Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 8-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 8-нджи пунктына, «Бергикаклев ёругъы акъкъында» Украина Къанунынынъ 1-нджи маддесиндеки 2-нджи къысмына бинаен, сагълыкъны сакълав саасындаки икътисадий вазиетни козьде тутаракъ, эм де Къырым Мухтар Джумхуриетининъ Сагълыкъны сакълав Назирлигининъ идаре саасына кирген джумхурий муэссиселер балансындаки накълие васталары ве дигер озю юрген машина ве механизмлернинъ саиплеринде берги тёлемек ичюн пара васталары олмагъаны себебинден
Къырым Мухтар Джумхуриетининъ Юкъары Радасы к ъ а р а р б е р е:
1. 2007 сенеси Къырым Мухтар Джумхуриетининъ Сагълыкъны сакълав Назирлигининъ идаре саасына кирген джумхурий муэссиселер балансында олгъан ве акъчагъа хызмет косьтерювнен багълы олмагъан бутюн накълие васталар Къырым Мухтар Джумхуриетининъ бюджетине теслим этиледжек къысмында накълие васталары ве дигер озю юрген машина ве механизмлернинъ саиплери берги тёлевинден азат этильсин.
2. Къырым Мухтар Джумхуриетиндеки озь-озюни идаре эткен органларгъа Къырым Мухтар Джумхуриетининъ Сагълыкъны сакълав Назирлигининъ идаре саасына кирген джумхурий муэссиселер балансында олгъан ве акъчагъа хызмет косьтерювнен багълы олмагъан накълие васталарнынъ саиплерини 2007 сенеси берги тёлевинден азат этмек тевсие этильсин.
3. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына ве Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 297-5/06 |