Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына эсасланаракъ ве ер асты байлыкълары акъкъында Украина Кодексининъ 9-нджы маддесиндеки 2-нджи къысмына, 16 ве 19-нджы мадделерине, Украина Назирлер Кабинетининъ 2006 сенеси 20-февральде къабул олунгъан 168 санлы Къарарынен тасдикълангъан 2006 сенеси ер асты байлыкъларындан файдаланмакъ ичюн махсус изинлернинъ такъдим этилюв Тертибининъ 8-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Багъчасарай районындаки Багъчасарай ер догъумында семент истисалы ичюн мальземе сыфатында сары топракъ къазып чыкъарувы макъсадынен — «Стройиндустрия» Багъчасарай комбинаты» (Багъчасарай ш.) япыкъ акционер джемиетине ер асты байлыкъларындан файданланмакъ ичюн махсус изиннинъ такъдим этильмеси уйгъунлаштырылсын.
2. Симферополь районындаки Чатыр-дагънынъ ашагъыдаки айлясында ерлешкен «Мраморная» (Мраморная, Эмине-Баир-Хосар, Эмине-Баир-Къоба къобалары) къоба ичинде экскурсия комплексинден файдаланмакъ ичюн — «Оникс-Тур» спелеотуризм меркези» (Симферополь ш.) месулиети сынъырлангъан джемиетине файдалы мальземелерни къазып чыкъарылувынен багълы олмагъан ер асты байлыкъларындан файдаланмакъ макъсадына махсус изиннаменинъ гъайрыдан ресмийлештирилюви уйгъунлаштырылсын.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 356-5/07 |