КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2007 СЕНЕСИНЕ МААЛЛИЙ ОЗЬ-ОЗЮНИ ИДАРЕ ЭТЮВГЕ КЪОЛТУТУВ ВЕ ИНКИШАФ ЭТТИРЮВ КОМПЛЕКСЛИ ПЛАН АКЪКЪЫНДА

Украина Анаясасынынъ 7 ве 142-нджи мадделери, Къырым Мухтар Джумхуриети Анаясасынынъ 42-нджи маддеси, «Мааллий озь-озюни идаре этюви акъкъында» Украина Къанунынынъ 63-нджи маддеси, Украина Президентининъ 2001 сенеси 30-августта чыкъаргъан «Украинада мааллий озь-озюни идаре этювге девлет къолтутувы ве инкишаф эттирюви акъкъында» 749/2001 санлы эмирине бинаен ве Къырым Мухтар Джумхуриетинде мааллий озь-озюни идаре этювни инкишаф эттирюв макъсадынен

Къырым Мухтар Джумхуриетининъ Юкъары Радасы к ъ а р а р б е р е:

1. Къырым Мухтар Джумхуриетинде 2007 сенесине мааллий озь-озюни идаре этювге къолтутув ве инкишаф эттирюв Комплексли план тасдикълансын (иляве этиле).

2. Юкъарыда анъылгъан Комплексли планнынъ эда этильмеси Къырым Мухтар Джумхуриети Юкъары Радасынынъ 2001 сенеси 21-ноябрьде къабул олунгъан 2145-2/01 санлы Къарарынен мейдангъа кетирильген Къырым Мухтар Джумхуриетинде мааллий озь-озюни идаре этювге къолтутув ве инкишаф эттирюв комплексли планларны омюрге кечирген Координацион кенъешке авале этильсин.

3. Къырым Мухтар Джумхуриетинде 2007 сенесине мааллий озь-озюни идаре этювге къолтутув ве инкишаф эттирюв Комплексли план боюнджа тедбирлерни малиенен теминлемек ичюн масрафлар джедвели тасдикълансын (иляве этиле).

4. Къырым Мухтар Джумхуриетининъ Назирлер Шурасы 2007 сенесине бюджет лейихасыны шекиллендиргенде ашыгъыдакилерни козьде тутсын:

айры сатыр иле Къырым Мухтар Джумхуриетинде 2007 сенесине мааллий озь-озюни идаре этювге къолтутув ве инкишаф эттирюв Комплексли план боюнджа макъсатлы малиенен теминлевге 500 бинъ грн. микъдарында;

2007 сенеси мааллий озь-озюни идаре этювни инкишаф эттирюв лейихалар ве программалар Бютюнкъырым ярышыны кечирилювине эм де гъалип оларакъ тайинленген лейихалар ве программаларнынъ омюрге кечирильмесине 3 млн. грн. микъдарында пара васталары айырылсын.

5. Мезкюр Къарарнынъ 2-нджи пунктында косьтерильген Координацион кенъеш 2008 сенесининъ февраль айында Къырым Мухтар Джумхуриетининъ Юкъары Радасына юкъарыда анъыл­гъан Комплексли план боюнджа тедбирлер эда этильгени акъкъында эсабат берсин.

6. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ мааллий озь-озюни идаре этюв ве мемурий-территориаль меселелер боюнджа Даимий комиссиясына авале этильсин.

7. Мезкюр Къарар къабул этильген кунюнден арекетке кире.