Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 32-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 1, 33-нджи пунктларына эсасланаракъ, Къырым Мухтар Джумхуриетининъ мукяфатлав ёругъыны мукеммеллештирмек ве базы мутехассыслар группалары векиллерининъ къазанчларына объектив къыймет кесмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан «Къырым Мухтар Джумхуриетининъ фахрий унванлары, Къырым Мухтар Джумхуриетининъ пара мукяфатлары ве Къырым Мухтар Джумхуриетининъ дигер ярарлыкъ аляметлерининъ тесис этилюви акъкъында» 455-2/99 санлы Къарарына (Къырым Мухтар Джумхуриетининъ норматив-укъукъий актлар топламы, 1999 с., № 4, 319 мад., № 10, 995 мад.; 2000 с., № 11, 1245 мад., № 12, 1329 мад.; 2001 с., № 11, 1217 мад.; 2002 с., № 6, 495 мад., № 7, 595 мад., № 11, 1184 мад.; 2003 с., № 9, 729 мад.; 2004 с., № 4, 311 мад.; 2005 с., № 2, 77 мад., № 4, 263 мад.) ашагъыдаки денъишмелер кирсетильсин:
1.1. 1-нджи пунктнынъ 1.2 пунктасты мезкюр мундериджели сатырбашларынен текмилленсин:
«Къырым Мухтар Джумхуриетинде нам къазангъан геолог»;
«Къырым Мухтар Джумхуриетинде нам къазангъан топракъ тертибатчысы».
1.2. Мезкюр Къарарнен тасдикълангъан Низамнаменинъ 3-нджи болюгинде:
13-нджи пункт мезкюр мундериджели сатырбашларынен текмилленсин:
«Къырым Мухтар Джумхуриетинде нам къазангъан геолог»;
«Къырым Мухтар Джумхуриетинде нам къазангъан топракъ тертибатчысы».
16-нджы пункт мезкюр мундериджели сатырбашларынен текмилленсин:
«Къырым Мухтар Джумхуриетинде нам къазангъан геолог» — геология, геодезия ве харитаграфия сааларында мешгъуль олгъан ишханелер, тешкилятлар, муэссиселер, окъув, ильмий-теткъикъат ве ильмий-истисал юртларынынъ хадимлери ве ишхане реберлерине;
«Къырым Мухтар Джумхуриетинде нам къазангъан топракъ тертибатчысы» — топракъ мунасебетлерини идаре этюв сааларында мешгъуль олгъан ишханелер, тешкилятлар, муэссиселер, окъув, ильмий-теткъикъат ве ильмий-истисал юртларынынъ хадимлери ве ишхане реберлерине».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 358-5/07 |