КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ 2007 СЕНЕСИНЕ БЮДЖЕТИ АКЪКЪЫНДА

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ 2007 сенесине бюджетнинъ келири 1809178,2 бинъ гривня колеминде, шу джумледен «Украинанынъ 2007 сенесине Девлет бюджети акъкъында» Украина Къанунына бинаен Украина Девлет бюджетинден трансфертлер колеми — 1254118,7 бинъ гривня микъдарында тасдикълансын.

Къырым Мухтар Джумхуриети бюджетининъ умумий фондунынъ келирлери колеми 1591172,3 бинъ гривня, Къырым Мухтар Джумхуриети бюджетининъ махсус фондунынъ колеми — 218005,9 бинъ гривня, шу джумледен инкишаф этюв бюджети — 43285,0 бинъ гривня (1‑нджи иляве).

2. Къырым Мухтар Джумхуриетининъ 2007 сенесине бюджетнинъ масрафлары 1808219,5 бинъ гривня колеминде тасдикълансын, шу джумледен Къырым Мухтар Джумхуриети бюджетининъ арекет эткен (2-нджи иляве) ве муэссисевий (3-нджи иляве) къурумлары боюнджа Къырым Мухтар Джумхуриети бюджетининъ умумий фондунынъ масрафлары — 1590013,6 бинъ гривня ве Къырым Мухтар Джумхуриети бюджетининъ махсус фондунынъ масрафлары — 218205,9 бинъ гривня.

3. Къырым Мухтар Джумхуриетининъ 2007 сенесине бюджетнинъ кассада айланып отургъан парасы 50,0 бинъ гривня колеминде киби тайинленсин.

4. 2007 сенесине:

Къырым Мухтар Джумхуриетининъ бюджетине къайтарыладжакъ кредитлер 644,0 бинъ гривня колеминде, шу джумледен Къырым Мухтар Джумхуриети бюджетининъ махсус фондуна кредитлернинъ къайтарылувы — 644,0 бинъ гривня микъдарында;

Къырым Мухтар Джумхуриетининъ бюджетинден бериледжек кредитлернинъ колеми — 1602,7 бинъ гривня, шу джумледен Къырым Мухтар Джумхуриети бюджетининъ умумий фондундан бериледжек кредитлер — 1158,7 бинъ гривня микъдарында ве Къырым Мухтар Джумхуриети бюджетининъ махсус фондундан — 444,0 бинъ гривня микъдарында

тасдикълансын (4-нджи иляве).

5. Мааллий бюджетлернинъ малиевий теминленмесини мусавийлештирмек ичюн Украина девлет бюджетинден шеэрлер ве районлар бюджетлерине 19518,8 бинъ гривня колеминде къошма мефакъа тасдикълансын.

6. Украина девлет бюджетинден мутенасип субвенциялар эсабындан шеэрлер ве районлар бюджетлерине субвенциялар 576378,8 бинъ гривня колеминде тасдикълансын, олардан Къырым Мухтар Джумхуриети бюджетининъ умумий фонду субвенциялары — 575070,8 бинъ гривня (5-нджи иляве), Къырым Мухтар Джумхуриети бюджетининъ махсус фонду субвенциялары — 1308,0 бинъ гривня (6-нджы иляве), шу джумледен:

балалы къоранталаргъа, аз теминленген къоранталаргъа, балалыкътан сакъатлар ве сакъат балаларгъа ярдым эм де балаларгъа вакътынджа девлет ярдымы тёлевлери ичюн субвенция боюнджа — 411373,7 бинъ гривня микъдарында, олардан 411373,7 бинъ гривня Къырым Мухтар Джумхуриети бюджетининъ умумий фонду;

субвенция боюнджа ве онынъ эсабындан эалиге турмуш субсидиялар эм де дженк ветеранларына, «Дженк ветеранлары статусы, оларнынъ ичтимаий къорчаланув кефалети акъкъында» Украина Къанунынынъ арекетлери даркъалгъан шахысларгъа, Ватан огърунда хусусий къазанчлары олгъан шахысларгъа, Ватан огърунда хусусий къазанчлары олгъан лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан, лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан шахысларгъа, нацистлер такъиплерининъ къурбанларына, арбий хызмет ветеранларына, ички ишлер органларынынъ ветеранларына, янгъындан къорчалав девлет хызметининъ ветеранларына, Украинанынъ махсус алякъа ве малюматлары къорчалав Девлет хызметининъ ветеранларына, арбий хызмет, ички ишлер, янгъындан къорчалав, Украинанынъ махсус алякъа ве малюматлары къорчалав Девлет хызметлери ветеранларынынъ тул къалгъан омюр аркъадашларына, бунынънен берабер яшына коре, хасталыкълар себебинден ве хызмет муддети толувы мунасебетинен иштен бошатылгъан Хавфсызлыкъ хызметининъ арбийлерине, милиция хадимлерине, берги милициянынъ реберлер теркибине кирген шахысларгъа, джинаий-иджраджы ёругъынынъ адий ве реберлер теркибине, девлет янгъындан къорчалав хызметчилерине, прокуратура тахкъикъатчысы сырасындан нефакъаджылар, озь вазифесини эда эткен вакътында эляк олгъан милиция хадимлерининъ, берги милициянынъ реберлер теркибине кирген шахысларнынъ, джинаий-иджраджы ёругъынынъ адий ве реберлер теркибине кирген шахысларнынъ, девлет янгъындан къорчалав хызметчилерининъ балаларына (акъылбалигъ чагъына етмегендже), оларнынъ бакъымында олгъан ишке ярарлыкъсыз къоранта азаларына, арбий хызмети вакътында сакъатлангъан ве арбий хызметтен бошатылгъан арбийлерге, арбий хызмети вакътында сакъатлангъан, ольген я да эляк олгъан арбийлернинъ ана-бабасы ве къоранта азаларына, хызмети вакътында сакъатлан­гъан, ольген я да эляк олгъан ватандашлар къорчалавы органларынынъ ве болюклернинъ адий ве реберлер теркибине кирген шахысларнынъ, Украинанынъ махсус алякъа ве малюматлары къорчалав Девлет хызмети хадимлерининъ ана-бабасы ве къоранта азаларына, репрессиялар нети­джесинде сакъатлангъан я да энди нефакъагъа чыкъкъан реабилитирленген ватандашларгъа, Чернобыль къазасындан зарар корьген ватандашларгъа, олюми Чернобыль къазасынен алякъада олгъан ватандашларнынъ омюр аркъадашлары ве балаларына,  имтиязлар такъдим этильмеси, сагълыкъ акъкъында Украина Къанунджылыкъ эсасларынынъ 77-нджи маддесининъ биринджи болюк «i» пункты, Медениет акъкъында Украина Къанунджылыкъ эсасларынынъ 29-нджы маддесининъ дёртюнджи болюги, «Тасиль акъкъында» Украина Къануны 57-нджи маддесининъ дёртюнджи болюк биринджи сатырбашына бинаен ватандашларгъа, дженк балаларына имтиязлар такъдим этилюви ве эалиге электроякъарлыкъ, табиий газ парасынынъ одеви, исинти ве сувнен теминлеви ве чиркеф сувлары алынмасы хызметлери, мескен парасынынъ одеви, турмуш чёплюкнинъ ве шинген къалымтыларнынъ чыкъарылувы ичюн имтиязлар  ве эалиге турмуш субсидиялары такъдим этильмеси ичюн — 112928,3 бинъ гривня микъдарында, олардан 112928,3 бинъ гривня Къырым Мухтар Джумхуриети бюджетининъ умумий фонду;

субвенция боюнджа ве онынъ эсабындан эалиге турмуш субсидиялар эм де дженк ветеранларына, «Дженк ветеранлары статусы, оларнынъ ичтимаий къорчаланув кефалети акъкъында» Украина Къанунынынъ арекетлери даркъалгъан шахысларгъа, Ватан огърунда хусусий къазанчлары олгъан шахысларгъа, Ватан огърунда хусусий къазанчлары олгъан, лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан шахысларгъа, нацистлер такъиплерининъ къурбанларына, арбий хызмет ветеранларына, ички ишлер органларынынъ ветеранларына, янгъындан къорчалав девлет хызметининъ ветеранларына, Украинанынъ махсус алякъа ве малюматлары къорчалав Девлет хызметининъ ветеранларына, арбий хызмет, ички ишлер, янгъындан къорчалав, Украинанынъ махсус алякъа ве малюматлары къорчалав Девлет хызметлери ветеранларынынъ тул къалгъан омюр аркъадашларына, бунынънен берабер яшына коре, хасталыкълар себебинден ве хызмет муддети толувы мунасебетинен иштен бошатылгъан Хавфсызлыкъ хызметининъ арбийлерине, милиция хадимлерине, берги милициянынъ реберлер теркибине кирген шахысларгъа, джинаий-иджраджы ёругъынынъ адий ве реберлер теркибине, девлет янгъындан къорчалав хызметчилерине, прокуратура тахкъикъатчысы сырасындан нефакъаджылар, озь вазифесини эда эткен вакътында эляк олгъан милиция хадимлерининъ, берги милициянынъ реберлер теркибине кирген шахысларнынъ, джинаий-иджраджы ёругъынынъ адий ве реберлер теркибине кирген шахысларнынъ, девлет янгъындан къорчалав хызметчилерининъ балаларына (акъылбалигъ чагъына етмегендже), оларнынъ бакъымында олгъан ишке ярарлыкъсыз къоранта азаларына, арбий хызмети вакътында сакъатлангъан ве арбий хызметтен бошатылгъан арбийлерге, арбий хызмети вакътында сакъатлангъан, ольген я да эляк олгъан арбийлернинъ ана-бабасы ве къоранта азаларына, хызмети вакътында сакъатлан­гъан, ольген я да эляк олгъан ватандашлар къорчалавы органларынынъ ве болюклернинъ адий ве реберлер теркибине кирген шахысларнынъ, Украинанынъ махсус алякъа ве малюматлары къорчалав Девлет хызмети хадимлерининъ ана-бабасы ве къоранта азаларына, репрессиялар нети­джесинде сакъатлангъан я да энди нефакъагъа чыкъкъан реабилитирленген ватандашларгъа, Чернобыль къазасындан зарар корьген ватандашларгъа, олюми Чернобыль къазасынен алякъада олгъан ватандашларнынъ омюр аркъадашлары ве балаларына,  имтиязлар такъдим этильмеси, сагълыкъ акъкъында Украина Къанунджылыкъ эсасларынынъ 77-нджи маддесининъ биринджи болюк «i» пункты, Медениет акъкъында Украина Къанунджылыкъ эсасларынынъ 29-нджы маддесининъ дёртюнджи болюги, «Тасиль акъкъында» Украина Къануны 57-нджи маддесининъ дёртюнджи болюк биринджи сатырбашына бинаен ватандашларгъа, дженк балаларына имтиязлар такъдим этилюви ве эалиге къатты ве шинген соба якъарлыгъы эм шинген газ алмакъ ичюн имтиязлар ве эалиге турмуш субсидиялары такъдим этильмеси ичюн — 26081,9 бинъ гривня микъдарында, олардан 26081,9 бинъ гривня Къырым Мухтар Джумхуриети бюджетининъ умумий фонду;

субвенция боюнджа ве онынъ эсабындан дженк ветеранларына, «Дженк ветеранлары статусы, оларнынъ ичтимаий къорчаланув кефалети акъкъында» Украина Къанунынынъ арекетлери даркъалгъан шахысларгъа, Ватан огърунда хусусий къазанчлары олгъан шахысларгъа, Ватан огърунда хусусий къазанчлары олгъан лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан лякин озьлери ольген (эляк олгъан) шахысларнынъ тул къалгъан омюр аркъадашларына ве ана-бабаларына, Ватан огърунда хусусий эмек къазанчлары олгъан, шахысларгъа, нацистлер такъиплерининъ къурбанларына, арбий хызмет ветеранларына, ички ишлер органларынынъ ветеранларына, янгъындан къорчалав девлет хызметининъ ветеранларына, Украинанынъ махсус алякъа ве малюматлары къорчалав Девлет хызметининъ ветеранларына, арбий хызмет, ички ишлер, янгъындан къорчалав, Украинанынъ махсус алякъа ве малюматлары къорчалав Девлет хызметлери ветеранларынынъ тул къалгъан омюр аркъадашларына, арбий хызмети вакътында сакъатлангъан ве арбий хызметтен бошатылгъан арбийлерге, арбий хызмети вакътында сакъатлангъан, ольген я да эляк олгъан арбийлернинъ ана-бабасы ве къоранта азаларына, хызмети вакътында сакъатлангъан, ольген я да эляк олгъан ватандашлар къорчалавы органларынынъ ве болюклернинъ адий ве реберлер теркибине кирген шахысларнынъ, Украинанынъ махсус алякъа ве малюматлары къорчалав Девлет хызмети хадимлерининъ ана-бабасы ве къоранта азаларына, прокуратура тахкъикъатчысы сырасындан нефакъаджылар, репрессиялар нетиджесинде сакъатлангъан я да энди нефакъагъа чыкъкъан реабилитирленген ватандашларгъа, Чернобыль къазасындан зарар корьген ватандашларгъа, олюми Чернобыль къазасынен алякъада олгъан ватандашларнынъ омюр аркъадашлары ве балаларына,   дженк балаларына алякъа хызмети ве дигер къанунджылыкъ козьде туткъан имтиязлар (иляджларнынъ алынмасына, тиш къойдурылмасына, электроякъарлыкъ, табиий ве шинген газ, къатты ве шинген соба якъарлыгъы парасынынъ одеви, сыджакънен ве сувнен теминлеви ве чиркеф сувлары алынмасы хызметлери ичюн тёлев, эв-мескен парасынынъ одельмеси, турмуш чёплюк ве шинген къалымтыларнынъ чыкъарылмасындан гъайры) ве базы ватандашларнынъ накълиеде имтиязлы юрмесининъ одевине имтиязлар такъдим этилюви эм де накълиеде имтиязлы юрмеси ичюн компенсациясы эда этильмесине — 21973,1 бинъ гривня микъдарында, олардан Къырым Мухтар Джумхуриети бюджетининъ умумий фонду — 21973,1 бинъ гривня;

2006 сенесинде мааллий озь-озюни идаре этювнинъ инкишаф лейихалары ве программалары Бутюнукраина ярышынынъ гъалип чыкъкъан программаларнынъ 2007 сенеси малиенен теминлевине субвенция боюнджа — 884,8 бинъ гривня микъдарында, олардан Къырым Мухтар Джумхуриети бюджетининъ умумий фонду — 884,8 бинъ гривня;

оксюзлер ве ана-баба васийлигинден марум къалгъан балаларгъа, къоранта тарздаки балалар эвлеринде ве огей къоранталарда ана-баба-тербиеджилернинъ  ве ичтимаий хызметлер такъдим эткенлери ичюн огей ана-бабаларнынъ паранен теминлевине «акъчалар бала артындан юре» принципке эсасланып, субвенция боюнджа — 1829,0 бинъ гривня микъдарында, олардан Къырым Мухтар Джумхуриети бюджетининъ умумий фонду — 1829,0 бинъ гривня;

Дюньявий банк иле бераберликте «Ичтимаий ярдым системини мукеммеллештирюви» лейихасы эда этильмеси боюнджа тедбирлерни муджессем этмек ичюн шеэр (Къырым Мухтар Джумхуриетинде джумхуриет эмиети олгъан шеэрлернинъ), шеэрлерде районлар эмек ве ичтимаий къорчалав иджра органлары идарелери ерлешкен биналарнынъ тамирлевини малиенен теминлевине субвенция боюнджа — 1308,0 бинъ гривня микъдарында, олардан Къырым Мухтар Джумхуриети бюджетининъ умумий фонду — 1308,0 бинъ гривня.

7. Украина Девлет бюджетинден мутенасип субвенциялар эсабындан шеэрлер ве районлар бюджетлерине субвенцияларны 252725,1 бинъ гривня микъдарында, олардан Къырым Мухтар Джумхуриети бюджетининъ умумий фондундан субвенция — 211629,8 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 41095,3 бинъ гривня, шу джумледен:

педагогик, ильмий-педагогик ве окъув юртларынынъ дигер категория хадимлерине

«Тасиль акъкъында» Украина Къанунынынъ 57-нджи маддеси козьде туткъан одеме боюнджа борджларнынъ реструктуризациясы акъкъында» Украина Къануны козьде туткъан тёлевлернинъ эда этильмесине субвенция боюнджа — 23031,5 бинъ гривня микъдарында, олардан Къырым Мухтар Джумхуриети бюджетининъ махсус фонду — 23031,5 бинъ гривня;

арбийлер ве адий ве реберлик япкъан, шу джумледен сагълыгъынынъ вазиети боюнджа, яшына, хызмет муддети толувына эсасланаракъ ве штатлар эксильтюви себебинден едекке я да истифагъа чыкъкъан, ве яшагъан ери боюнджа мескен джедвелинде тургъан  шахысларгъа, оларнынъ арасындан хызмет вазифелерини эда эткен вакъытта эляк олгъан шахысларнынъ къоранта азаларына, бундан да гъайры Афгъаныстандаки уруш арекетлерининъ ве дигер арбий чарпышмаларнынъ иштиракчилерине эв-мескен къуруджылыгъы ве сатын алынмасына — 4400,7 бинъ гривня микъдарында, олардан Къырым Мухтар Джумхуриети бюджетининъ умумий фонду — 4400,7 бинъ гривня;

мескен-коммуналь ходжалыкъта ве дигер къаза хавфында булунгъан коммуналь мулькиетнинъ объектлеринде къазаларнынъ огюни алув ве техноген фелякетлерининъ ёкъ этильмеси боюнджа тедбирлерге, регионларнынъ ичтимаий-икътисадий инкишафына догърутылгъан инвестицион лейихаларнынъ эда этильмесине, шу джумледен исинти агълары ве був къазанларынынъ тамирлевине субвенция боюнджа — 42271,9 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 42271,9 бинъ гривня;

Украина Мудафаа Назирлигининъ мескен фонду ве ичтимаий-медений саанынъ объетлерини коммуналь мулькиетине теслим этюв боюнджа тедбирлернинъ эда этильмесине — 4225,7 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 4225,7 бинъ гривня;

ичтимаий-икътисадий инкишафына субвенция боюнджа — 137700,0 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 137700,0 бинъ гривня;

энергоихтияты боюнджа тедбирлер, шу джумледен чокъкъатлы яшалгъан эвлерни муэндис кирсетильмелерни сувдан ве исинти энергиясындан файдаланувнынъ эсаплав васталарынен донатылмасына, исинти агълары ве був къазанларынынъ тамирлеви, газ кечириджилернинъ къуруджылыгъы ве яшалгъан нокъталарнынъ газлаштырмасына субвенция боюнджа — 29255,3 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 29255,3 бинъ гривня;

коммуналь мулькиетинде олгъан автомобиль ёлларынынъ къуруджылыгъы, гъайрыдан тамирлеви, тамирлевине субвенция боюнджа — 11840,0 бинъ гривня микъдарында, Къырым Мухтар Джумхуриети бюджетининъ махсус фондундан субвенция — 11840,0 бинъ гривня.

Косьтерильген сувбенциялар Къырым Мухтар Джумхуриети Юкъары Радасында илериде тасдикъланмасы иле Украина Назирлер Кабинети оларны такъдим этилюв ве файдаланув эм де мезкюр субвенциялар эсабындан малиенен теминленеджек объектлернинъ джедвелини тасдикълагъан сонъ Къырым Мухтар Джумхуриети Назирлер Шурасы тарафындан такъсимленгени тайинленсин.

8. Къырым Мухтар Джумхуриетининъ 2007 сенесине бюджетинден акъылбалигъ чагъына етмегенлер ичюн приютларнынъ кечиндирювине Симферополь ш. бюджетине 999,1 бинъ гривня ве Ленин районынынъ бюджетине 599,4 бинъ гривня микъдарында субвенция  тасдикълансын.

9. Къырым Мухтар Джумхуриетининъ 2007 сенесине бюджетинден кой эалисини ичильген сувнен теминлемек масрафларынынъ одельмесине шеэрлер ве районлар бюджетлерине 2000,0 бинъ гривня микъдарында субвенция тасдикълансын ве юкъарыда анъылгъан субвенция шеэрлер ве районлар бюджетлери арасында Къырым Мухтар Джумхуриети Назирлер Шурасы тарафындан такъсимленгени ве гъайрыдан такъсимленгени бельгиленсин.

10. Къырым Мухтар Джумхуриетининъ 2007 сенесине бюджетининъ махсус фондундан табиатны муафаза этюв тедбирлерининъ малиенен теминлевине шеэрлер ве районлар бюджетлерине 4286,0 бинъ гривня микъдарында субвенция тасдикълансын ве юкъарыда анъылгъан субвенция шеэрлер ве районлар бюджетлери арасында Къырым Мухтар Джумхуриети Назирлер Шурасы тарафындан такъсимленгени ве гъайрыдан такъсимленгени бельгиленсин.

11. Къырым Мухтар Джумхуриетининъ 2007 сенесине бюджетинден мааллий озь-озюни идаре этювнинъ инкишафы боюнджа дёртюнджи Бутюнкъырым лейихалар ве программалар ярышынынъ гъалип чыкъкъан программаларыны малиенен теминлевине шеэрлер ве районлар бюджетлерине 1500,0 бинъ гривня микъдарында субвенция тасдикълансын.

Косьтерильген сувбенция Къырым Мухтар Джумхуриети Юкъары Радасынынъ дёртюнджи Бутюнкъырым лейихалар ве программалар ярышынынъ нетиджелери акъкъында укюминден сонъ шеэрлер ве районлар бюджетлери арасында такъсимленгени тайинленсин.

12. Къырым Мухтар Джумхуриетининъ 2007 сенесине бюджетинден шеэрлер ве районлар бюджетлерине 11933,0 бинъ гривня микъдарында субвенция тасдикълансын, олардан Къырым Мухтар Джумхуриети бюджетининъ умумий фонду — 11933,0 бинъ гривня (7-нджи иляве), шу джумледен:

субвенция боюнджа эалининъ ичтимаий къорчалавына дигер масрафларына (аз теминленген ватандашларгъа ичтимаий къолтутув боюнджа тедбирлерге мунасип аз теминленген ватандашларгъа тёлевлер) — 860,0 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 860,0 бинъ гривня;

субвенция боюнджа психик зайыфлыгъы нетиджесинде 1 я да 2-нджи группа сакъаты ол­гъанларны бакъмасы боюнджа ярдым бермесине — 503,9 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 503,9 бинъ гривня;

субвенция боюнджа 2007 сенеси 1-январьдан 1-нджи группа сакъатларына ве чалышмагъан (чалышып оламагъан) 2-нджи группа сакъатларына (сакъатлыкъ себебине бакъмадан), эшитюв ве корюв органларында зайыфлыгъы олгъан сакъатларгъа (группасына бакъмадан), бютюнлей девлет теминлевинде олмагъан 18 яшынадже сакъат балаларгъа, сакъат баланынъ бакъыджысы олгъан къоранта азасыны козьде тутып, электроякъарлыкъ, табиий газ ве исинтинен теминлеви ичюн 50 файызлыкъ имтиязлар такъдим этилювине — 8300,0 бинъ гривня микъдарында,олардан Къырым Мухтар Джумхуриети бюджетининъ умумий фонду субвенциясы — 8300,0 бинъ гривня;

субвенция боюнджа Чернобыль къазасындан зарар корьген ватандашларгъа тиббий хызмет косьтерюв боюнджа имтиязларгъа — 419,2 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 419,2 бинъ гривня;

субвенция боюнджа сакъатларгъа бензин, автонакълиенинъ тамирлеви ве теххызмет косьтерювлери эм де накълие хызметине, 1 ве 2 группа сакъатларына телефонлар къоюлмасына одеме тёлевлерге — 937,1 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 937,1 бинъ гривня;

субвенция боюнджа арбий арекетлери иштиракчилерининъ дефн этильмесине — 746,8 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 746,8 бинъ гривня;

субвенция боюнджа Къырымны мудафаа этюви ве немсе-фашист запт этиджилерден азат этюви иштиракчилерине бир керелик такъдирлеме тёлевине, эм де Партизанлар шан-шурети кунюне партизанларгъа ве гизли тешеббюсчилерге адресли маддий ярдым тёлевине — 166,0 бинъ гривня микъдарында, олардан Къырым Мухтар Джумхуриети бюджетининъ умумий фонду субвенциясы — 166,0 бинъ гривня.

Къырым Мухтар Джумхуриети бюджетининъ пара васталары такъсимлейиджилерининъ бюджет тайинлевлери макъсатларына тасдикълангъанына бакъмадан ярдым, имтиязлар ве одеме тёлевлери япмакъ боюнджа устюне меджбуриетлер алмагъа акълары олгъаны тайинленсин.

13.  Къырым Мухтар Джумхуриетининъ 2007 сенесине бюджетинден регионнынъ ичтимаий-икътисадий ве медений инкишафы программаларынынъ эда этильмесине Украина Девлет бюджетине 1330,0 бинъ гривня колеминде субвенция тасдикълансын, шу джумледен:

Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006-2010 сенелерине джинаетчиликнинъ огюни алувы боюнджа тедбирлернинъ эда этильмесине — 500,0 бинъ гривня;

Къырым Мухтар Джумхуриетинде гемилер арекетини теминлев боюнджа тедбирлерининъ эда этильмесине — 200,0 бинъ гривня;

Къырым Мухтар Джумхуриети Юкъары Радасынынъ 2005 сенеси 24-декабрьде къабул олунгъан 1542-4/05 санлы Къарарынен тасдикълангъан Къырым Мухтар Джумхуриетинде эалиге  укъу­къий тасиль берюв Программасынынъ тедбирлерининъ эда этильмесине, — 70,0 бинъ гривня;

Украина Арбий Денъиз Къуветлери ве Украина Девлет сынъырлары хызметининъ Сынъыр ордусы инкишафына ве къавийлештирильмесине къолтутув боюнджа тедбирлернинъ эда этильмесине — 90,0 бинъ гривня;

Ватандашларны Украина Силялы Къуветлерине чагъырып алувы боюнджа тедбирлернинъ эда этильмесине — 360,0 бинъ гривня;

Къырым Мухтар Джумхуриетининъ Девлет архивинде 2007 сенесине хырсызлыкътан фондларнынъ къорчалав ёругъынынъ яратылувы боюнджа тедбирлернинъ эда этильмесине — 110,0 бинъ гривня.

14. Къырым Мухтар Джумхуриети бюджети ихтият фондунынъ колеми 2007 сенесинде 1000,0 бинъ гривня микъдарында тасдикълансын.

Къырым Мухтар Джумхуриетининъ 2007 сенесине бюджети ихтият фондунынъ васталары эсабындан февкъульаде табиат къазаларынынъ ве дигер Къырым Мухтар Джумхуриетине менсюп олмагъан объектлеринен багълы олмагъан бекленильмеген адиселернинъ нетиджелерини ёкъ этилювине масрафлар Къырым Мухтар Джумхуриетининъ шеэрлери ве районлары бюджетлерине субвенция айырув вастасынен эда этильмеси мумкюн олгъаны тайинленсин.

Къырым Мухтар Джумхуриетининъ 2007 сенесине бюджети эда этильмеси акъкъында эсабат берильген вакътында Къырым Мухтар Джумхуриети Юкъары Радасынынъ тасдикълавына такъдим этильмеси шарты иле Къырым Мухтар Джумхуриетининъ 2007 сенесине бюджетининъ ихтият фондунынъ васталары эсабындан мааллий бюджетлерге субвенция айырмакъ акъкъы Къырым Мухтар Джумхуриети Назирлер Шурасына берильсин.

15. Къырым Мухтар Джумхуриетининъ 2007 сенесине бюджетининъ умумий фонду масрафларынынъ къорчалангъан мадделери джедвели ашагъыдаки икътисадий къурум масрафлары боюнджа тасдикълансын:

бюджет муэссиселери хадимлерининъ эмеги уджрети (код 1110);

айлыкъларгъа япылгъан эсаплар (код 1120);

медикаментлер ве сарылгъан материалларынынъ сатын алувы (код 1132);

ашайт маллары иле теминлев (код 1133);

коммуналь хызметлери ве энерготашыйыджыларнынъ одельмеси (код 1160);

бордж боюнджа файызларнынъ тёлеви (код 1200);

эалиге трансфертлер (код 1340);

мааллий бюджетлерге трансфертлер (код 1320).

Къырым Мухтар Джумхуриетининъ 2007 сенесине бюджетининъ къорчалангъан масрафлары сыфатында I-IV севиели аккредитациясы олгъан алий окъув юртларында кадрлар азырлавына масрафлар бельгиленсин.

16. Къырым Мухтар Джумхуриетининъ 2007 сенесине бюджетининъ масрафлары теркибинде джумхуриет программаларнынъ омюрге кечирилювине пара васталары умумий эсапнен 26038,5 бинъ гривня микъдарында (8-нджи иляве) тасдикълансын.

17. Кутьлевий хабер васталарына 2007 сенесине бюджет салымларынынъ такъсимленюви тасдикълансын (9-нджи иляве) тасдикълансын.

Радио- ве телевизион агъы системининъ семерели арекет этилювинини, бу саада девлет фиятларыны тертипке кетирильмесини ве Украина Президентининъ 2001 сенеси 1-мартта имзалагъан «Электроалякъа ве радиоалякъа хызметлерининъ девлет тарафындан тертипке кети­рювининъ мукеммеллештирюви боюнджа базы тедбирлер акъкъында» 122/2001 санлы Укюмини, Украина Назирлер Кабинетининъ 2004 сенеси 13-июльде къабул эткен «Теле- ве радиопрограммаларыны ишлеп чыкъарылмасы ве даркъатылмасына девлет сымарышы акъ­къында Низамнесининъ тасдикъланмасы акъкъында» 918 санлы Къарарыны теминлемек макъсадынен Къырым Мухтар Джумхуриетининъ хаберлер боюнджа Джумхурий комитет телепрограммалар, Къырым хаберлери шерити яратылмасынынъ сымарышчысы оларакъ бельгиленсин. «Теле­косьтерювлер ве радиоэшиттирювлер» 120100 арекет классификациясынынъ коду ве «Къырым хабер агентлиги хаберлер шеритининъ яратмасы ве даркъатмасы боюнджа тедбирлер» 120400 арекет классификациясы коду боюнджа бюджеттен малиенен теминлев теле- ве радиопрограммаларнынъ ишлеп чыкъарылмасы ве даркъатылмасына, хаберлер шеритнинъ яратылмасы ве даркъатылмасына региональ сымарышы ве сымарышнынъ эда этиджилеринен япылгъан анълашмаларгъа мунасип эда этильсин.

18. Къырым Мухтар Джумхуриетининъ бюджети васталары эсабындан темелли салымларнынъ малиенен теминленюви Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан «Къырым Мухтар Джумхуриети васталары эсабындан темелли къуруджылыкъ объектлернинъ маленен теминленюви ве битирильген къуруджылыкъ объектлернинъ ходжалыкъ субъектлерине къулланувгъа теслим этилюви тертиби акъкъында Низамнамеси акъкъында» 1087-4/04 санлы Къарарына бинаен эда этильгени тайинленсин.

19. Къырым Мухтар Джумхуриети бюджетининъ эда этилюв эснасында вакътынджа касса больмелери пейда олгъан вакъытта, эм де бюджетара трансфертлер эсапланувында козьге алынгъан келирлер колемининъ эда этильмемеси юзь бергенде, «2007 сенесине Украина Девлет бюджети акъкъында» Украина Къанунына бинаен Къырым Мухтар Джумхуриети бюджетининъ тасдикълангъан масрафларынынъ адарлы малиенен теминлеви ичюн керекли сынъырларда Украина Девлет казначействосы органлары ве банк муэссиселеринден ссудалар джельп этильмеси тайинленсин.

20.  Къырым Мухтар Джумхуриетининъ мулькю олгъан ишханелер, муэссиселер ве тешкилятлар 2007 сенеси келирден бергисини Къырым Мухтар Джумхуриети бюджетине тёлейджеклери тайинленсин.

21. Къырым Мухтар Джумхуриети Юкъары Радасынынъ 2003 сенеси 19-февральде къабул олунгъан 434-3/03 санлы Къарарынен тасдикълангъан Къырым Мухтар Джумхуриетинде пассажирлер электронакълиесининъ инкишафына джыйылгъан алым акъкъында Низамнаменинъ ве Къырым Мухтар Джумхуриетинде рекреацион комплексининъ инкишафына джыйылгъан алым акъкъында Низамнаменинъ амели 2007 сенесинде токътатылсын.

22. 2006 сенесинде малие-ходжалыкъ фаалиети эм де 2007 сенесинде эр квартал эсаплан­гъан малие-ходжалыкъ фаалиети нетиджелери боюнджа  Къырым Мухтар Джумхуриети Назирлер Шурасынынъ 1999 сенеси 13-июльде къабул этильген «Мулькнен идаре этюв акъкъында» 266 санлы Къарарына япылгъан 1-11 илявелеринде тасдикълангъан Къырым Мухтар Джумхуриетине менсюп мулькнинъ джедвелине кирген ишханелер, тешкилятлар, муэссиселер я да онынъ идаресине теслим этильген ве назирликлер, джумхурий комитетлер ве Къырым Мухтар Джумхуриетининъ иджра акимиетининъ дигер органлары идареси саасына кирсетильген ходжалыкъ субъектлер келирининъ бир къысмы Къырым Мухтар Джумхуриети бюджетининъ умумий фондуна япылгъан тёлевлернинъ тертиби ве нормативи тасдикълансын.

23. 2006 сенеси эписи Къырым Мухтар Джумхуриетине менсюп ишханелер, муэссиселер ве тешкилятлар, эм де темель фондларында Къырым Мухтар Джумхуриетининъ акциялары (иссе, пайлары) олгъан ходжалыкъ джемиетлер Къырым Мухтар Джумхуриети бюджетининъ умумий фондуна келирининъ бир къысмыны тёлейджеклери тайинленсин.

Келирнинъ бир къысмы Къырым Мухтар Джумхуриетининъ бюджетине 2006 сенесинде малие-ходжалыкъ фаалиетининъ нетиджелери боюнджа («2006 сенесине Украина девлет бюджети акъкъында» Украина Къанунынынъ 67-нджи маддесине бинаен тёленген келир къысмындан гъайры) ве ишханелернинъ келирине берги тёленмеси ичюн тайинленген муддет ичинде 2007 сенеси эр кварталлыкъ малие-ходжалыкъ фаалиети боюнджа осе берген екюнден тёлениле.

Темель фондларында Къырым Мухтар Джумхуриетининъ къысымлары (акция, пайлары) олгъан акционер, холдинг компаниялары ве дигер ходжалыкъ субъектлери, ве оларнынъ таби ишханелери ичюн, эм де темель фондларында Къырым Мухтар Джумхуриетининъ мулькю олгъан ходжалыкъ тешкилятлары ичюн косьтерильген тёлевлер оларнынъ темель фондларында бу къысымлар (акциялар, пайлар) колемине бинаен келир къысмындан эда этиле.

24. 2007 сенеси девлет берги хызметининъ органлары Къырым Мухтар Джумхуриетининъ бюджетинден кечкен сенелери берильген бюджет ссудалары боюнджа вакътында къайтарылмагъан борджны талап этиджи органлары киби бельгиленсин.

25. 2007 сенеси дженк ветеранларынынъ ава накълиесинен юрюви боюнджа «Крым» халкъара авиакомпания»сы ААДж-нынъ масрафлары Украина Девлет бюджетинден айырылгъан субвенция эсабындан Симферополь ш. бюджетинден оделеджеги тайинленсин.

26. Аз теминленген къоранталаргъа, балалыкътан сакъатлар ве сакъат балаларгъа ярдым эм де балаларгъа вакътынджа девлет ярдымы тёлевлерине япылгъан масрафларнынъ одельмеси Украина Девлет бюджетинден айырылгъан субвенция эсабындан мааллий бюджетлерден япылмасы тайинленсин.

27. Зираатчылыкъ тедбирлерине айырылгъан Къырым Мухтар Джумхуриетининъ 2007 сенесине бюджетининъ пара васталарындан файдаланув тертиби Къырым Мухтар Джумхуриети Назирлер Шурасы тарафындан бельгиленгени тайинленсин.

28. Къырым Мухтар Джумхуриетининъ 2007 сенеси ашлыкъ махсулатынынъ региональ сымарышы янъартылмасы боюнджа масрафлар Къырым Мухтар Джумхуриетининъ 2004-2005 сенелери ашлыкъ махсулатынынъ региональ сымарышынынъ сатылувындан Къырым Мухтар Джумхуриетининъ бюджетине тюшкен киришлер олгъанына коре эда этильмеси тайинленсин.

29. Къырым Мухтар Джумхуриетининъ Назирлер Шурасы Украина Девлет бюджетинден макъсатлы субвенция айырылмагъандже, Къырым Мухтар Джумхуриетининъ топракъларында Украина сув ходжалыгъы девлет комитети ёругъынынъ девлет сувходжалыкъ тешкилятларынен идаре этюв векялетчилиги берильген Къырым Мухтар Джумхуриетининъ сувходжалыкъ къуру­джылыгъы ве суварма зираатчылыкъ боюнджа Джумхурий комитетининъ аппараты кечиндирювине Къырым Мухтар Джумхуриетининъ 2007 сенесине бюджетинден малиенен теминленмесини эда этсин.

30. Къырым Мухтар Джумхуриетининъ Назирлер Шурасы Къырым Мухтар Джумхуриетининъ иджра акимиети органларынынынъ арекет этювини тешкерюв нетиджелери боюнджа Къырым Мухтар Джумхуриетининъ иджра акимиети органларынынъ тертипке чекильмеси ве Къырым Мухтар Джумхуриетининъ бюджетинден малиенен теминленген иджра акимиетининъ органлары хадимлерининъ сынъыр микъдары эксильтмеси боюнджа чарелер корьсин.

31. Къырым Мухтар Джумхуриетининъ бюджети васталарынынъ баш такъсимлейиджилери мезкюр Къарарнынъ 3-нджи Илявесинде бельгиленген ялынъыз бюджет тайинаты черчивесинде масрафлар эда этильмесине меджбуриет алмагъа акъкъы олгъаны тайинленсин.

Сметаларны тасдикълагъанда Къырым Мухтар Джумхуриетининъ бюджети васталарынынъ баш такъсимлейиджилери бюджет муэссиселери хадимлерининъ уджретине ёлланыладжакъ тахсислерде мухтаджлыкъны толу колемде, бюджет муэссиселери файдалангъан электроякъарлыкъ, исинти якъарлыгъы, сувтеминлеви ве табиий газ ичюн эсаплашув кечирильмесини теминлемек борджлулар.

32. Эгер бюджет муэссиселернинъ озь киришлерининъ колеми мезкюр Къарарнынъ 2, 3‑нджи Илявелеринде тасдикълангъан мунасип масрафлардан зияде олса, бюджет васталарынынъ такъсимлейиджиси бойле параларны биринджи невбетте иш уджрети боюнджа олгъан борджларнынъ одемесине, айлыкълардан олгъан эсаплавларгъа, коммуналь хызметлери ве энерготашыйыджыларгъа догърутмасыны козьде тутмакъ борджлу олгъаны тайинленсин.

Эгер бойле борджлар олмаса, бюджет васталары такъсимлейиджиси:

васталарнынъ 50 файызыны — мунасип киришлер эсабындан эда этильген тедбирлерге;

васталарнынъ 50 файызыны — эсас вазифелернинъ эда этильмеси ичюн керек олгъан, лякин Къырым Мухтар Джумхуриети бюджетининъ умумий фонду васталарынен бюджет классификациясынынъ мунасип вазифели кодлар боюнджа теминленмеген бюджетнинъ къорчалангъан мадделери боюнджа масрафларнынъ эда этильмесине ёллай.

Бунынънен берабер бюджет васталарынынъ такъсимлейиджиси Къырым Мухтар Джумхуриетининъ 2007 сенесине бюджетнинъ умумий фонду боюнджа къабул эткен бюджет меджбуриетлерининъ колемини, шу меджбуриетлер боюнджа масрафларны Къырым Мухтар Джумхуриетининъ 2007 сенесине бюджетнинъ махсус фондундан кечирильмеси ичюн къарарлаштырувыны эда эте.

33. Бюджет муэссиселери боюнджа хадимлер сайысынынъ тайинлеви, штат джедвелининъ тасдикълавы, къанунджылыкъ козьде туткъан акъикъий масрафларнынъ эда этильмеси мукяфатларгъа ве рагъбетлендирюв эм мукяфатларнынъ дигер чешитлери, маддий ярдым, 2006 сенесине бюджет муэссиселернинъ масрафлары сметасында тасдикълангъан айлыкъ фондларына эсасланаракъ, эда этильгени бельгиленсин.

34. Къырым Мухтар Джумхуриети Юкъары Радасынынъ 2004 сенеси 29-декабрьде къабул олунгъан «Къырым Мухтар Джумхуриетининъ 2005 сенесине бюджети акъкъында» 1177-4/04 санлы Къарарынен (Къырым Мухтар Джумхуриетининъ норматив-укъукъий актлар топламы, 2004 с., № 12, 1109 мад.; 2005 с., № 3, 171 мад., № 4, 253 мад., № 6, 458 мад., № 9, 804 мад., № 10, 930 мад., № 11, 1059 мад., № 12, 1130 мад., 2006 с., № 2, 19 мад.), тасдикълангъан Къырым Мухтар Джумхуриетине менсюп олгъан театр-темаша ве концерт тешкилятларынынъ лимитлерини тасдикълав эм де бюджеттен малиенен теминлев тертиби, къайд этильген тешкилятлар тарафындан гастроль ве дигер тедбирлерни кечирмеси ичюн сана мейданчыкъларны иджареге берильмеси акъкъында Низамнамесине ашагъыдаки денъишме кирсетильсин:

3-нджи пункттаки 3.2 пунктасты янъы тарирде арз этильсин:

«3.2. 2007 сенесине театр-темаша ве концерт тешкилятларынынъ бюджеттен малиенен теминлеви ичюн лимитлерини бельгилев тертиби ашагъыдаки колемде тайинленсин:

35. Къырым Мухтар Джумхуриетининъ Назирлер Шурасына авале этильсин:

35.1. Бир ай муддет ичинде бюджет васталарынынъ такъсимлейиджилеринен тасдикълангъан, бюджет колемлери тайинмелерине эсасланаракъ, джумхуриет бюджет муэссиселери боюнджа муджессем колемлерде энерготашыйыджылардан файдаланув лимитлери тасдикълансын.

35.2. Къырым Мухтар Джумхуриетининъ шеэрлер ве районлар бюджетлери арасында мааллий бюджетлернинъ малиенен теминленмесине Украина Девлет бюджетинден мефакъа тахсислери 19518,8 бинъ грн. микъдарында такъсимленсин.

35.3. Украина Девлет бюджетинден субвенциялар эсабындан муджессем этильген ве илериде Къырым Мухтар Джумхуриетининъ Юкъары Радасы тасдикълангъан эалиге имтиязлар, субсидиялар, ярдым ве ичтимаий тёлевлер, япылгъан ишлернинъ колеми ве дигер масрафларгъа мухтаджлыгъы такъдим этильмесине тахсисленювде мухтаджлыкънынъ акъикъий аджимлеринден чыкъаракъ, Украина девлет бюджетинден субвенция аджимлерини Украина Назирлер Кабинетининъ норматив-укъукъий актларына уйгъунлаштырып, Къырым Мухтар Джумхуриетининъ бюджети васталарынынъ баш такъсимлейиджилери, Къырым Мухтар Джумхуриетининъ шеэрлери ве районлары бюджетлери арасында такъсимленмеси эда этильсин.

Украина Девлет бюджетинден субвенциялар эсабындан муджессем этильген эалиге имтиязлар, субсидиялар, ярдым ве ичтимаий тёлевлер, япылгъан ишлернинъ колеми ве дигер масрафларгъа мухтаджлыгъы такъдим этильмесине тахсисленювде мухтаджлыкънынъ акъикъий аджимлеринден чыкъаракъ, эм де Украина Назирлер Кабинетининъ норматив-укъукъий актларына бинаен, Къырым Мухтар Джумхуриетининъ инкишаф этюв бюджетине умумий фондундан махсус фондуна берильген ве илериде Къырым Мухтар Джумхуриетининъ Юкъары Радасы тасдикълагъан Украина Девлет бюджети субвенцияларынынъ Къырым Мухтар Джумхуриетининъ бюджети васталарынынъ баш такъсимлейиджилери, Къырым Мухтар Джумхуриетининъ шеэрлери ве районлары бюджетлери арасында гъайрыдан такъсимленюви, Къырым Мухтар Джумхуриетининъ шеэрлери ве районларынынъ бюджетлерине мунасип субвенциялар айырылувы ве Украина Девлет бюджетинден субвенциялар аджимлерининъ догърулыгъыны айдынлатылмасы эда этильсин.

Эалиге имтиязлар, ярдым, одельме, ичтимаий тёлевлер, эм де джумхуриет ярышларнынъ нетиджелерине такъдим этильмесине тахсисленювлернинъ акъикъий эсаплангъан аджимлеринден чыкъаракъ, Къырым Мухтар Джумхуриетининъ бюджетинден субвенциялар Къырым Мухтар Джумхуриетининъ шеэрлери ве районлары бюджетлери арасында такъсимленмеси ве гъайрыдан такъсимленмеси эда этильсин.

35.4. Украина норматив-укъукъий ве къануний актларына бинаен Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен уйгъунлаштырып, Украина Девлет бюджетинден берильген къошма мефакъалар ве дигер къошма трансфертлернинъ такъсимленмеси илериде Къырым Мухтар Джумхуриетининъ Юкъары Радасы тасдикъланмасы иле Къырым Мухтар Джумхуриетининъ бюджети васталарынынъ баш такъсимлейиджилери, Къырым Мухтар Джумхуриетининъ шеэрлери ве районлары бюджетлери арасында эда этильсин.

35.5. Къырым Мухтар Джумхуриетине «Тасиль акъкъында» Украина Къанунынынъ 57-нджи маддесинен козьде тутулгъан педагог, илим-педагог ве окъув муэссиселернинъ дигер хадим категорияларына уджрет борджларынынъ реструктуризациясы акъкъында» Украина Къанунынынъ омюрге кечирилювине Украина Девлет бюджетинден макъсатлы васталар айыргъанда илериде Къырым Мухтар Джумхуриетининъ Юкъары Радасы тасдикъламасы иле косьтерильген васталар Къырым Мухтар Джумхуриетининъ бюджети васталарынынъ баш такъсимлейиджилери, Къырым Мухтар Джумхуриетининъ шеэрлери ве районлары бюджетлери арасында такъсимленмеси Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий кимиссиясынен уйгъунлаштырылгъан алда эда этильсин.

35.6. Украина Президенти янында девлет идареси Миллий академиясында ве Украина Президенти янында девлет идареси Миллий академиясынынъ девлет идареси Одесса региональ институтында девлет акимиети хадимлерининъ, мааллий озь-озюни идаре этюв органларынынъ янъыдан азырлавы ве ихтисасыны юксельтмеси ичюн Къырым Мухтар Джумхуриети Назирлер Шурасынынъ ишлери Идаресине Къырым Мухтар Джумхуриетининъ 2007 сенесине бюджетинде козьде тутулгъан васталарнынъ гъайрыдан такъсимленюви Къырым Мухтар Джумхуриетининъ 2007 сенесине бюджети васталарынынъ баш такъсимлейиджилери арасында эда этильсин.

36. Къырым Мухтар Джумхуриетининъ Назирлер Шурасына:

36.1. Айлыкъ парасына эсаплавлар ве бюджет муэссиселернинъ хадимлерине эмек уджретине, ашайт махсулатлары ве илядж сатын алмасына, коммуналь хызметлери ве энерготашыйыджыларнынъ одевине масрафлар эда этильмеси макъсадынен Къырым Мухтар Джумхуриетининъ 2007 сенесине бюджетини эда этюв кетишатында вакътынджа касса больмелерни къапатылмасы ичюн Украина Девлет казначействосынынъ органларында ссудалар алмакъ ве ресмийлештирмек.

36.2. Малие-кредит муэссиселеринде ссудалар алмакъ ве ресмийлештирмек.

36.3. Украина Назирлер Кабинетинен тасдикълангъан тертипке бинаен, «2006 сенесине Украина Девлет бюджети акъкъында» Украина Къанунында 6-джы Иляведе бельгиленген, бюджетлерара трансфертлерни эсабында козьде тутулгъан, иратлар аджимлерини эда этильмеген олса, къайтарув шарты иле Украина Девлет казначействосы органларында орта муддетли файызсыз ссудалар алмакъ.

36.4. Вакътынджа ишлетильмеген бюджет васталары малие-кредит муэссиселерине муддетлилик, паралылыкъ ве къайтарылув, олардан алынгъан келирлер Къырым Мухтар Джумхуриетининъ 2006 сенесининъ бюджетине къошулмасы шартлары иле къоймакъ.

36.5. Украина бюджет Кодексининъ 74 маддесине, Украина Назирлер Кабинетининъ 2003 сенеси 24-февральде къабул олунгъан «Маалий бюджетлерге одюнч эда этилюв Низамнамесининъ тасдикъланмасы акъкъында» 207 санлы Къарарына бинаен, Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясынен уйгъунлаштырып, одюнч алынгъан параларны инвестицион лейихаларнынъ омюрге кечирилювине ёлламакъ макъсадынен Къырым Мухтар Джумхуриетининъ инкишаф этюв бюджетине ички одюнчлер эда этмек.

36.6. Къырым Мухтар Джумхуриетининъ 2007 сенесине мунасип макъсатлы субвенциялар эсабындан эда этильген арбийлерни ве оларгъа мусавий олгъан ватандашлар категорияларны мескеннен теминлеви, коммуналь мулькиетинде олгъан арбийлернинъ сабыкъ шеэрчиклерининъ ичтимаий-медений саасы ве мескен фондунынъ объектлерини керекли тертипке чекилюви, автомобиль ёлларынынъ тамирлеви, регионларнынъ ичтимаий-икътисадий инкишафына догърултылгъан инвестицион лейихаларнынъ эда этильмеси, мескен-коммуналь ходжалыкъта ве коммуналь мулькиетининъ дигер къаза хавфында олгъан объектлеринде къазаларнынъ огюни алув ве техноген фелякетлерининъ ёкъ этильмеси боюнджа тедбирлернинъ эда этильмеси, шу джумледен исинти агълары ве був къазанларынынъ тамирлеви, ичтимаий-икътисадий  инкишафы, энергоихтият боюнджа тедбирлерге, шу джумледен чокъкъатлы яшалгъан эвлерни муэндис кирсетильмелерни сувдан ве исинти энергиясындан файдаланувнынъ эсаплав васталарынен донатылмасы, исинти агълары ве був къазанларынынъ тамирлеви, газ кечириджилернинъ къуруджылыгъы ве яшал­гъан нокъталарнынъ газлаштырмасы боюнджа ишни идаре этмек.

36.7.  Къырым Мухтар Джумхуриетининъ 2006 сенесине бюджетинде козьде тутулгъан бюджет тахсислерининъ умумий аджими черчивесинде Къырым Мухтар Джумхуриетининъ бюджети васталарынынъ такъсимлейиджилери арасында иджра акимиетнинъ органлары чалышмасына масрафларнынъ гъайрыдан такъсимленювини эда этмек.

36.8. Хатыра куньлернинъ къайд этилювине, байрамларгъа, нумайыш-ярышлар, фестиваллер ве дигер тедбирлернинъ кечирилювине Къырым Мухтар Джумхуриетининъ 2007 сенесине бюджетинде козьде тутулгъан васталар Къырым Мухтар Джумхуриетининъ бюджети васталарынынъ такъсимлейиджилери арасында гъайрыдан такъсимлевини эда этмек.

36.9. Къырым Мухтар Джумхуриетининъ иджра акимиети органларынынъ махкеме арджларынен багълы масрафларына Къырым Мухтар Джумхуриетининъ 2007 сенесине бюджетинде козьде тутулгъан васталар Къырым Мухтар Джумхуриетининъ бюджети васталарынынъ такъсимлейиджилери арасында гъайрыдан такъсимлевини эда этмек акъкъы берильсин.

37. Къырым Мухтар Джумхуриетининъ Малие Назирлигине:

37.1. Къырым Мухтар Джумхуриетининъ бюджети васталары такъсимлейиджилерининъ исбатлы мураджаатлары эсасында Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясынен уйгъунлаштырып, икътисадий ве функциональ классификациясы боюнджа Къырым Мухтар Джумхуриетининъ 2006 сенесине бюджетининъ умумий ве махсус фондларнынъ масрафлары, шу джумледен масрафларнынъ къорчалангъан мадделери боюнджа тахсислеринъ эксилювини истисна этип, Къырым Мухтар Джумхуриетининъ Юкъары Радасы бельгилеген Къырым Мухтар Джумхуриетининъ бюджети васталарынынъ бир баш такъсимлейиджиси ве бюджет тайинленювининъ умумий аджими черчивесинде эда этильген агъымдаки ве темелли масрафларынынъ гъайрыдан такъсимленюви эда этильсин.

37.2. Украина Малие Назирлиги тасдикълагъан мааллий бюджетлерининъ келирлери ве масрафлары бюджет классификациясынынъ денъишмеси вазиетинде Къырым Мухтар Джумхуриетининъ Юкъары Радасынынъ илеридеки тасдикъламасынен Къырым Мухтар Джумхуриетининъ 2007 сенесине бюджетининъ келири ве масрафлары муэссисе, вазифе ве икътисадий классификациясы кодлары боюнджа мунасип догърутмалар ве къошмалар иле эда этильсин.

38. Къырым Мухтар Джумхуриетининъ Назирлер Шурасы Къырым Мухтар Джумхуриети бюджетининъ умумий фонду боюнджа 2007 сенеси 1-январьгъа къалгъан сербест васталар эсабындан  Къырым Мухтар Джумхуриети бюджетининъ эда этильмеси эм де бюджет саасы муэссиселелерининъ махсул-маддий къыйметликлерининъ къалымтылары акъкъында эсабат не­тиджелери боюнджа Къырым Мухтар Джумхуриетининъ 2007 сенесине бюджетининъ масрафлары арттырылмасы боюнджа теклифлер кирсетсин:

Идаре органларына — 2800,0 бинъ гривня;

Сагълыкъ сакълавына — 3000,0 бинъ гривня;

ичтимаий къорчалав ве ичтимаий теминлевге — 5000,0 бинъ гривня, шу джумледен сюргюн этильген ватандашларнынъ ичтимаий-медений инкишафы боюнджа тедбирлерге — 4000,0 бинъ гривня, яшлар программаларына — 1000,0 бинъ гривня;

медениет ве санааткъа — 4700,0 бинъ гривня, шу джумледен миллий азлыкъларнынъ инкишафына — 200,0 бинъ гривня;

ихтият фонду боюнджа — 1000,0 бинъ гривня;

яш къоранталар ве бойдакъ яш ватандашларгъа эв къуруджылыгъы (гъайрыдан тамирлев) ве сатын алынмасына имтиязлар, кредитлер такъдим этильмеси ве хызмет косьтерильмесинен багълы масрафларгъа — 84,0 бинъ гривня;

яшлар къуруджылыгъынынъ кредитлевине — 1416,0 бинъ гривня;

субвенция боюнджа шеэрлер ве районлар бюджетлерине кой эалисине ичильген сув кетирильмеси боюнджа масрафларнынъ одевине — 1000,0 бинъ гривня;

субвенция боюнджа шеэрлер ве районлар бюджетлерине мааллий озь-озюни идаре этюв программаларнынъ омюрге кечирилюви черчивесинде масрафларгъа — 500,0 бинъ гривня;

Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетининъ 2006 — 2010 сенелерине джинаетчиликнинъ огюни алув боюнджа тедбирлернинъ эда этильмесине — 1000,0 бинъ гривня;

Кой ходжалыкъ осюмликлерининъ сувармасы ичюн сув берильмеси боюнджа электроякъар­лыкънынъ фияты уджузлаштырылмасына — 1000,0 бинъ гривня;

икътисадий фаалиетнен багълы хызметлерге — 1756,0 бинъ гривня, шу джумледен:

Къырым Мухтар Джумхуриетинде кучюк тешеббюсчиликке къолтутув ве инкишаф эттирюв программаларнынъ эда этильмесине масрафларгъа — 500,0 бинъ гривня;

Къырым Мухтар Джумхуриети Юкъары Радасынынъ 2006 сенеси 22-ноябрьде къабул олунгъан 264-5/06 санлы Къарарынен тасдикълангъан Къырым Мухтар Джумхуриетинде 2007 сенеси мааллий озь-озюни идаре этювге къолтутув ве инкишаф эттирюв Комплексли планы боюнджа масрафларгъа — 80,0 бинъ гривня;

ватандашларны электронакълиеде алып юрмесине тарифлернинъ келиштирильмесинен багълы тедбирлерге (дотация) — 1000,0 бинъ гривня;

мемуриет биналарынынъ муафазасы боюнджа тедбирлерге — 176,0 бинъ гривня.

39. Къырым Мухтар Джумхуриетиндеки район, шеэр, кой, къасаба шураларына 2007 сенесине мунасип мааллий бюджетлернинъ тасдикълавы вакътында иш уджретини одегенде, вазифесине коре нисбетлев тиклевининъ теминленмеси бюджет муэссиселери файдалангъан ве косьтерильген хызметлер боюнджа борджу къалдырмагъа мусааде этильмеген электрик якъарлыкъ, исинти якъарлыгъы, сувтеминлев, сув чыкъарув, табиий газ ве алякъа хызметлери ичюн бюджет муэссиселернинъ хадимлерине иш уджретине олгъан тахсислерде мухтаджлыкъ энъ аз айлыкънынъ колеми чокълашувы тевсие этильсин.

2007 сенесине мунасип мааллий бюджетлер тасдикъланмасы акъкъында къарарларда бюджет васталары такъсимлейиджилери тасдикълагъан бюджет тайинленювлери лимитлерден чыкъа­раракъ, эр бир бюджет муэссисеси боюнджа энерготашыйыджыларнынъ муджессем колемлерде файдаланув лимити тайинленсин.

40. Къырым Мухтар Джумхуриетинде озь-озюни идаре этюв органларына тевсие этильсин:

40.1. 2007 сенесине бюджетлер лейихалары шекиллендирильгенде 1-нджи группа сакъатларына ве чалышмагъан (чалышып оламагъан) 2-нджи группа сакъатларына (сакъатлыкънынъ себеплерине бакъмадан), корюв ве эшитюв органлары бозулмасынен сакъатларгъа (группагъа бакъмадан), толу девлет имаесинде олмагъан сакъат балаларгъа ве оларны 18 яшкъадже бакъ­къан къоранта азаларыны эсапкъа аларакъ, мескен тёлевлери ве дигер коммуналь хызметлери ичюн масрафларгъа 50 файыз колемде имтиязлар такъдим этилювине 2007 сенеси тахсислер козьде тутулсын.

40.2. Идаре органлары хадимлерининъ микъдары чокълаштырувы акъкъында къарарлар къабул этильмесин.

41. Бюджет саасынынъ мукеммеллештирюв саесинде багълы девлет сиясетининъ омюрге кечирювнен багълы олмагъан вазиетлерден гъайры, Къырым Мухтар Джумхуриетининъ бюджети эсабындан кечиндирильген ичтимаий-медений саасынынъ бюджет муэссиселери хадимлерининъ сынъырлы микъдары 2007 сенеси 1-январьгъа энди чалышкъан хадимлернинъ микъдарындан зияде олмасы ясакъ этильсин.

42. Къырым Мухтар Джумхуриетининъ 2007 сенесине саиплештирюв махсус макъсатлы фонду Къырым Мухтар Джумхуриетине менсюп олгъан мулькнинъ айырып чыкъарылмасындан алынгъан паралар эсабындан 2 файыз микъдарында тешкиль этильгени тайинленсин.

43. Къырым Мухтар Джумхуриетине менсюп олгъан мулькнинъ айырып чыкъарылмасындан алынгъан паралар эсабындан 10 файызы, Къырым Мухтар Джумхуриетининъ 2007 сенесине саиплештирюв махсус макъсатлы фондуна ёлланылгъан паралардан (2%) гъайры, территориаль джемаатчылыкънынъ коммуналь мулькиетине Къырым Мухтар Джумхуриетининъ мулькю олгъан ве исляат этильген ишханелернинъ темель фондларына кирмеген, эм де Къырым Мухтар Джумхуриетининъ мулькиетиндеки ходжалыкъ эткен субъектлернинъ балансында олгъан яшалгъан эвлер ве ичтимаий-медений макъсадында къулланылгъан объектлернинъ теслим этилювинен багълы масрафларгъа ёлланылгъаны тайинленсин.

Юкъарыда анъылгъан субвенция Къырым Мухтар Джумхуриети Назирлер Шурасы тарафындан шеэрлер ве районлар бюджетлери арасында Къырым Мухтар Джумхуриетининъ 2007 сенесине бюджети эда этильмеси акъкъында эсабат тасдикълангъанда Къырым Мухтар Джумхуриети Юкъары Радасынынъ илеридеки тасдикълавынен эда этильгени бельгиленсин.

Косьтерильген васталар Къырым Мухтар Джумхуриети Юкъары Радасынынъ 2005 сенеси 28-сентябрьде къабул олунгъан «Къырым Мухтар Джумхуриетининъ мулькюнен идаре этюв меселелери акъкъында» 1448-4/05 санлы Къарарына бинаен файдаланылгъаны тайинленсин.
44. Къырым Мухтар Джумхуриети Анаясасынынъ 34-нджи маддесининъ 2-нджи къысмы ве 26-нджы маддесининъ 2-нджи къысмындаки 19 ве 22-нджи пунктларына бинаен 2007 сенеси Къырым Мухтар Джумхуриети Юкъары Радасынынъ депутатлары фаалиетининъ теминлевине, 2007 сенеси Къырым Мухтар Джумхуриети Юкъары Радасынынъ аппараты арекет этювине, 2007 сенеси Къырым Мухтар Джумхуриети Назирлер Шурасынынъ арекет этювине, 2007 сенеси Къырым Мухтар Джумхуриети Назирлер Шурасынынъ ишлери Идаресининъ арекет этювине, 2007 сенеси Къырым Мухтар Джумхуриети Юкъары Радасынынъ Эсаплав палатасы арекет этювине масрафлар сметасы тасдикълансын (11, 12, 13, 14, 15 Илявелер).
45. Мезкюр Къараргъа къошулгъан 1-15 Илявелер онынъ айырылмаз къысмы сайылсын.
46. Мезкюр Къарар 2007 сенеси 1-январьдан арекетке кире.