«Украинанынъ сагълыкъ сакълавы акъкъында къанунджылыкънынъ эсаслары» Украина Къанунынынъ 13-нджи маддесине, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 17-нджи пунктына бинаен ве Къырым Мухтар Джумхуриетинде верем хасталыгъына огърамакънен багълы эпидемиологик вазиетнинъ незаретини къаттылаштырмакъ, хасталыкъкъа огърав ве олюм косьтергичлерининъ артув темпини эксильтмек, химиорезистент вереми инкишафыны огюни алмакъ эм де хасталарнынъ тедавийлев семересининъ арттырмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2007-2011 сенелеринде верем хасталыгъы эпидемиясына къаршылыкъ косьтерюв боюнджа Региональ программасы тасдикълансын (илериде — Программа) (иляве этиле).
2. Къырым Мухтар Джумхуриетининъ 2007-2011 сенелеринде верем хасталыгъы эпидемиясына къаршылыкъ косьтерюв боюнджа Региональ программасына идареджилик япмакъ ве оны омюрге кечирмек боюнджа Муэссиселерара комиссиясынынъ эркяны тасдикълансын (иляве этиле).
3. Къырым Мухтар Джумхуриетининъ 2007-2011 сенелеринде верем хасталыгъы эпидемиясына къаршылыкъ косьтерюв боюнджа Региональ программасына идареджилик япмакъ ве оны омюрге кечирмек боюнджа Муэссиселерара комиссиясынынъ эркяны акъкъында Низамнаме тасдикълансын (иляве этиле).
4. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2007 сенесинден башлап бюджет лейихасыны шекиллендиргенде сагълыкъ сакълавына айырылгъан пара васталары черчивесинде Программаны эда этильмесине макъсатлы васталар козьде тутсын.
5. Къырым Мухтар Джумхуриетининъ мааллий озь-озюни идаре этюв органларына верем хасталыгъы эпидемиясына къаршылыкъ косьтерюв боюнджа 2007-2011 сенелерине мааллий программалар тасдикълап, мааллий бюджетлерни шекиллендиргенде мувафыкъ сенелерге мезкюр программаларны малиенен теминленмесине пара васталарыны козьде тутмакъ тевсие этильсин.
6. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
7. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 296-5/06 |