Къырым Мухтар Джумхуриети Анаясасынынъ 32-нджи маддесиндеки 4-нджи къысмына, Къырым Мухтар Джумхуриетининъ Юкъары Радасы Регламентининъ 77-нджи маддесине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2005 сенеси 23-сентябрьде къабул этильген «1853-1856 сенелери Шаркъ (Къырым) дженкинде эляк олгъан аскерлернинъ хатырасы эбедийлештирильмеси боюнджа Къырым Мухтар Джумхуриети Юкъары Радасынынъ Тешкилий комитети акъкъында» 1404-4/05 санлы Укюмине (Къырым Мухтар Джумхуриетининъ норматив-укъукъий актлар топламы, 2005 с., № 9, 807 мад.; 2006 с., № 6, 409 мад.) ашагъыдаки денъишмелер кирсетильсин:
серлевасы янъы тарирде арз этильсин:
«1853-1856 сенелери Къырым дженкинде эляк олгъан аскерлернинъ хатырасы эбедийлештирильмеси боюнджа Къырым Мухтар Джумхуриети Юкъары Радасынынъ Тешкилий комитети»;
1-нджи пунктнынъ биринджи сатырбашында «Шаркъ (Къырым) дженки» сёзлери «Къырым дженки» сёзлерине денъиштирильсин;
2-нджи пунктта «Шаркъ (Къырым) дженки» сёзлери «Къырым дженки» сёзлерине денъиштирильсин.
2. Къырым Юкъары Шурасынынъ 1996 сенеси 21-ноябрьде къабул олунгъан «1853-1856 сенелери Шаркъ (Къырым) дженкинде эляк олгъан аскерлернинъ Хатыра куню, шу дженкнинъ вакъиаларынен багълы къабирлер, эйкеллер ве хатыра ерлернинъ сакъланылмасы, тикленмеси, кечиндирюви ве къорумасы боюнджа тедбирлер акъкъында» 982-1 санлы Къарарына (Къырым Джумхуриетининъ къанунджылыкъ джыйынтыгъы, 1996 с., № 11, 1019 мад.; Къырым Мухтар Джумхуриетининъ норматив-укъукъий актлар топламы, 2004 с., № 3, 169 мад., № 5, 416 мад.) ашагъыдаки денъишмелер кирсетильсин:
серлевасы ве метнинде «Шаркъ (Къырым) дженки» сёзлери мувафыкъ келишлердеки «Къырым дженки» сёзлерине денъиштирильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 298-5/06 |