«Украинанынъ сагълыкъны сакълав акъкъында къанунджылыкъ эсаслары» Украина Къанунынынъ 13-нджи маддесине, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 17-нджи пунктына бинаен ве бюйрек зайыфлыгъы олгъан хасталаргъа тиббий ярдымны яхшылаштырмакъ, бюйрек вазифесини денъиштирюв земаневий усулларынынъ инкишаф эттирмек, олюм ве нефрология хасталары сакъатлыкъ боюнджа ишке ярарлы олгъан яшында ильк сефер нефакъагъа чыкъармакъ косьтергичлерини эксильтмек, денъиштириджи бюйрек терапиясына мухтадж хасталарнынъ яшайыш кейфиетини ве омюр девамлылыгъыны яхшылаштырмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Бюйрек зайыфлыгъы олгъан хасталаргъа тиббий ярдымнынъ яхшылаштырмасы боюнджа 2007—2010 сенелерине Джумхурий программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы 2007 сенесинден башлап, Къырым Мухтар Джумхуриетининъ бюджети лейихасыны шекиллендиргенде сагълыкъ сакълавына айырылгъан паралар черчивесинде бюйрек зайыфлыгъы олгъан хасталаргъа тиббий ярдымнынъ яхшылаштырмасы боюнджа 2007—2010 сенелерине Джумхурий программасынынъ эда этильмесине макъсатлы тахсислерни козьде тутсын.
3. Къырым Мухтар Джумхуриетиндеки шеэр шураларынынъ иджра комитетлери ве район девлет мемуриетлерине бюйрек зайыфлыгъы олгъан хасталаргъа тиббий ярдымнынъ яхшылаштырмасы боюнджа 2007—2010 сенелерине Джумхурий программасынынъ эда этильмеси боюнджа тедбирлер ишлеп чыкъармагъа ве тасдикъламагъа эм де оларны малиенен теминлемеге тевсие берильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
|
Симферополь ш., 2007 сенеси, февраль 21, № 349-5/07 |