КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2007–2008 СЕНЕЛЕРИ КУЧЮК ТЕШЕББЮСЧИЛИККЕ КЪОЛТУТУВ ВЕ ИНКИШАФ ЭТТИРЮВ ПРОГРАММАСЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 11-нджи пунктларына бинаен, Къырым Мухтар Джумхуриетинде кучюк тешеббюсчиликнинъ инкишафы девлет сиясетини омюрге кечирмек макъсадынен ве «Украинада кучюк тешеббюсчиликке къолтутув Миллий программасы акъкъында», «Кучюк тешеббюсчиликке девлет къолтутувы акъкъында» Украина къанунларыны эда этмек ичюн

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2007—2008 сенелери кучюк тешеббюсчиликке къолтутув ве инкишаф эттирюв Программасы тасдикълансын (иляве этиле).

2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2007 ве 2008 сенелерине бюджетнинъ лейихасыны шекиллендиргенде Къырым Мухтар Джумхуриетинде 2007—2008 сенелери кучюк тешеббюсчиликке къолтутув ве инкишаф эттирюв Программасынынъ омюрге кечирювине пара васталарыны козьде тутсын.

3. Къырым Мухтар Джумхуриетинде шеэр шураларынынъ иджра комитетлери ве район девлет мемуриетлерине 2007—2008 сенелери кучюк тешеббюсчиликке къолтутув ве инкишаф эттирюв региональ программаларыны ишлеп чыкъармакъ ве къабул этмек тевсие берильсин.

4. Мезкюр Къарарнынъ эда этильмеси незаретини Къырым Мухтар Джумхуриети Юкъары Радасынынъ тышкъы икътисадий алякъалар, тиджарет ве тешеббюсчилик боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.