Къырым Мухтар Джумхуриети Анаясасынынъ 26-нджы маддесининъ 2-нджи къысмындаки 11-нджи пунктына бинаен, 2002 сенеси 25-декабрьде къабул этильген 361-IV санлы «2003-2007 сенелерине миллий киноиндустриянынъ инкишафы Умумдевлет программасы акъкъында» Украина Къанунынынъ эм де 2005 сенеси 18-мартта къабул этильген 2497-IV санлы «Миллий кинематография: вазиети, меселелери ве оларнынъ чезмек ёллары» парламент динълевлернинъ Тевсиелери акъкъында» Украина Юкъары Радасынынъ Къарарыны эда этмек ичюн, джемаат яшайышынынъ ичтимаий ве маневий сааларында кинонынъ ролю ве тесирини тиклемек, балалар ве генчлерде ватандашлыкъ, маневий ве эстетик къыйметликлерини шекиллендирмек, украин миллий киносанаатнынъ эсерлеринен танышмакъ имкяныны кенълештирмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2006-2007 сенелерине кино саасында хызмет косьтерювни мукеммеллештирюв программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2007 сенесине бюджет лейихасыны шекиллендиргенде медениет ве санааткъа айырылгъан пара васталары черчивесинде Къырым Мухтар Джумхуриетинде 2006-2007 сенелерине кино саасында хызмет косьтерювни мукеммеллештирюв Программасынынъ омюрге кечирилювине пара васталарыны козьде тутсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 283-5/06 |