Къырым Мухтар Джумхуриети Анаясасынынъ 9-нджы маддесиндеки 3-нджи къысмы, 26‑нджы маддесиндеки 2-нджи къысмынынъ 1-нджи пунктына бинаен ве умумтасиль окъув юртларынынъ истидатлы талебелерине маневий ве малиевий къолтутувы макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде умумтасиль окъув юртларынынъ истидатлы талебелери ичюн эр йыллыкъ стипендиялары 6 яшындан 18 яшына къадар тайинленген яшав азлыгъынынъ 20 файызы къарарында тайинленсин.
2. Къырым Мухтар Джумхуриетинде умумтасиль окъув юртларынынъ истидатлы талебелери ичюн стипендиялар акъкъында Низамнаме тасдикълансын (иляве этиле).
3. Къырым Мухтар Джумхуриетининъ Назирлер Шурасы Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен бераберликте эр сене Къырым Мухтар Джумхуриетининъ бюджети лейихасыны шекиллендиргенде Къырым Мухтар Джумхуриетининъ Тасиль ве илим Назирлигине бериледжек Къырым Мухтар Джумхуриетинде умумтасиль окъув юртларынынъ истидатлы талебелери ичюн стипендияларнынъ макъсатлы малиевий теминлевине айры сатыр оларакъ козьде тутулсын.
4. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., декабрь 20, № 282-5/06 |