Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан 662-3/03 санлы Къарарынен тасдикълангъан «Мектеп автобусы» Джумхурий программасынынъ эда этильмеси кетишаты акъкъында Къырым Мухтар Джумхуриетининъ тасиль ве илим назири Лавров В.В., Къырым Мухтар Джумхуриети Юкъары Радасынынъ депутаты Козенко А.Д. берген малюматларыны динълеген сонъ, Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 11-нджи пунктларына бинаен, талебелерни окъув ерине ве эвлерине даимий ве хавфсыз ташымасыны тешкилятландырмакъ ичюн
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан 662-3/03 санлы Къарарынен тасдикълангъан «Мектеп автобусы» Джумхурий программасынынъ эда этильмеси кетишаты акъкъында Къырым Мухтар Джумхуриетининъ тасиль ве илим назири Лавров В.В., Къырым Мухтар Джумхуриети Юкъары Радасынынъ депутаты Козенко А.Д. берген малюматлары дикъкъаткъа алынсын.
2. Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан «Мектеп автобусы» Джумхурий программасынынъ тасдикъланмасы акъкъында» 662‑3/03 санлы Къарарына (Къырым Мухтар Джумхуриетининъ норматив-укъукъий актлар топламы, 2003 с., № 9, 715 мад.; 2005 с., № 9, 803 мад.) ашагъыдаки денъишме кирсетильсин:
2-нджи пунктнынъ 2.3 пунктасты янъы тарирде арз этильсин:
«2.3. Эр сене Къырым Мухтар Джумхуриетининъ бюджети лейихасыны шекиллендиргенде мектеп автобуслары сатын алынмасына макъсатлы пара васталары айырылмасы тарзында мезкюр программанынъ малиенен теминлеви козьде тутулсын; мектеп автобусларыны сатын алынмасына айырылгъан макъсатлы пара васталарынынъ такъсимлейиджиси оларакъ Къырым Мухтар Джумхуриетининъ Тасиль ве илим Назирлиги тайинленсин».
3. Къырым Мухтар Джумхуриетининъ Тасиль ве илим Назирлиги мезкюр Къарарнынъ 2‑нджи пунктына бинаен балаларны ташыгъан мектеп автобусларыны сатын алув ве файдаланув тертибини ишлеп чыкъарсын.
4. Къырым Мухтар Джумхуриетининъ Назирлер Шурасы объектив суретте юзь берген вазиетни козьде тутаракъ, Украина Назирлер Кабинетининъ 2003 сенеси 16-январьда къабул олунгъан 31 санлы Къарырынен тасдикълангъан «Мектеп автобусы» умумдевлет Программасынынъ адарлы омюрге кечирилювинде ярдым бермеси ичюн Украина Назирлер Кабинетине мураджаат этсин.
5. Къырым Мухтар Джумхуриетиндеки мааллий озь-озюни идаре этюв органлары Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан «Мектеп автобусы» Джумхурий программасынынъ тасдикъланмасы акъкъында» 662-3/03 санлы Къарарынынъ 3-нджи пункты 3.1 пункстастына бинаен ишлеп чыкъарылгъан ве тасдикълангъан «Мектеп автобусы» мааллий программаларнынъ омюрге кечирюв кетишаты акъкъында меселени 2006 сенеси 1-декабрьгедже бакъып чыкъсынлар. Теклифлер Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына ёллансын.
6. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
7. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., ноябрь 22, № 250-5/06 |