Къырым Мухтар Джумхуриети Анаясасынынъ 9-нджы маддесиндеки 3-нджи къысмы, 26‑нджы маддесиндеки 2-нджи къысмынынъ 1-нджи пунктына бинаен, оджа зенаатынынъ нуфузыны арттырмакъ, джемиетте педагогнынъ эмиети ве итибарыны котермек, педагогик ве ильмий-педагогик хадимлерининъ иджадий нетиджели ишине сильтем бермек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. 2007 сенесининъ 1-январындан башлап Къырым Мухтар Джумхуриетининъ мулькю эсасында яратылгъан умумтасиль, мутехассыслыкъ-техника, мектептен эвель, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ эр йыл бериледжек 25 пара мукяфаты тесис этильсин.
2. Къырым Мухтар Джумхуриетининъ мулькю эсасында яратылгъан умумтасиль, мутехассыслыкъ-техника, мектептен эвель, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ пара мукяфатлары акъкъында Низамнаме тасдикълансын (иляве этиле).
3. Къырым Мухтар Джумхуриетининъ Назирлер Шурасы эр сене Къырым Мухтар Джумхуриетининъ бюджети лейихасыны шекиллендиргенде Къырым Мухтар Джумхуриетининъ мулькю эсасында яратылгъан умумтасиль, мутехассыслыкъ-техника, мектептен эвель, мектептен тыш ве алий окъув юртларынынъ педагогик ве ильмий-педагогик хадимлерине Къырым Мухтар Джумхуриетининъ эр бирине 10 бинъ грн. микъдарында 25 пара мукяфатыны малиенен теминлемек ичюн керек олгъан къошма бюджет теминлевини Къырым Мухтар Джумхуриетининъ Тасиль ве илим Назирлигине айры сатыр оларакъ къайд этильмеси иле козьде тутсын.
4. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 291-5/06 |