«Сагълыкъны сакълав акъкъында Украина къанунджылыгъынынъ эсаслары» Украина Къанунынынъ 13-нджи маддесине, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 11-нджи пунктына бинаен ве Къырым Мухтар Джумхуриетинде диагностиканынъ яхшылаштырувы, янъы яратылгъан осал яраларны эртеден тапылмасы, олюмлернинъ ве онкология хасталарынынъ ишке ярагъан яшында сакъатлыкъкъа ильк чыкъмасынынъ сийреклештирильмеси, махсус онкология ярдымы берильмесининъ яхшылаштырылмасы макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. 2007-2016 сенелерине онкология хасталыкъларына къаршы куреш Джумхурий программасы тасдикълансын (иляве этиле).
2. Къырым Мухтар Джумхуриетининъ Везирлер Шурасы 2007 сенесинден башлап, Къырым Мухтар Джумхуриетининъ бюджети лейихасыны шекиллендиргенде сагълыкъны сакълав саасынынъ кечиндирювине айырылгъан пара васталары сынъырында 2007-2016 сенелерине онкология хасталыкъларына къаршы куреш Джумхурий программасынынъ эда этмесине макъсатлы теминлевни козьде тутсын.
3. Мааллий озь-озюни идаре этюв органлары ве Къырым Мухтар Джумхуриетинде район девлет мемуриетлерине 2007-2016 сенелерине онкология хасталыкъларына къаршы куреш Джумхурий программасынынъ эда этмеси боюнджа тедбирлер тасдикъламакъ ве оларны малиенен теминлемек тевсие этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., ноябрь 22, № 251-5/06 |