Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына эсасланаракъ ве ер асты байлыкълары акъкъында Украина Кодексининъ 9-нджы маддесиндеки 2-нджи къысмына, 16 ве 19-нджы мадделерине, Украина Назирлер Кабинетининъ 2006 сенеси 20-февральде къабул олунгъан 168 санлы Къарарынен тасдикълангъан 2006 сенеси ер асты байлыкъларындан файдаланмакъ ичюн махсус изинлернинъ такъдим этилюв Тертибининъ 8-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. В. Комаров адына балалар сагъламлаштырув комплекси ве «Береговое» пансионатыны (Ялта ш.) ходжалыкъ-ичимлик сувнен теминлемек ичюн Гъарбий Къырым ер догъумынынъ гъарп дамартысында (№ 396/39 «Мшатка-Чокъракъ» ве № 401/40 «Минеиз» чокъракълары) ер асты татлы сувларыны чыкъармакъ ичюн — «Югсевморсервис» (Севастополь ш.) месулиети сынъырлангъан джемиетине ер асты байлыкъларындан файдаланмакъ ичюн махсус изин такъдим этильмеси акъкъында ресмий риджа уйгъунлаштырылсын.
2. Ер асты байлыкъларындан файдаланмакъ ичюн махсус изинлерге арекет муддетининъ девамланмасы уйгъунлаштырылсын:
1) «Союз-Виктан» ЛТД (МСДж) фирмасына (Киев ш.) — минераль сувларынынъ Белоглинка ер догъумыны амелият-санайы ишлеп чыкъарувы иле геологик теткъикъаты боюнджа ишлер алып бармакъ макъсадынен (Симферополь ш., Генерал Васильев сокъагъы, 23-эвде ерлешкен заводнынъ территориясындаки № 5781 бужар) (2001 сенеси 10-августта берильген 1718 санлы махсус изин);
2) «Агрофирма «Родина» койходжалыкъ истисал кооперативине (Симферополь ш., Новоандреевка к.) — термаль табиий-ичильген сувлар ер догъумынынъ дамартысыны амелий-санайы ишлеп чыкъармасы иле геологик теткъикъаты боюнджа ишлер алып бармакъ макъсадынен (Симферополь районы Новоандреевка к. гъарп тарафында ерлешкен № 474/4739 бужар) (2002 сенеси 3-июньде берильген 1982 санлы махсус изин);
3) «Надра Украины» «Крымгеология» миллий акционер компаниянынъ таби ишханесине (Симферополь ш.) — Первомай районында Первомай мейданлыгъыны (газ) амелий-санайы ишлеп чыкъармасы иле геологик теткъикъаты боюнджа ишлер алып барылмасы макъсадынен (2002 сенеси 14-майыста берильген 1944 санлы махсус изин).
3. Мезкюр Къарар къабул этильген кунюнден арекетке кире.
Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., 2006 с., декабрь 20, № 301-5/06 |