Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 1, 36-нджы пунктларына бинаен, япылгъан мукъавелелер ве оларгъа аит протоколлар, регионларара мукъавелелернинъ омюрге кечирильмеси боюнджа программалар ве тедбирлер планларынынъ эда этильмеси незаретининъ кучлендирюви ве семересининъ юксельтюви макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси 24-декабрьде къабул олунгъан 315-2/98 санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 12, 1016 мад.) тасдикълангъан ичтимаий-икътисадий ве медений сааларында Къырым Мухтар Джумхуриетининъ векялетли ве иджра акимиети органлары ве Украина регионлары эм де четэль девлетлерининъ регионларынен ишбирлиги акъкъында мукъавелелернинъ азырлав, имзалав, омюрге кечирюв ве арекетини токътатув тертиби акъкъында Низамнамесине ашагъыдаки денъишме кирсетильсин:
13-нджи пункт янъы тарирде арз этильсин:
«13. Къырым Мухтар Джумхуриетининъ Назирлер Шурасы Къырым Мухтар Джумхуриетининъ Юкъары Радасына йылда энъ аздан эки кере мукъавелелер эда этильмеси кетишаты акъкъында ресмий малюмат такъдим этсин.
Мукъавелелер инкишафы нетиджесинде къабул олунгъан эписи экитарафлы весикъалар имзаланмакътан эвель бакъылмакъ ве теклифлер кирсетмек ичюн Къырым Мухтар Джумхуриетининъ Юкъары Радасына ёлланылсын».
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тышкъы икътисадий алякъалар, тиджарет ве тешеббюсчилик боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., ноябрь 22, № 254-5/06 |