Украина Анаясасынынъ 138-нджи маддесиндеки 1-нджи къысмынынъ 3-нджи пунктына, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1‑нджи пунктына бинаен, Къырым Мухтар Джумхуриетине менсюп олгъан мульк — «Симферополь» халкъара ава лиманы» Джумхурий ишханесинден семерели файданламакъ, онынъ малиевий дурумыны ве инвестицион ярашыкълыгъыны яхшылаштырмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетине менсюп олгъан ве Къырым Мухтар Джумхуриетининъ санайы сиясети, накълие, алякъа ве якъарлыкъ-энергетика комплекси Назирлигининъ идаре саасына кирген «Симферополь» халкъара ава лиманы» Джумхурий ишханесининъ корпоративлештирюви эда этильсин.
2. «Симферополь» халкъара ава лиманы» Джумхурий ишханесининъ эсасында корпоративлештирюв эснасында яратылгъан ачыкъ акционер джемиетининъ тесисчиси оларакъ Къырым Мухтар Джумхуриетининъ Мульк фонду Къырым Мухтар Джумхуриетининъ менфаатларыны такъдим эткени тайинленсин.
3. Къырым Мухтар Джумхуриетининъ Мульк фонду Къырым Мухтар Джумхуриетининъ санайы сиясети, накълие, алякъа ве якъарлыкъ-энергетика комплекси Назирлигинен бераберликте арекетте олгъан къанунджылыкъ бельгилеген муддет ичинде «Симферополь» халкъара ава лиманы» Джумхурий ишханесининъ корпоративлештирювини эда этсинлер.
4. Мезкюр Къарарнынъ эда этильмеси незаретини Къырым Мухтар Джумхуриетининъ икътисадий, бюджет-малие ве берги сиясети боюнджа Даимий комиссиясына ве Къырым Мухтар Джумхуриетининъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 365-5/07 |