Къырым Мухтар Джумхуриетининъ этрафтаки табиат муитини муафаза этюв боюнджа Джумхурий комитетнинъ реиси Е.Г. Бубновнынъ Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан «Къырым Мухтар Джумхуриетинде территориялар ве мааллий эмиети олгъан табиат-къорукъ фонду объектлерининъ табиат комплекслери сынъырларынынъ бельгилев акъкъында» 1097-4/04 санлы Къарарынынъ эда этилюв кетишаты акъкъында берген малюматыны динълеген сонъ,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ этрафтаки табиат муитини муафаза этюв боюнджа Джумхурий комитетнинъ реиси Е.Г. Бубновнынъ Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан «Къырым Мухтар Джумхуриетинде территориялар ве мааллий эмиети олгъан табиат-къорукъ фонду объектлерининъ табиат комплекслери сынъырларынынъ бельгилеви акъкъында» 1097-4/04 санлы Къарарынынъ эда этилюв кетишаты акъкъында берген малюматы дикъкъаткъа алынсын.
2. Къырым Мухтар Джумхуриетининъ Назирлер Шурасы:
2.1. Къырым Мухтар Джумхуриетининъ икътисадий ве ичтимаий инкишаф программаларыны ишлеп чыкъаргъанда Къырым Мухтар Джумхуриети ве мааллий бюджетлерден малиенен теминленген территориялар ве мааллий эмиети олгъан табиат-къорукъ фонду объектлерининъ табиат комплекслери сынъырларынынъ бельгилеви боюнджа тедбирлерни козьде тутсын.
2.2. Территориялар ве табиат-къорукъ фонду объектлерининъ сынъырларыны бельгилев боюнджа топракъ ерлешюви лейихаларыны ишлеп чыкъарув боюнджа ишлер алып барувында Къырым Мухтар Джумхуриетининъ этрафтаки табиат муитини муафаза этюв боюнджа Джумхурий комитетнинъ, Къырым Мухтар Джумхуриетининъ медений мирасыны муафаза этюв боюнджа Джумхурий комитетнинъ ве Къырым Мухтар Джумхуриетининъ топракъ ресурслары боюнджа Джумхурий комитетнинъ ишбирлигини теминлесин.
2.3. Сынъырларны табиаткъа чыкъарылмасы акъкъында техникий эсабатларнынъ малюматларына бинаен Къырым Мухтар Джумхуриети тасдикълагъан сынъырлар ве мейданлыкълар черчивесинде мааллий эмиети олгъан территориялар ве табиат-къорукъ фонду объектлерининъ муафазасы боюнджа вазифедар джисманий ве адлиевий шахыслар аншлаглар ве бельгиленген ибретке коре къоруйыджы нишанлар къоюлмасы ве къорукъ режимине риает этювнинъ теминлемесини эда этилюви тешкерильсин.
2.4. Къырым Мухтар Джумхуриетинде территориялар ве мааллий эмиети олгъан табиат-къорукъ фонду объектлерининъ сынъырларыны бельгилев боюнджа ишлер алып барылмасына пара васталары айырув меселелери боюнджа мааллий озь-озюни идаре этюв органларынен иш фааллештирильсин.
2.5. Территориялар ве табиат-къорукъ фондунынъ объектлери боюнджа малюматларны топракъ кадастрына кирсетильмек процедурасынынъ догъруламакъ меселеси боюнджа Украинанынъ топракъ ресурслары боюнджа Девлет комитетине мураджаат этильсин.
2.6. Мааллий эмиети олгъан территориялар ве табиат-къорукъ фонду объектлери ерлешкен топракъларнынъ озь башына ишгъаль этювини мусааде этмемек боюнджа тедбирлер япылсын.
2.7.Украина Президенти 2005 сенеси 23-майыста имзалагъан «Украинада табиат-къорукъ ишининъ илеридеки инкишафы боюнджа тедбирлер акъкъында» 838/2005 санлы Эмирининъ 2‑нджи пунктындаки 3-нджи пункастына мувафыкъ «Украинанынъ табиат-къорукъ фонду акъкъында» Украина Къанунына денъишмелер кирсетильмеси акъкъында» Украина къанунынынъ лейихасы азырлавыны тезлештирмек мураджаатынен Украина Назирлер Кабинетине хитап этильсин.
3. Къырым Мухтар Джумхуриетинде мааллий озь-озюни идаре этюв органлары ве район девлет мемуриетлерине тевсие этильсин:
3.1. Топракъ ерлештирюви лейихаларыны ишлеп чыкъармакъ ве оларны тасдикъламакъ изини акъкъында къарарлар къабул этюв къысмында мааллий эмиети олгъан территориялар ве табиат-къорукъ фонду объектлерининъ сынъырларыны бельгиленмеси боюнджа иш фааллештирильсин.
3.2. 2007 сенесине мааллий бюджетлерни шекиллендиргенде мааллий эмиети олгъан территориялар ве табиат-къорукъ фонду объектлерининъ сынъырларыны бельгиленмеси боюнджа ишни малиенен теминленмесине пара васталары козьде тутулсын.
3.3. Украина Къанунынынъ «Украинанынъ табиат-къорукъ фонду акъкъында» 60-нджи маддесине бинаен территориялар ве табиат-къорукъ фонду объектлерининъ муафазасы ве сакъланмасы боюнджа иш фааллештирильсин.
4. Мааллий эмиети олгъан территориялар ве табиат-къорукъ фонду объектлерининъ сынъырларыны бельгиленмеси боюнджа ишнинъ битирильмеси муддети 2010 сенеси 1-январьгъадже девамлансын.
5. Къырым виляетининъ халкъ депутатлары Шурасынынъ иджра комитети къарарларынен мейдангъа кетирильген ве илян этильген мааллий эмиети олгъан территориялар ве табиат-къорукъ фонду объектлерининъ статусы тасдикълансын (джедвель иляве этиле).
6. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.
7. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 284-5/06 |