КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2010 СЕНЕСИНЕДЖЕ ОРТАТАСИЛЬ, МЕКТЕПТЕН ТЫШ, МУТЕХАССЫС-ТЕХНИКА ВЕ АЛИЙ ОКЪУВ ЮРТЛАРЫНЫ ХАБЕР-МАЛЮМАТНЕН ТЕМИНЛЕВ ДЖУМХУРИЙ ПРОГРАММАСЫ АКЪКЪЫНДА

Украина Назирлер Кабинетининъ 2005 сенеси 7-декабрьде 1153 санлы Къарарынен тасдикъ­лангъан 2006—2010 сенелерине «Тасиль ве илимде хабер-малюмат ве къонушма технологиялары» Девлет программасы, Украина Назирлер Кабинетининъ 2004 сенеси 8-сентябрьде 1182 санлы Къарарынен тасдикълангъан 2005—2008 сенелерине I-II севиели аккредитациясы олгъан алий окъув юртларыны хабер-малюмат ве компьютерлернен теминлев Девлет программасына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2010 сенесинедже ортатасиль, мектептен тыш, мутехассыс-техника ве алий окъув юртларыны хабер-малюматнен теминлев Джумхурий программасы тасдикълансын (иляве этиле).

2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2007 сенеси бюджетине денъишмелер кирсеткен вакъытта ве Къырым Мухтар Джумхуриетининъ илеридеки сенелерине бюджет лейихасыны шекиллендиргенде Къырым Мухтар Джумхуриетинде 2010 сенесинедже тасильге айырыладжакъ паралар черчивесинде ортатасиль, мектептен тыш, мутехассыс-техника ве алий окъув юртларыны хабер-малюматнен теминлев Джумхурий программасыны омюрге кечирмек ичюн пара васталарыны козьде тутсын.

3. Къырым Мухтар Джумхуриетинде мааллий озь-озюни идаре этюв органлары ве район девлет мемуриетлерине:

3.1. Ортатасиль ве мектептен тыш юртларыны хабер-малюматнен теминлев программасыны ишлеп чыкъармакъ ве тасдикъламакъ.

3.2. Эр сене мааллий бюджетлерни шекиллендиргенде мезкюр программаларны малиенен теминлемек ичюн пара васталарыны козьде тутмакъ

тевсие этильсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.