Украина Анаясасынынъ 137-нджи маддесиндеки 1-нджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2, 9-нджы пунктлары, 26-нджы маддесиндеки 2-нджи къысмынынъ 31-нджи пункты, 35-нджи маддесиндеки 5-нджи къысмына, «Айванат дюньясы акъкъында» Украина Къанунына, «Авджылыкъ ходжалыгъы ве авджылыкъ акъкъында» Украина Къанунынынъ 9, 22 ,23 мадделерине бинаен, ве авджылыкъ арсаларыны вакътынджа чокъ муддетли къулланувгъа берильмеси ве олардан файдаланмакъ акъкъы токътатылмасы иле багълы меселелернинъ Къырым Мухтар Джумхуриетининъ Юкъары Радасында чезмек механизмине аит меселелернинъ тертипке кетирюви макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ Юкъары Радасында авджылыкъ арсаларыны вакътынджа чокъ муддетли къулланувгъа берильмеси ве олардан файдаланмакъ акъкъы токътатылмасы иле багълы меселелернинъ чезилюв Тертиби тасдикълансын (иляве этиле).
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2006 с., ноябрь 22, № 259-5/06 |