КъМДж ЮР Къарары

КЪЫРЫМ МУХТАР ДЖУМХУРИЕТИНДЕ САЙЛАВ КОМИССИЯСЫНЫНЪ КЪУРУМЫ ВЕ СЫНЪЫР МИКЪДАРЫ АКЪКЪЫНДА

«Къырым Мухтар Джумхуриети Юкъары Радасынынъ, мааллий шуралар депутатлары ве кой, къасаба, шеэр галаваларынынъ сайлавлары акъкъында» Украина Къанунынынъ 21-нджи маддесиндеки 1-нджи къысмы, 26-нджы маддесиндеки 22-нджи къысмы, 27-нджи маддесиндеки 3-нджи къысмына, Украина Назирлер Кабинети 2006 сенеси 9-мартта къабул эткен «Иджра акимиети органлары, прокуратура органлары, махкеме ве дигер органлар аппараты хадимлерининъ къурумы тертипке чекильмеси ве эмек уджретининъ шараитлери акъкъында» 268 санлы Къарарына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде сайлав комиссиясынынъ къурумы ве сынъыр микъдары тасдикълансын (иляве этиле).

2. Къырым Мухтар Джумхуриети сайлав комиссиясынынъ реиси А.А. Кондратенко Къырым Мухтар Джумхуриети сайлав комиссиясынынъ 2007 сенеси арекет этювине масрафлар сметасында денъишмелер боюнджа теклифлерни бельгиленген тертипте Къырым Мухтар Джумхуриетининъ Юкъары Радасына кирсетсин.

3. Къуветини джойгъан киби танылсын:

Къырым Мухтар Джумхуриети Юкъары Радасынынъ 1998 сенеси 30-июльде къабул олунгъан «Къырым Мухтар Джумхуриети сайлав комиссиясынынъ сынъыр микъдары ве малиенен теминлевининъ тасдикъламасы акъкъында» 142-II санлы Укюми (Къырым Мухтар Джумхуриетининъ норматив-укъукъий актлар топламы, 1998 с., № 7, 491 мад.; 1999 с., № 4, 337 мад.; 2002 с., № 2, 100 мад.);

Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан «Къырым Мухтар Джумхуриети Юкъары Радасынынъ 1998 сенеси 30-июльде къабул олунгъан «Къырым Мухтар Джумхуриети сайлав комиссиясынынъ сынъыр микъдары ве малиенен теминлевининъ тасдикъланмасы акъкъында» 142-II санлы Укюмине денъишмелер ве текмиллевлер кирсетильмеси акъкъында» 473-2/99 санлы Укюми (Къырым Мухтар Джумхуриетининъ норматив-укъукъий актлар топламы, 1999 с., № 4, 337 мад.);

Къырым Мухтар Джумхуриети Юкъары Радасынынъ 2002 сенеси 20-февральде къабул олунгъан «Къырым Мухтар Джумхуриети Юкъары Радасынынъ 1998 сенеси 30-июльде къабул олунгъан «Къырым Мухтар Джумхуриети сайлав комиссиясынынъ сынъыр микъдары ве малиенен теминлевининъ тасдикъланмасы акъкъында» 142-II санлы Укюминен тасдикълангъан Къырым Мухтар Джумхуриети сайлав комиссиясынынъ ве онынъ аппаратынынъ Сынъыр микъ­дарына денъишмелер кирсетильмеси акъкъында» 2280-2/02 Укюми (Къырым Мухтар Джум­хуриетининъ норматив-укъукъий актлар топламы, 2002 с., № 2, 100 мад.).

4. Мезкюр Къарар къабул этильген кунюнден арекетке кире.