Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 17-нджи пункты, 26-нджы маддесиндеки 2-нджи къысмынынъ 1-нджи пунктына бинаен, земаневий талапларгъа уйгъун окъув эснасында юксек нетиджелерге иришмек макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Умумтасиль окъув юртларынынъ инкишаф эттирюви ичюн 2007-2010 сенелерине «Мектеп телекосьтерювлери» Джумхурий программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы:
2.1. Къырым Мухтар Джумхуриетининъ бюджети лейихасыны шекиллендиргенде эр сене тасильге айырылгъан пара васталары черчивесинде умумтасиль окъув юртларынынъ инкишаф эттирюви ичюн 2007-2010 сенелерине «Мектеп телекосьтерювлери» Джумхурий программасынынъ омюрге кечирилювине пара васталарыны козьде тутсын.
2.2. Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясынен берабер умумтасиль окъув юртларынынъ инкишаф эттирюви ичюн 2007-2010 сенелерине «Мектеп телекосьтерювлери» Джумхурий программасынынъ омюрге кечирилюви боюнджа тедбирлер тешкиль этсин.
3. Къырым Мухтар Джумхуриетинде мааллий озь-озюни идаре этюв органлары ве район девлет мемуриетлерине эр сене мааллий бюджетлерининъ лейихаларыны шекиллендиргенде умумтасиль окъув юртларынынъ инкишаф эттирюви ичюн 2007-2010 сенелерине «Мектеп телекосьтерювлери» Джумхурий программасынынъ омюрге кечирилювине пара васталарыны козьде тутмакъ тевсие этильсин.
4. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 292-5/06 |