де­нъишмелер кирсетильмеси акъкъында» 728-3/03 Къарарынен (Къырым Мухтар Джумхуриетининъ норматив-укъукъий актлар топламы, 2003 с., № 11, 914 мад., № 12, 976 мад.; 2004 с., № 3, 160 мад., № 11, 994 мад.; 2005 с., № 9, 850 мад.; 2006 с., № 7, 504 мад.) тасдикълангъан Къырым Мухтар Джумхуриетине менсюп олгъан ве саиплештириледжек мулькнинъ джедвелине ашагъыдаки денъишмелер кирсетильсин:

«Ходжалыкъ джемиетлернинъ темель фондларына кирмеген мульк» болюгинде 8-нджи сатырындаки 2-нджи сутун янъы тарирде арз этильсин: «Сантехпром» ААДж темель фондуна кирмеген Симферополь ш. Крупская сокъагъы, 4-эв адреси боюнджа ерлешкен яшалгъан эвнинъ цоколь къатындаки яшалмагъан одалары».

13. Къырым Мухтар Джумхуриети Юкъары Радасынынъ 2001 сенеси 20-июньде къабул олунгъан «Къырым Мухтар Джумхуриетининъ махсус макъсатлы саиплештирюв фонду акъкъында Низамнамесининъ тасдикъланмасы ве Къырым Мухтар Джумхуриети Юкъары Радасынынъ 2001 сенеси 21-февральде къабул олунгъан «Къырым Мухтар Джумхуриетининъ бюджети акъкъында» 1683-2/01 санлы Къарарына денъишмелер ве текмилленювлер кирсетильмеси акъкъында» 1864-2/01 санлы Къарарына (Къырым Мухтар Джумхуриетининъ норматив-укъукъий актлар топламы, 2001 с., № 6, 571 мад.; 2002 с., № 2, 90 мад.) ашагъыдаки денъишмелер кирсетильсин:

13.1. Серлевасы янъы тарирде арз этильсин:

«Къырым Мухтар Джумхуриети мулькюнинъ саиплештирюви ве иджареси махсус макъ­сатлы фонду акъкъында Низамнамесининъ тасдикъланмасы, ве Къырым Мухтар Джумхуриети Юкъары Радасынынъ 2001 сенеси 21-февральде къабул олунгъан «Къырым Мухтар Джумхуриетининъ бюджети акъкъында» 1683-2/01 санлы Къарарына денъишмелер ве текмилленювлер кирсетильмеси акъкъында».

13.2. 1, 2-нджи пунктлар янъы тарирде арз этильсин:

«1. Къырым Мухтар Джумхуриетининъ бюджети теркибине кирген Къырым Мухтар Джумхуриети мулькюнинъ саиплештирюви ве иджареси махсус макъсатлы фонду акъкъында Низамнамеси (иляве этиле) тасдикълансын.

2. Къырым Мухтар Джумхуриетине менсюп олгъан мулькнинъ саиплештирювинден алынгъан паралардан саиплештирюв кечирильмесинен багълы тедбирлерге Къырым Мухтар Джум­хуриети мулькюнинъ саиплештирюви ве иджареси махсус макъсатлы фондуна япылгъан уджретнинъ нормативи 7 файызны тешкиль эткени тайинленсин».

13.3. Мезкюр Къарар тасдикълагъан Низамнамеде:

серлевасы янъы тарирде арз этильсин:

«Къырым Мухтар Джумхуриети мулькюнинъ саиплештирюви ве иджареси махсус макъ­сатлы фонду акъкъында Низамнаме»;

1-нджи пунктта «Къырым Мухтар Джумхуриетининъ махсус макъсатлы саиплештирюв фонду» сёзлери «Къырым Мухтар Джумхуриети мулькюнинъ саиплештирюви ве иджареси махсус макъсатлы фонду» сёзлерине денъиштирильсин;

2-нджи пункт янъы тарирде арз этильсин:

«2. Мезкюр Низамнаменинъ нормалары Къырым Мухтар Джумхуриети мулькюнинъ саиплештирюви ве иджареси махсус макъсатлы фонду (илериде — саиплештирюв ве иджаре фонду) васталарынынъ шекиллендирилюви ве Къырым Мухтар Джумхуриетине менсюп олгъан мульк­нинъ саиплештирюви кечирильмеси ве иджареге берильмесинен багълы тедбирлерге файдаланув тертибини регламентке кетире»;

3-нджи пунктта «Саиплештирюв фонду» сёзлери арасында «ве иджаре» сёзлери кирсетильсин, «саиплештирюв кечирильмесинен багълы тедбирлерге» сёзлери «ве иджареге берильмесинен» сёзлеринен текмилленсин»;

7-нджи пунктта:

биринджи сатырбашында «саиплештирюв кечирильмесинен багълы тедбирлерге» сёзлери «ве мулькни иджареге берильмесинен» сёзлеринен текмилленсин;

мезкюр мундериджели сатырбашларынен текмилленсин:

«Иджареге берильген Къырым Мухтар Джумхуриетине менсюп олгъан мулькке къыймет кесилюв ве инвентаризация кечирильмеси;

Къырым Мухтар Джумхуриетине менсюп олгъан мулькнинъ иджареджиси бельгилев боюнджа ярыш отькерильмеси;

Къырым Мухтар Джумхуриетининъ назирликлери, джумхурий комитетлери эм де Къырым Мухтар Джумхуриетининъ иджра акимиети дигер органларынынъ идаре саасына кирген ишханелер, тешкилятлар, муэссиселер тизген иджаре анълашмаларнынъ реестри кирсетильмеси»;

8, 10, 12, 13-нджи пунктларында «саиплештирюв фонду» сёзлери арасында «ве иджаре» сёзлери кирсетильсин.

14. Мезкюр Къарарнынъ эда этильмеси незаретини Къырым Мухтар Джумхуриетининъ икътисадий, бюджет-малие ве берги сиясети боюнджа Даимий комиссиясына авале этильсин.

15. Мезкюр Къарар къабул этильген кунюнден арекетке кире.