Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2006 сенеси 20-декабрьде къабул олунгъан «Къырым Мухтар Джумхуриетининъ мулькю эсасында яратылгъан умумтасиль, мутехассыслыкъ-техника, мектептен эвель, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ пара мукяфатлары акъкъында» 291-5/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 12, 1163 мад.) ашагъыдаки денъишмелер кирсетильсин:
1.1. Мезкюр мундериджели 3-1 пунктнен текмилленсин:
«3-1. Къырым Мухтар Джумхуриети Юкъары Радасынынъ мандат, депутатлар этикасы боюнджа, Юкъары Раданынъ ишини тешкилятландырув ве кутьлевий хабер васталары боюнджа Даимий комиссияларына пудагогик ве ильмий педагогик хадимлерине Къырым Мухтар Джумхуриетининъ мукяфатына такъдим этильгенлернинъ дипломы эм лауреатнынъ кокюс нишанынынъ тарифи ве нумюнеси тасдикъланмасы акъкъында Къырым Мухтар Джумхуриети Юкъары Радасынынъ Президиумы укюмининъ лейихасыны азырламагъа авале этильсин».
1.2. Мезкюр Къарарнен тасдикълангъан Къырым Мухтар Джумхуриетининъ мулькю эсасында яратылгъан умумтасиль, мутехассыслыкъ-техника, мектептен эвель, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ пара мукяфатлары акъкъында Низамнамесинде:
3-нджи пунктнынъ экинджи сатырбашы янъы тарирде арз этильсин:
«талебелер ве студентлернинъ окъутув эм де тарбиелевинде хусусий мувафакъиетлери олгъан, макъбуль тасильни теминлеген ве кейфиетли тасиль алмасына догърутылгъан фаалиети ичюн»;
6-нджы пунктнынъ экинджи сатырбашы ашагъыдаки джумленен текмилленсин:
«Такъдим этильген весикъаларда мукяфат алмасына косьтерильген шахыснынъ биографик малюматлары, эмек фаалиетининъ хасиетнамеси ве конкрет шахсий къазанчлары акъкъында малюматлар къайд этильмек борджлу»;
8-нджи пункт чыкъарылсын;
мезкюр мундериджели 8, 9-нджы пунктларнен текмилленсин:
«8. Мукяфат алмасына иришкен шахыскъа «Педагогик ве ильмий-педагогик хадимлерине Къырым Мухтар Джумхуриетининъ мукяфаты лауреаты» унваны бериле ве диплом иле лауреатнынъ фахрий ярлыгъы такъдим этиле.
9. Педагогик ве ильмий-педагогик хадимлерине Къырым Мухтар Джумхуриетининъ мукяфаты лауреаты унваны ве диплом иле лауреатнынъ фахрий ярлыгъы эр сене Тасиль хадимлерининъ кунюне багъышлангъан тантаналы топлашувда такъдим этиле. Пара мукяфатынынъ тёленюви Къырым Мухтар Джумхуриетининъ Тасиль ве илим Назирлигине мезкюр макъсаткъа айырылгъан пара васталарындан эда этиле ве лауреатлар банкта ачкъан эсапларгъа пара ёлланувы вастасы иле мукяфат берильген вакъыттан бир ай муддет ичинде япыла.
Педагогик ве ильмий-педагогик хадимлерине Къырым Мухтар Джумхуриетининъ мукяфаты лауреатынынъ дипломы ве кокюс нишанынынъ тарифи ве нумюнеси Къырым Мухтар Джумхуриети Юкъары Радасынынъ Президиумы тарафындан тасдикълана».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 364-5/07 |