Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына эсасланаракъ ве Украина Назирлер Кабинетининъ 2006 сенеси 20-февральде къабул олунгъан 168 санлы Къарарынен тасдикълангъан 2006 сенеси ер асты байлыкъларындан файдаланмакъ ичюн махсус изинлернинъ такъдим этилюв Тертибине, эм де Украина Назирлер Кабинетининъ 2006 сенеси 20-февральде къабул олунгъан 167 санлы Къарарынен тасдикълангъан 2006 сенеси ер асты байлыкъларындан файдаланмакъ ичюн махсус изинлернинъ сатылмасы боюнджа аукционлар кечирюв Низамнамесининъ 3-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ Черномор районында ерлешкен Ярылгъач карбонгидратлар ер догъумында амелий-истисал ишленмелер иле геологик теткъикъатлары япылмасы боюнджа ишлер кечирмеси ичюн ер асты байлыкъларындан файдаланмакъ махсус изинлер аукцион вастасы иле сатылмасы уйгъунлаштырылсын.
2. Украинанынъ этрафтаки табиат муитини муафаза этюв Назирлиги тарафындан кечирильген аукционда ашагъыдаки шартлар мытлакъа козьде тутулмакъ борджлу:
аукционнынъ гъалиби озь ишханесини ер догъумы ерлешкен ерде ресмийлештирмек борджлу;
аукционнынъ гъалиби ер догъумыны санайи файдаланув ичюн азырламакъ (Украина ихтиятлары боюнджа Девлет комиссиясында ихтиятларны тасдикъласын) ве ер догъумында бурнен къазылгъан эписи бужарларнынъ дурумы ичюн месулиетли олмагъа борджлу.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 357-5/07 |