КъМДж ЮР Къарары

ЕР АСТЫ БАЙЛЫКЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР ТАКЪДИМ ЭТИЛЮВИ АКЪКЪЫНДА РЕСМИЙ РИДЖАЛАРНЫНЪ УЙГЪУНЛАШТЫРЫЛМАСЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына эсасланаракъ ве Украинанынъ ер асты байлыкълары акъкъында Кодексининъ 9-нджы маддесиндеки 2-нджи къысмына, 16 ве 19-нджы мадделерине, Украина Назирлер Кабинети 2006 сенеси 20-февральде 168 санлы Къарарынен тасдикълангъан ер асты байлыкъларындан 2006 сенеси файдаланмакъ ичюн махсус изинлер такъдим этмек Тертибининъ 8-нджи пунктына бинаен,

Къырым Мухтар Джумхуриетининъ Юкъары Радасы к ъ а р а р б е р е:

1. Ер асты байлыкларындан файдаланмакъ ичюн махсус изинлер такъдим этилюви акъкъында ресмий риджалар уйгъунлаштырылсын:

1) «Утес» санаторийси» месулиети сынъырлангъан джемиетине (Алушта ш., Утес къ.) — ходжалыкъ-ичимлик сувнен файдаланмакъ ичюн Гъарбий Къырым ер догъумынынъ Гурзуф-Запрудное дамартысында (Алушта дагъ ходжалыгъы девлет ишханесининъ топракъларында ерлешкен № 133/219 «Ай-Йори», № 212/196 «Аян-Кешмеси» чокъракълары) ер асты татлы сувларыны чыкъармакъ макъсадынен;

2) «Укрздравница» Украина профсоюзларынынъ тедавийлев-сагъламлаштырув муэссиселери япыкъ акционер джемиетининъ «Ана-бабалары иле балалар ичюн «Победа» санаторийси» таби ишханесине (Евпатория ш.) — Сакъ районында сувнен тедавийлемек ичюн Евпатория ер догъумынынъ Курортное дамартысында (№ 3-рк, 4-рк, 5-рк бужарлары) ер асты минераль сувларыны («денъиз» шекилли) чыкъармакъ макъсадынен;

3) Евпатория ш. сув кечирюв-канализация ходжалыгъы истисал ишханесине — ходжалыкъ-ичимлик сувнен теминлемек ичюн Алма ер догъумынынъ Альминский-2 дамартысында (Сакъ районы Червоное коюнинъ дженюп тарафкъа 1,2 км месафеде ерлешкен №№ 6295, 6296, 6297, 6298, 4113 бужарлары) ер асты татлы сувларыны чыкъармакъ макъсадынен;

4) «Къырым» (мааллий курортология ве реабилитирлев) меркезине (Алушта ш. Партенит шчкъ) — Партенит шчкъ-ны сувнен теминлемек ичюн Гъарбий Къырым ер догъумынынъ Гурзуф-Запрудное дамартысында (Къырым табиат къоругъынынъ сынъырларында ерлешкен №191/157 «Кучук Пурдали», 193/155 «Тарладаки Пурдали I», 190/156 «Буюк Пурдали», 190/156‑а «Ёл башындаки Пурдали», 187/159 «Истефан», 578 «Надежда», 580 «Москвич», 577 «I ве II йылдыз» чокъракълары) ер асты татлы сувларыны чыкъармакъ макъсадынен;

5) «Симеиз» джумхурий клиника санаторийси» ишханесине (Симеиз шчкъ) — санаторийни ходжалыкъ-ичимлик сувнен теминлемек ичюн Гъарбий Къырым ер догъумынынъ Алупка дамартысында (Симеиз шчкъ-дан 700 м шимальге ерлешкен № 768/4 «Эшельман» чокърагъы) ер асты татлы сувларыны чыкъармакъ макъсадынен;

6) «Жиса» телерадиокомпаниясына (ТРК) (Симферополь ш.) — ишханени ходжалыкъ-ичимлик сувнен теминлемек ве шишелерге (ичильген сув) толдурмакъ ичюн Симферополь ш. топракъларында ерлешкен «Сегада» ер догъумында (№ 579 бужары) ер асты татлы сувларыны чыкъармакъ макъсадынен.

2. Мезкюр Къарар къабул этильген кунюнден арекетке кире.