Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1-нджи пунктына, «Тасиль акъкъында» Украина Къанунынынъ 54-нджи маддесиндеки 1-нджи пункты, 38-нджи маддесиндеки 3-нджи пунктына бинаен ве Къырым Мухтар Джумхуриетинде стипендиялар тайинленгенде студентлернинъ акълары ве менфаатларыны теминлемеси эм де къорчаламасы макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2000 сенеси 19-июльде къабул олунгъан 1288-2/2000 санлы Къарарынен (Къырым Мухтар Джумхуриетининъ норматив-укъукъий актлар топламы, 2000 с., № 7, 737 мад.; 2001 с., № 11, 1216 мад.; 2002 с., № 10, 1058 мад.; 2004с., № 6, 543 мад., № 12, 1103 мад.; 2006 с., № 6, 408 мад.) тасдикълангъан Къырым Мухтар Джумхуриетинде стипендиялар акъкъында Низамнамесине ашагъыдаки денъишме кирсетильсин:
4-нджи пункт мезкюр мундериджели сатырбашынен текмилленсин:
«Къырым Мухтар Джумхуриетининъ стипендияларыны аладжакъ намзетлерге такъдимни алий окъув юртунда окъугъан студентлер озь-озюни идаре этюв органларында уйгъунлаштыралар».
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., ноябрь 22, № 252-5/06 |